انت النور لو كانت دروبي ظلام

Part 1

هيام بفرح: الحين ريحته فراولة

امجد فتح عينه بصدمة: وش اللي فراولة بنت تكفين نشفيه بسرعه وحطي عود عطر اي شي على شعري الله يهدييك ويصلحك وين وديتي الشامبو حقي

هيام ببراءة: البسة البيضة اللي تجي بيتنا شفتها وسخه وتظفتها بحقك انا شامبو حقي معطر خفت يحرقها ويخرب فروها ويسوي لها حساسية

قام بسرعه من صوت ابوه العالي وهو يتحسب جاي من الحوش ومشى وهو خايف وشعره باقي مبلل وهي لحقته بخوف ووقفت ورا باب اللوبي من طلع اخوها

امجد بتدخل وهو يوقف جنب ابوه: خير خير ابو مازن وش صاير شفيه؟

مازن بشماته: دين ابوك يا الغالي ان ما سدده بعد ساعه والله لا تجي الشرطه وتتله لسجون لحد ما يرجع دين ابوي

ابو مازن: ايه صار لك يا ابو خلف سنة وما رجعت الدين

امجد صد على ابوه منصدم: يبه متسلف منهم ليه انا بايش مقصر اكرف بشغلتين واصرف عليكم ليه تتسلف ليه ما علمتني 

ابوه صد بحرج من ولده وما رد وتعالت ضحكات مازن الاستفزازية وابو مازن ابتسم

مازن بابتسامه استفزت خلف بما فيه الكفاية لو ما ابوه واقف كان فرم له وجهه: وصلكم العلم ساعه وبنرجع لكم

مشو مازن وابوه ومالك دخل بهم المبلغ مو قليل وساعه مو كافيه وهيام راحت لابوها تشهق وتشلع ذهبها من يدها وعنقها واذنها وخاتمها وتمده لابوها وتبكي 

مالك انصدم من حركه بنته ومسح على راسها وهو يرجع لها الذهب: هاذي هدايا من خوياتك يا بنتي ما يجوز تعطيني لها الهدية لا ترد ولا تباع يا بنتي 

هيام ببكي: بس انت بتروح اذا ما رجعناه

دخل امجد معصب وجلس وهو يفور من مازن واستفزازه ضحكاته وابتسامته اصلا صوته بنفسه مستعد يخرب يوم امجد كامل

امجد بهدوء عكس اللي داخله: يبه ليه تتدين من ذولا 

مالك سكت وكمل امجد: مو مهم مو مهم اهم شي كم تسلفت يبه 

مالك وهو منزل عينه على بنته المنهارة جنبه: ميتين الف ريال

امجد فتح عينه بصدمة من وين له بذا المبلغ وهيام ناظرت ذهبها كان خفيف حيل ما يجيب الف ريال مسك خلف راسه بضيق من وين يدبر هالمبلغ

مالك ابتسم وقال بصوت يطمنهم: انا بعد ساعه بروح وانتو لا تتاخروا علي ودبروا المبلغ واثق فيكم ما بتتركوني ويا ولدي درب المذلة لا ترضى به و روح اطلب الليث من اول رفض له صد بوجهك وارجع البيت واتصل على جدك واعمامك يساعدوك واذا لبى لك لا ترده وقوله نرجعه له

امجد وهو يهز راسه: يبه وش اللي ليث ميتين الف يبه من وين نجيبها ونسددها ل الليث هاه يبه الليث لا احتاجهم وما اعطيناه لها بيحطنا في مليون مصيبة

مالك اخذ نفس: بدبرها انا من اطلع بس انت روح له وزي ما قلت لك لا تذل نفسك

.....................

بعد ساعتين 

امسكو الشرطه بمالك وهو الحين مسجون لحد ما يدفعوا الفلوس لابومازن وامجد راح يكلم الليث واخته تعلقت به تبي تروح بعد يمكن يرحمهم وهو ما رفض لو انه هو اللي شايل العائلة وهو اللي اللي يشتغل ويدفع ومعيشهم بس ضاع بضياع ابوه 

امجد اخذ نفس قبل لا ينزل وقال: ما تنزلي شو ما صار 

هيام هزت راسها وهي حاطه في بالها اذا رفض تنزل 

امجد نزل وتوجه ل الليث اللي ما يدخل احد لمجلسه يكلمهم برا بس اللي عارف انه بيعطيهم اللي يبون يدخلهم وبما ان امجد موظف عنده فراتبه حلو ما يحتاج يساعده

امجد مد يده ل الليث والليث صافحه وهو مبتسم يتذلل بمذلة الناس

امجد بحرج: جيتك بطلب واتمنى ما تردني

الليث طلع جواله: اسمعك

امجد كمل وهو تضايق من حركه الليث: ابوي متسلف من واحد والكلب مقدم شكوى وانسجن ابوي والمبلغ كبير لو اني قادر كان جبته بس مرة كبير انت سلفني لهم وانا برجعهم

الليث بهزء: وبعده وشو ما ترجعهم وانا ايش اسوي ماراح ارميك بالسجن لاا انا عاقبي اقوى

امجد اخذ نفس وهو ما بيجلس يترجاه وقال بقوة : من  الاخر تسلف ولا؟

الليث رفع عينه باعجاب من قوة امجد ولا مره احد كلمه كذا ولا بعد يبي مساعده وقال وهو ناوي يساعده بس يبي يشوق رده فعله: لا

امجد صد لسيارة وهو ماشي: مشكور اعذرني ازعجتك من الصبح

الليث ابتسم باعجاب جاه امجد على جوه بس استغرب ان السيارة ما تحركت وشوي وانفتح الباب ونزلت بنت مترنحه القامة  وانصدم من كلامها ماهي بقليلة اسلوبها قوتها عينهااا واه يا عينها

هيام: ....................

....................................

توقعاتكم؟

اعذروني على الاخطاء

وبسم الله وابتدينا بالرواية الخامسة 🫡💙