لا سلطـة لنـا على قلوبنـا هى تنبـض لمـن أرادت …
بعد انتهاء الشفت، ذهب عشق مع سماح لشراء بعض الملابس.
في احد المحلات لبيع الملابس النسائيه.....
سماح بحب: ايه رايك في الدريس ده؟.
عشق بحب: حلو اوي ياسماح، ذوقك حلو اوي، انا هروح البروفه.
بعد قليل خرجت عشق من البروفا مرتديه فسان ابيض ضيق من عند الخصر ونازل منفوش وعليه بعض الرسومات الفرعونيه البسيطه بالون الازرق من الاسفل ...
سماح بانبهار: ايه القمر ده، بجد الفستان هياكل منك حته.
عشق بخجل: حلو عليا بجد ياسماح.
سماح بضحك : من حلوته، مرات ابوكي، لو شافتك لابساه، هيجلها الضعط هه... هه... نفسي اشوف منظرها، ساعه ماتشوفك لابسه الفتسان هه... هه..
عشق بحب: ربنا يخليكي ليا.
سماح بتفكير: طنط سارة هتسالك جبتي فلوس الفستان من اين، هتقولي ايه؟.
عشق بحزن: هقول استلفت منك، لغايه اخر الشهر، اعمل ايه ياسماح بعد كام يوم هيجي العيد وبابا هيسالني، اشتريتي ايه، وهي مفهمه بابا اني خدت فلوس منها، عشان اشتري لنفسي حاجه.
سماح بجديه: قولي الحقيقه لابوكي، شويه التبس اللي بتحوشي فيهم من اول ما بدأتي الشغل، تصرفيهم علي فستان و طرحه وحاجات تانيه.
عشق بحب: بكره ربنا يفرجها، انا خايف علي صحة بابا ياسماح، لو حصل له حاجه وحشه، انا....
سماح بسرعه: تفي من بقك، ربنا يبارك في عمره ويبعد عنه ام اربعة واربعين وبنتها.
عشق بضحك: امين يارب.
سماح: والله العظيم عمو محمود طيب اوي، بس كان لازم يتجوز سارة.
عشق: النصيب ياختي، بس الفستان، هيحرق دمها.
سماح بضحك: اه والله يابت، يالله ندفع الفلوس ونروح علي طول.
عشق بحب: طيب.
في شقه محمود المحمدي....
سارة بغيظ: كل ده تاخير ياعشق، ابوكي جه اتغدى ودخل ينام، والهانم لسه بره، وانا طول النهار حيلي مهدود في شغل البيت...
فجأ تدخل عشق من الباب...
سارة وهي تنظر الي الشنط اللي تمسكها عشق بيديها: كل ده تاخير ياختي، ابوكي سال عليك.
عشق بتعب: انا استأذنت بابا الصبح علي الفطار يامرات ابويا وقولت ليه ممكن اتاخر شويه.
سارة بغيظ: استأذنتي ولا لا، ابوكي حر معاكي، لكن ايه حكايه الشنط اللي معاكي دي.
عشق بسخريه: خد الفلوس منك ونزلت اجيب شويه حاجات ليا هه... هه..
سارة بغضب: اتمسخري عليا يابنت سعاد، جبتي الفلوس من اين؟.
عشق بصوت عالي: استلفتهم يامرات ابويا، شكلي من هنا ورايح هعيش علي السلف.
سارة بضحك: تلاقيكي جايبه حاجات مش حلوه ولا ليها قيمه.
عشق بغيظ: مش طالبه رايك، انا هدخل ارتاح من صبحيه ربنا واقفه علي كعوب رجلي.
سارة بغيظ: والمواعين ياشاطرة مين يغسلهم.
عشق بغضب: بصي يامرات ابويا انا كلت فيهم حاجه، أغسلهم ليه، لو مش قادرة علي شغل البيت خلي المحروسه بنتك تساعدك، ولا علي رجليها نقش الحنه.
سارة بصدمه: هاروح اصحي ابويكي، خليه يربيكي.
عشق بضحك: يالله روحي خليه يعرف كل حاجه.
سارة بمكر: مش خايفه علي صحه ابوكي.
عشق بضحك: ابويا اللي شغال ليل نهار ليكي انتي وبنتك، لو حصل له حاجه بعد الشر عليه، انتي وبنتك هتشحتوا في الشوارع يامرات ابويا.
سارة لنفسها: مالها النهارده متغير كده ليه، ليكون قلبها جمد بعد ماشتغلت.
عشق بحب مصطنع: عايزه حاجه مني يامرات ابويا.
سارة بغيظ: تغوري من وشي ياختي.
عشق بغيظ حاضر يامرات ابويا.
سارة لنفسها: لازم اعرفها ان الله حق، ماشي يابنت سعاد، خلاص القرش جري في ايدك، وقلبك جمد عليا، لازم اشوف حل...
YOU ARE READING
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
