Date with Unknown but He

Part 1

အိမ်အရိပ်နင်းရုံနဲ့တင် စိမ်းသက်တဲ့ခံစားချက်​တွေက ဘတ်ဟျွန်း​ကျောရိုးတ​လျှောက်လုံးကို​အေးခဲသွား​စေသည်။ စိမ်းစို​နေတဲ့ခြံအကျယ်ကြီးက တိတ်ဆိတ်ငြိမ်သက်လွန်း​နေသလို။ မီးခိုး​ရောင် သုံးထပ်အိမ်ကြီးကိုမြင်ရတာလည်း ရင်ထဲမှာ မွန်းကျပ်သွား​​စေ၏။ ပြီး​တော့ ဘတ်ဟျွန်းတို့မိသားစုဝင်လာပါပြီဆိုတည်းက ​ပြေးထွက်ကြိုလာကြတဲ့ အ​နောက်တိုင်းဝတ်စုံဝတ် ​ဘော်ဒီဂတ်​​တွေ။ ဒီ​ခေတ်ကြီးထဲမှာ ဒီလိုမျိုး​တွေဟိတ်ကြီးဟန်ကြီးထုတ်တတ်တဲ့လူ​တွေကို ဘတ်ဟျွန်းစိတ်နဲ့မ​တွေ့ဆုံးပင်။ အိမ်မျက်နှာစာ​ဘေးမှာ​တော့ မီးကြိုး​တွေမီးဆိုင်း​တွေနဲ့ အဖြူ​ရောင်များများသုံးထားတဲ့အခင်းအကျင်းနဲ့ ပါတီကိုလှမ်းမြင်​နေရသည်။

ပါတီအတွက် အလုပ်ရှုပ်​နေကြတာလည်း သိသိသာသာ။ အစားအ​သောက်​တွေ၊ အ​ဖျော်ယမကာ​တွေကို သယ်​နေကြတာလည်း ​တွေ့ရပြီး ဘတ်ဟျွန်းတို့နဲ့အတူတူဝင်လာတဲ့ ပါတီတက်သူ​တွေ။ ဘတ်ဟျွန်းသိ​နေတဲ့စီးပွား​ရေးလုပ်ငန်းရှင်အချို့အပြင် တီဗီဖန်သားပြင်မှာပဲမြင်ရတတ်သည့် နာမည်ကြီးအနုပညာရှင်တစ်ချို့​တောင် ​ရောက်​နေကြ​သေးသည်။ ပါတီက private ဆို​ပေမယ့် တကယ့်ဒိတ်ဒိတ်ကြဲ​တွေနဲ့ ကိန်းကြီးခန်းကြီးနိုင်လွန်းလှသည်။ ပါတီတက်တဲ့လူ​တွေ ဝတ်စားလာကြသမျှကလည်း တကယ်ကို ဆု​ပေးပွဲအခမ်းအနားတက်ကြသလို evening gown ​တွေ dress ​တွေ။ နားထဲမှာ သဲ့သဲ့ကြား​နေရတာလည်း သိပ်​ချော​ကြောင်း၊ ​ယောက်ျားပီသ​ကြောင်း​တွေက ဟိုလူအ​ကြောင်း​တွေပဲဖြစ်မှာ​ပေါ့။

"​အိုမား​ပြောတဲ့ coat ​လေးထပ်ဝတ်ခဲ့ရမှာသားသားရယ်"

"ဒါက ဘာဖြစ်​နေလို့လဲ အိုမား။ သားက်ိုယ်တိုင်ချုပ်ထားတာ​နော်"

Creation နဲ့ပတ်သက်ရင် ဆတ်ဆတ်ထိမခံတဲ့ ဘတ်ဟျွန်းကို အိုမားဆက်​ပြောမလာ​တော့။ ဘတ်ဟျွန်းဝတ်ထားတာက အဖြူ​ရောင်တီရှပ်လက်တိုအပွ​ကို ​အောက်က ခဲ​ရောင်ဂျင်းအပွနဲ့ဆို​တော့ ထသွားထလာပုံစံမျိုး ဆန်​နေမှန်း​တော့သိသည်။ ဒါ​ပေမယ့်လည်း ဘတ်ဟျွန်းလာချင်လွန်းလို့ရတဲ့ပွဲမဟုတ်ဘဲ ဘာလို့ပြင်ဆင်ရမှာလဲ။ အာပါးက​တော့ အိမ်ထဲဝင်သွားပြီး အိမ်ကြီးရှင်​တွေနဲ့ နှုတ်ဆက်ပုံရသည်။