Date with Unknown but He

Part 1

ဘတ်ဟျွန်းမှာ ​ကျောင်းပြီးထားတာ​တောင်မကြာ​သေး။ အိမ်​ထောင်​ရေးဆိုတာကြီးထဲ ​ခြေချုပ်မိရမယ့်အပြင် ဒီလိုထိပ်တန်းမှာရှိ​နေပြီး နာမည်ကြီးဟုန်းဟုန်း​တောက်ဖြစ်​နေတဲ့လူကို ပါရမီဖြည့်​ပေးနိုင်ဖို့ဆိုတာ လုံးဝမဖြစ်နိုင်။ ဘတ်ဟျွန်းက အပြန်အလှန်ချစ်ခြင်း​မေတ္တာ​တွေနဲ့ အိမ်​ထောင်​ရေးတစ်ခုကို ​ပေါ့​ပေါ့ပါးပါး​လေးတည်​ဆောက်ချင်တာ။ အရာအားလုံးထက် ဘတ်ဟျွန်းကို​ရှေ့တန်းတင်ပြီး ဦးစား​ပေးအလိုလိုက်​ပေးမယ့်လူ။ ဘတ်ဟျွန်းကလည်း အဲ့လိုလူနား အချိန်ပြည့်​နေပြီးချစ်​ပေးချင်တာမျိုး​လေ။ ကြွယ်ဝမှု​တွေသိပ်မရှိရင်​တောင် သူရှိ​နေရင်ကို ရပြီဆိုတာမျိုး။ သူတို့​လောက်မဟုတ်ရင်​တောင် ဘတ်ဟျွန်းမိဘ​တွေရဲ့ အ​ရှေ့တိုင်း၊ အ​နောက်တိုင်းဖက်ရှင်ဆိုင်​​တွေက ကိုရီးယားမှာထိပ်တန်းပဲ။ ဒါ​တွေကို အ​မွေဆက်ခံမှာလည်း ဘတ်ဟျွန်းတစ်​ယောက်တည်း

မိဘစကားနား​မ​ထောင်လို့ ဘတ်ဟျွန်းကို အ​မွေဖြတ်ချင်ရင်​တောင် ဘတ်ဟျွန်းကိုယ်တိုင်မှာလည်း ဖက်ရှင်စတူဒီယိုတစ်ခုရှိပြီးသား။ မိဘ​တွေကို ကလန်ကဆန်လုပ်ချင်တာမဟုတ်​ပေမယ့် ဘတ်ဟျွန်းအိမ်​ထောင်​ရေးကို​တော့ ဘတ်ဟျွန်းချစ်ရသူနဲ့သာ ဖြစ်ချင်သည်။

"​​တွေ့လိုက်ရင် အရင်လိုပြန်ရင်းနှီးသွားမှာပါ သားရယ်"

​အိုမားက ဘတ်ဟျွန်းဆံပင်​တွေကို ပွတ်သပ်​ပေးရင်း ​လေပြည်​လေးနဲ့​ချော့၏။ ဘတ်ဟျွန်း ဘာတစ်ခုမှ​ပြောမ​နေချင်​တော့ပါ။ ပြန်ရင်းနှီးရမယ်ဆိုရင်​တောင် ရင်းနှီးခဲ့ဖူးသမျှကို​တောင် မမှတ်မိပါဘူး။ ပြီး​တော့ ဘတ်ဟျွန်း ကြားထားသ​လောက်ဆိုရင် ဒီလူက သိပ်ကိုမာနကြီးပြီး သိပ်ကိုခက်ထန်တာတဲ့။ အဲ့လိုဖြစ်ရ​လောက်တဲ့ ပညာအရည်အချင်း​ရော၊ ရုပ်ရည်​ရောကလည်း သူ့ကိုပံ့ပိုး​ပေးထားတာပဲ​လေ။ ဆို​ပေမယ့် အခုထိ သူ့ပုံကို​တောင် ဘတ်ဟျွန်းမမြင်ရ​သေးဘူး။ သူတို့မိသားစုက private ​တွေချပြီး သူတို့ရဲ့လုပ်ငန်းဆက်ဆံမယ့်သူကို ဘယ်မှာမှ မချပြ​သေးတာမို့ အွန်လိုင်း​ပေါ်က​နေ​တောင် ဓါတ်ပုံ​တွေက ရှာမရ။ ပြီး​တော့ ​အိုမားတို့ကလည်း ​တွေ့မှကြည့်ဆိုပြီး သိပ်ကို ပ​ဟေဠိ​တွေဆန်ပြ​နေကြတာ​လေ။