سميدع - اخذها من ايدي يدور بيها لزم جنسيتي يلي شايلها وياي ضل يقره بيها و يباوع للشخص الثاني يلي وياه .. شفتوا مابيها اكثر من المبلغ الي كلت الكم عليه اخذوه و رجعولي المحفظه بيها مستمسكاتي خل اتوكل هواي تأخرت لحد هسه اني متساهل وياكم المن بعد مخليني هيج انتضر يمعودين
- أنتَ سيد
سميدع - اي سيد .. جاي تعطلوني اخذوا الفلوس خل اتوكل عمي اخذوهن يلا داروح
- لا لا هاك اخذهن مانريد تكدر تروح عوف الفلوس مانريدهن اعتبر ما وكفناك بيوم من الايام سامحنا
سميدع - شنو ليش عفتوهم اخذوهن اني باري الكم الذمه وهنه فلوس اعتبروهن صدقه اي شي بس لا ترجعوهن مادام تسلبون يعني محتاجيهن بشي اخذوهن يولد احنا اخوه مادام مامحتاجهن بالعافيه عليكم و
- والله مستحين من عندك حيل احنا مو حراميه الله يشهد بس ابوي حيل مريض ومحتاج علاج وماكو بايدنا شي غير ناخذ الفلوس والله مادرينا بيك سيد اعذرنا لا تشور بينا اعذرنا
سميدع - استغفر الله على شنو اشور بيكم اخذوهن لو جنت شايل اكثر انطي الكم بس شوفت عينكم هو هذا يلي اكدر عليه اخذوهن بالعافيه عليكم يلا هاكم لا تخجلوني
- ابدددد والله فلا ناخذ هاي فلوسك سيد واحنا نعتذر منك بالله لو ندري ماسوينه هيج بس اعيد و اكرر مجبورين انتَ تدري الاب شكد عزيز والله ماكدرنا نتحمل نشوفه يتعذب على علاج وماننطي اله لو ندور بلكي نحصل فلوس
سميدع - اخذوهن يولد اخذوهن لا تسون هيج
- لا مشكور ماقصرت
صالح - لكك شعندك واكف هنا ضل بالي عليك
- ارررفع ايدك
صالح - هاي شكو شصاير مسلبجيه تردون تبوكون
- هذا هم سيد مثلك لو لا
سميدع - لا مو مثلي
- چاا جييب طلع شكو فلوس عندك
سميدع - انطيهم صالح انطيهم معليك يمي
صالح - هاكم خالي اخذوهن هنه ذني يلي عندي
- يالله مع السلامه نشوفكم بالخير
سميدع - ان شاء الله ربي يعافي ويشافي ابوكم
- شوف صح اخذنا فلوس منك بس ترا ابونا مريض مجبورين نسلب
صالح - بالعافيه عليك عمي اخذوهن بس نزلوا هل رشاشه لا تطلع منها طلقه تايهه و تاخذنا من هل الدنيا غدر
سميدع - هاك خويه فلوسك
صالح - شنو سالفتهم ذوله يعني ابوهم مريض يسلبون
سميدع - هاي بعد العالم تعبانه و الحصار حيل قوي حسره عليهم اللكمه خطيه منين يجيبون الاكل اخذ الفلوس ذني و ابري الهم الذمه
صالح - مبريين والله بس غير طيحوا كلبي نوب بوسط منطقه كطعه اذا ما نلحك نروح من هنا يجون النا الاتعس منهم
سميدع - يلا خويه روح عطلتك وياي اطلع بطريقك لاحكك
صالح - والله رجعت هل مسافه كلها لان شفتك مو وراي كلت خاف صار عليك شي عطلت السياره خو ما اخليك هنا بهل الكطعه شون اسوي هيج
YOU ARE READING
السميدع
Mystery / Thrillerفي إحدى البيوت العراقيه من الزمن القديم وفي ضواحي بغداد الهادئه .. هناك اسرار تختبىء خلف جدران البيت تخفي بداخلها مشاعر أفراد هذا البيت ايا تكن هذه المشاعر ..!! هل هيه الكراهيه ام الحقد.. او قد تكون مشاعر الحب الممزوجه بالخوف والقلق من المستقبل المج...
بارت 19
Start from the beginning
