~ أحبك لو طالت المسافات ‏ واهيمك لو على مر الأزمان ~

Part 3

{ في احد شوارع الرياض }
كانت تمشي بدون ما تحس على نفسها تفكر بكل شي كوابيسها اهلها رتيل دراستها وحتى الشغل ، لفت نظرها على الكافيهات الموجوده حوالينها دخلت الاول وشرحت لهم وضعها لكنهم ما قبلوها لسبب انها تعتبر صغيره على الشغل ودخلت الثاني والثالث والرابع الا انهم نفس الكلام ودخلت اخر كوفي موجود قدامها وتدعي من كل قلبها انهم يقبلونها ، دخلت للكوفي وشافت كيف هو كبير وفخم وكيف اثاثه يجعل منه كوفي رابح وجدا ولا تلوم الزباين المتواجدين على كثرتهم
راحت عند الموظف الموجود وسألته عن المدير واشر لها على مكتب المدير شكرته وراحت متوجهه للمدير تتدعي انهم يراعون ظروفها ويقبلونها .

{مكتب مدير كوفي زوش } " الاسم خيالي "

كان يحاول يغير مزاج فهد قدر الامكان من شافه جاي له وم قال حرف عرف ان في خاطره شي : يلا يبن الحلال ترا الدنيا م تسوى تزعل ، ايييي ورني بياض سنونك يالبيهههه .
ابتسم لرائد هو الوحيد الي يقدر يغير مزاجه بثواني ولو ان امير بعد عنده القدره على تغيير مزاج فهد الا انه احيانا ينرفز فهد لكن مع ذلك فهد يحبه قطع عليهم صوت دق الباب وناظر رائد الي نطق ؛ تفضل
دخلت وهي متوتره خايفه من قول " ما عندنا وظيفه لك عمرك صغير اذا تجاوزتي 18 تعالي الله يحيك ونقبلك ان شاء الله " تعقدت من ذي الجمله من كثرتها عليها في ذا اليوم ؛ السلام عليكم
رائد وفهد ؛ وعليكم السلام
" للعلم رتيل وليان غير متحجبات "
نطقت بصوت واضح فيه التوتر لكنها حاولت تبين ثقتها بنفسها ؛ انا شفت اعلان للكوفي بحاجتكم لموظف وجيت بناءً على هذا الاعلان ، اتمنى انو تكون الوظيفه موجوده لحد الحين لاني بحاجتها الصراحه .
ناظرها رائد بحيره هم ما يوظفون بنات عندهم ووده يقول ما نوظف بنات لكن واضح عليها انها محتاجه الوظيف وبشده ؛ شسمك ؟
ليان ؛ اسمي ليان فيصل ال عدي
للحظات سرح فهد بالاسم مب غريب عليه ابدا يحس انه مألوف بالنسبه له وسرعان ما تذكر في لحظة وحده بدر الي يشتغل عند ابوه والاسم الي نطقته امه " ليان فيصل "
رائد ؛ ونعم والله اسمحيلي اختي اشوف لك الوظيفه اذا هي تناسبك ، تفضل اجلسي ودي اتناقش معك .
جلست وهي شابكه يدينها مع بعض ولا خفى ذا الشي على فهد ولا رائد ، استرسل رائد بالكلام ؛ آنسه ليان ممكن توريني هويتك اذا ممكن ؟
دخلت ايدها بشنطتها الصغيره وطلعت الهويه له وقرا اسمها وشاف شكلها ولكن عقد حاجبينه من العام الي انولدت فيه وبهمس لكن على مسامع ليان وفهد ؛ صغيره حيل على الوظيفه .
توترت وخافت من الرفض لان هذا عذرهم اذا جات بتتوظف عندهم ، ناظرته واسترسلت بكلامها ؛ استاذ .. وناظرت على طرف اللوحه المعلقه في المكتب ؛ رائد انا صح صغيره لكن يُعتمد علي وانا لو حاجتي للشغل ما كان اشقيت نفسي وانا صغيره بس احتاجها عندي ايجار شقه وفواتير كهربا ونت من وين بدفع ذا كله ... عضت شفايفها وهي تكره تستعطف احد عليها وكملت ؛ وانا يتيمة الام والاب ولا فيه احد يصرف علي انا وصديقتي ف اذا ممكن تقبلني بذا الوظيفه .
كان فهد يناظرها وهو مستغرب من وضعها م يدري يصدقها او لا لان في شي يخليها ما يصدقها "اخوها بدر " كيف يسمح لاخته تشتغل وهي بذا العمر كيف يخليها تتحمل فواتير وايجار شقه على ظهرها ،
رجعت فيه الذاكره اول ما سأل ابوه بدر قدامه ؛ عندك اهل ي بدر ؟
بدر ؛ لا ياطويل العمر كل الي عندي زوجه وربي ما رزقنا بعيال وامي وابوي الله يرحمهم .
ابو فهد ؛ الله يرحمهم ي رب
رجع لواقعه من سمع بموافقه رائد على وظيفة ليان ؛ حياك بينا ي آنسه ليان من بكرا يبدا دوامك .
ليان ؛ الله يبقيك ، واتمنى اني اكون عند حسن ظنك ،
رائد ؛ بالتوفيق .
قامت ليان من مكانها وكانت متجهه للباب بتفتح لكنها استوقفت نفسها والتفتت عليهم وبالاخص رائد ؛ شكرا استاذ رائد ما تعرف قد ايش فرجت لي هم .
رائد ؛ العفو وان شاء الله ربي يساعدك بس اهم شي لا تقنطين من رحمة  ربك ي ليان ، تسمحين اقولك ليان حاف بما انك صرتي اختنا الصغيره في ذا الكوفي ؟
ليان ؛ اكيد استاذ ويشرفني اكون منكم عن أذنك .
ابتسم لها رائد وهو من لحظة شكت له ظروفها واعتبرها اخته على طول بدون تردد
التفت على فهد الساكن الي كان سرحان بجهة الباب الي خرجت منه ليان ، ضرب كتفه ؛ هيه يالاخو صحصح وين رحت ؟
ناظره فهد بتعقيدة حواجب ؛ تهقى ان بدر كذب على ابوي ؟
ناظره رائد بعدم فهم ؛ هاه ما فهمت شتقصد مين بدر ؟
استعدل فهد بجلسته ؛ اسمعني طال عمرك هذا بدر واحد يشتغل عند ابوي من سنوات تقريبا له خمس مدري ست سنوات وسأله ابوي مره اذا كان عنده اهل وقالت انه اهله كلهم متوفين وانه ما عنده غير زوجه وربي ما رزقهم بعيال .
رائد : طيب شدخل بدر الحين بسالفتنا ؟
فهد ؛ ياربي انا ليش رزقتني بأخويا اغبياء ، المفروض تفهمها على طول شسم البنت الي جاتك ؟
رائد ؛ ليان فيصل ال عدي
فهد ؛ عليك نور وبدر اسمه نفس الشي بدر بن فيصل ال عدي
رائد ؛ طيب ؟
تأفف فهد من غباء رائد ؛ انا مدري كيف نجح الكوفي حقك وانت مديره ، اسمعني ي غبي بدر قال ما عندي اهل غير زوجتي بس والباقين متوفين من وين طلعت ليان ذي ؟
بدر ؛ لحست مخي ياخي .
فهد ؛ شوف واحده من الثنتين ي بدر كذب على ابوي ي هذي البنت تكذب عليك بخصوص ظروفها .
رائد ؛ وانا اقول بدر هو الي كذب البنت واضح انها محتاجه .
فهد ؛ ياخي انلحس مخي ، الله يوفقها ان شاء الله ، تبغى شي ، تامر على شي ؟
رائد ؛ ابد سلامتك بس نورني بكرا لا تنسى
فهد ؛ م عليك انا كل يوم مسنتر عندكم .
رائد ؛ حياك الله بكل وقت .