الليث قرص شاهين وبعدها شال يده وقرص امجد وهو وده يضحك بس مقاوم الضحكة قد ما يقدر
امجد همس في اذن الليث بضحكة: رح برا ورا المجلس واضحك لا تموت علينا
قام الليث وهو صدق ماهو قادر يمسك ضحكته عليهم طلع وراح ورا المجلس وضحك من قلبه وكل ما يتذكر هواشاتهم وقطاتهم يضحك زود شوي وجوه شاهين وامجد يضحكوا
امجد : جدي زعلان ولا يسبنا بعد
الليث بضحكة: ليه
شاهين: يقول انت والسرابيت اللي معك روحوا وزينوا القهوة
الليث: طيب وشفيها
ورجع الليث يضحك على قطه شاهين وعلى رد امجد من تذكر
امجد ضحك وسحب الليث من ياقته: امشو امشو
وراحو للمطبخ
امجد يصوت: ولدد فيه احد داخل
هيا: ايوا انا
امجد عرفها من صوتها وقال: زيني لنا القهوة خلصت
هيا : ابشر
امجد: تبشري بالجنة
بدت هيا تجهز القهوة لهم وهي مبسوطة من امجد واحترامه عكس عيال خوالها وبعدها لبست عباتها لان حتى الحريم كانت عندهم عزيمة فكانو متزينين وتغطت ومشت تعطيه ترمس القهوة ( عندنا في حائل نقول صلاعه مالي دخل لازم اعلمكم 😂)
امجد : تسلمي
هيا مشت بدون لا ترد وجلست في المطبخ بملل امها قالت لها تجلس علشان اذا احتاجوا الرجال شي
امجد وهو يصب في الفنجان: شوفو المواهب شوفو
شاهين ضحك وهو ياخذ الفنجان من امجد ويشرب وامجد رجع يسوي الحركه فوق فخذ الليث
الليث بخوف: يا ويلك تصبه علي وتح( صرخ من انكبت عليه القهوة
شاهين شرق بقهوته وامجد توهق والليث ما احترق كثير بس ثيابه توسخت
الليث بملل: يهوو ولد ثيابي
امجد: ماعليك روح الحمام واغسله يروح
الليث قام: وينه حمامكم
امجد صيح للي في المطبخ: هيااا باقي هنا
هيا قامت بسرعه: ايوا وش شي
امجد : سوي طريق خويي بيدخل يغسل ثوبه من الحمام اللي تحت الدرج قولي اني هناك لا احد يروح
هيا : ابشر
راحت وبعد دقايق رجعت: شويات وقوله يدخل اكون انا مشيت
امجد ابتسم لها: ابشري
راحت ودقايق ودخل الليث يغسل وامجد وشاهين مشو للمجلس وهو دخل الحمام وشاف بنت هناك وكانت قمه الذوق طويلة عينهاا يووه زي عين هيام شفايفها حتى شاماتها شافها دقق على ادق تفاصيلها رسمة جسمها شعرها ماخذ من طولها ولونه يجذب تسمر مكانه من شكلها عينه عليها اخذته يمين وجابته يسار رفعته فووق ونزلته تحت ما يدري مين ذي بس اللي يعرفه انه ماهو قادر ما يناظرها يبي يصد بس من الزين اللي هي فيه ماهو قادر يبعد عينه جمالها اليوسفي وعرق البدو اللي وضح فيها جاب راسه لالا جاب اجله التفتت تبي تطلع بس شافته واقف وركضت لداخل الحمام لانها كانت واقفه على المغاسل وهو سمع صوت بنات وركض دخل معها الحمام
YOU ARE READING
انت النور لو كانت دروبي ظلام
Romanceواذا انجبر فؤادي ونبض باسمها بمجرد ان اعترف قلبي بحبها وانا الذي يرجوني القوم فارفض فاذا انحنيت اترجي منهم ودها وانا اللذي اضحك في عز شدائدي دمعت عيني دم لاجل قربها وانا عزيز النفس وللكرامة منزل ذللت نفسي حتى انعم بقلبها واسودت السماء وبكت الغيوم اذ...
Part 7
Start from the beginning
