دائماً تأكد بأنه فّي ذات الوقَت ألذي يراك أحدُهم هامشاً هُناك آخر يراك أمنّيته...
في محل الملابس...
سماح باستغراب: هتشتغلي في العيد معايا؟.
عشق بضحك: أعيد معاكي احسن ولا أعيد مع مرات ابويا.. هه.. هه..
سماح بضحك: عندك حق يابت.
عشق بحب: كل سنه وانتي طيبه يااحلي سمسمه في الدنيا.
سماح بحب: وانتي طيبه ياقلبي، تعالي نشوف شغلنا..
بعد عده ساعات..
في شقه محمود المحمدي....
تسيتقظ ملك من النوم بتعب وتخرج من غرفتها لتجد والدتها تجلس امام التليفزيون تشاهد احد المسلسلات..
سارة باستغراب: صاحيه بدري وكمان من غير مادخل اصحيكي، خير.
ملك بتعب: حاسه بمعص في بطني ياماما.
سارة بقلق: تلاقيها الدورة بتاعتك، روحي ارتاحي وانا اعمل كوبايه قرفه واجيب لك حباية مسكن، وتقوم سارة لتحضر كوبايه القرفه.
ملك لنفسها : البريود بقالها اكتر من شهر ماجيت، لاكون حامل، لا انا باخد حبوب منع حمل بانظام، لا اكيد خدت برد في معدتي، لا انا احسن حاجه، اروح الصيدلية، اجيب تست للحمل واتاكد.
سارة: اشربي كوبايه القرفه وادخلي نامي وانا هاجي كل شويه اطمن عليكي.
ملك بقلق؛ انا هلبس وانزل اجيب شويه حاجات من الصيدليه.
سارة بحب: ارتاحي انتي وانا هنزل اجيب لك اللي انتي عايزاه.
ملك بلهفه: خليكي انتي ياماما، الصيدلية جنب البيت وكمان امشي رجلي شويه ، بقالي فترة ماخرجت.
سارة بحب: خدي الفلوس اللي انتي عايزها من البوك بتاعي، انتي عارفه مكانه.
ملك: حاضر ياماما...
في مصنع الشرقاوي للحديد والصلب....
سليم بحزن: انا من وقت ماشوفتها مع عشق وانا نفسي اشوفها تاني يازين وحشتيني اوي.
زين ببرود: وتحب اعمل ايه لحضرتك، اروح اخرجها بالقوه من البيت ولا اخطفها.
سليم بحب: عايزك تكلم عشق تخرج معاها واتعرف عليها.
وزين بجديه: انا وعشق مش بنخرج مع بعض ياسليم، مجرد كلام علي التليفون وبس.
سليم بحزن: طب اعمل ايه ياصاحبي، انت تتقدم بقا للعشق واكيد صاحبتها و هتروح لخطوبتها، وممكن اشوفها واعرفها علي مشاعري ناحيتها.
زين بغيظ: عايز مني اتخطب بسرعه عشان تتعرف علي البنت اللي بتحبها.
سليم بحزن: عايز فرصه اشوفها ياصاحبي،اكيد انت حاسس بحالي.
زين بحب: حاسس بيك ياسليم، وهحاول اساعدك، عشان شايف فيك تغيير واضح.
سليم بحب: ربنا يخليك ليا يازيزو.
زين بغيظ؛ روح شوف شغلك.
سليم بضحك: انا شكلي اتعودت علي الطرد ههه... هه...
في غرفة ملك...
ملك بصدمه: يانهار اسود ومنيل، انا طلعت حامل، اعمل ايه دلوقتي يارب، لازم اكلم عمر، لازم يجي يطلبني من عمو محمود بسرعه.. وتجري اتصالا هاتفيا.....
في سيارة زاهر والد عمر مع زوجته زيزي... متجهون الي الساحل...
زاهر وهو يسوق السيارة: تليفونك بيرن ياعمر.
عمر بضيق ينظر للشاشه الهاتف ويقول: واحد صاحبي مش عايز ارد عليه، انا هاقفل التليفون احسن.
زيزي بدلع: وهي تجلس بجانب عمر اقفله احسن بدل الصداع، خلينا نسافر بروقان.
زاهر: عندك حق يازيزي و احنا كمان نقفل التليفونات بتاعتنا ونبعد عن وجع الدماغ،احنا رايحين نجدد شبابنا ياروحي.
زيزي بغيظ: شباب ايه اللي نجدده، احنا لسه شباب يازاهر ولا ايه ياعمر.
عمر بإشمزاز: اكيد ياطنط.
زيزي بدلع: قولي زيزي وبلاش طنط دي هه.. هه.
عمر في سره: ايه القرف ده متجوزه ابويا وعماله تدلع عليا وكمان بلاش طنط وقولي زيزي انتي اكبر مني بعشرين سنه.
زيزي: قولت ايه ياعمر؟.
عمر بحيره: علي ايه ياط.. اقصد يازيزي.
زيزي بدلع: اللي واخد عقلك، انا بتكلم مع زاهر هتعقد معانا في الشاليه ولا هتأجر شاليه تاني جنبنا.
عمر بسخريه: هأجر شاليه جنبكوا، عشان تكونوا علي راحتكم.
زاهر بضحك: والله طلعت بتفهم ياعمر، طالع لابوك.
عمر بضحك: اكيد يابابا...
ملك بدموع: مش بترد عليا وقفلت تليفونك كمان ياعمر ، اعمل ايه في المصيبه اللي انا فيها؟..
YOU ARE READING
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
