السميدع

بارت 15

- تدعيلي
سميدع - ادعي الك بشنو

- ادعي يتحقق الي براسي و بس هاي إذًا تستجاب دعوتك
سميدع - سيد و جدي رسول الله شنو ماتستجاب .. وبعدين لا تحجي هيج

- ليش بويه ماحجي هيج
سميدع - ربك كريم ويستجاب لكُل الادين الي تنرفع بالدعاء اله بگلب صافي ادعي ولا تستهزء بهيج امور

- ههه اليوم نبات بهذاك البيت المهجور الي كدامك وراها نطلع من يصير الليل لان شوفت عينك راح يطر الفجر
سميدع - ماعندي مشكله امشي

مشيت وراه رغم مامرتاح اله جان يمشي و يعرج بنفس الوقت لازم بطنه .. شكيت بي عنده شي بس منتضره ندخل واشوف شكدر اسوي

- شوف صح مهجور ويكولون بي جن بس عادي تحمل هل يوم بس لا تخاف
سميدع - ماكو داعي اخاف لان ماكو شي يخوف بيهن مخلوقات حالها حالنا

- هههه گلبك قوي قوي حيل
سميدع - أقره اية الكرسي و كُلشي ينحل

- محافظها
سميدع - حجه هل كلمه وكعد بالكاع باحدى زوايه البيت الي مبين عليه شكد مهجور .. عيوني جانت تتجول على هذا المكان الغريب بس كلامه جان صحيح لان البيت بس تدخل اله ينقبض الگلب و تحس بكيانات ثانيه حواليك

التفت عليه بعد ماطلع من عنده صوت متألم :- شبيك
- مابيه شي مو يمك

سميدع - شو خل اشوف
- شتشوف يمعود اخ

اتقربت من عنده ابعد اديه بالقوه حتى اشوف مشكلته بعدت القماش الي جان لابسه .. مثل ماتوقعت جرحك عميق

- ههههه عميق مو عميق معليك خوش
سميدع - سجين لو طلقه

- اخخ سجين
سميدع - نام خل اشوف شسوي

- ههههه عساس أنتَ تعرف
سميدع - جايك من مقر الفاو جنت اسعف الجنود لا تستهزء

- شعجب مارجعت وياهم
سميدع - بقيت خاف اكو امل احد عايش

- هه منو يعيش وي هل قصف هذا كله
سميدع - و منو يودي روحه للموت بحيث ينضرب بسجين

- عساس أنتَ ماذبيت روحك للموت بهل لحضات
سميدع - اني شي و أنت شي ثاني مختلف

التفتنا ثنينا على صوت اللوحه الي طاحت بالكاع فجأة
- بدو يلعبون ويانا

سميدع - لا تهتم غمض عيونك و خليك ساكت
- إذًا تجاهلتهم يعوفوك قابل هاي إذا تلبسك واحد منهم

ماهتميت لكلامه واستمريت بعلاجه .. بس الاصوات و الحركه الي جنا نحس بيها مستمره بدون توقف ماجان على لساني الا ذكر رب العالمين بكُل ثانيه و دقيقه من حياتي