~ أحبك لو طالت المسافات ‏ واهيمك لو على مر الأزمان ~

Part 2

{ في شقة ليان ورتيل }
كانت تناظر الشقف بسرحان تفكر بكوابيسها ما تعرف تلاقي لها حل ودها تروح للشيخ يفسر لها لكنها تترد وتخاف يطلع شي مب زين وتجلس تغرق بذا الكوابيس ولا لها طوق نجاة ،
دخلت عليها رتيل وهي مو عاجبها ابدا حال صديقتها واختها وروح عمرها كله تنهدت تنهيده خفيفه لكنها على مسامع ليان ؛ شفيك رتول ؟
ناظرتها وبلعت ريقها ؛ ابد بس جيت اشوف وضعك ودك تاكلين معي ؟
رفعت حاجبها وهي عارفه رتيل زين وانها ما تجيها بذا الهدوء الا في جوفها حكي استعدلت بجلستها ؛ رتيل ترا مب امس الي عرفتك فيه من يوم كنت صغيره وانا اعرفك ، في بطنك حكي قوليه .
لانت ملامحه وهي عارفه ان ليان تكره ذا الطاري ؛ اممم .. شسمه . وسكتت فجاءه
رفعت حاجبها وناظرتها تشوفها مب على طبيعتها وهي تكره احد يترددد بالكلام وتعصب على طول ؛ رتيييل انطقي .
استرسلت رتيل بالكلام من نبرة ليان ؛ بدر اتصل قبل شوي وطلب مني اقولك تكلمينه .
رمت نفسها على السرير من طاريه تكرهه كره العالمين ما تحبه لو كان الذبح حلال كان قضت عليه من زمان ، وتنهدت تنهيده طويله وقامت بتكلمه مو علشان خاطره ابداً خايفه يدرعم عليهم في البيت ويأذي رتيل ، هي تعرف انه مب قليل شر ابداً وتخاف على رتيل لو من النمله وتسوي كل شي لعيون رتيل وبس ، راحت لتليفون الشقه واتصلت عليه منه ،
وصلها صوته الي تحسه جحيم على حياتها ؛ هلا هلا بوخيتي وينك مطوله الغيبه ؟
ردت بقرف من كلمة " اوخيتي " ؛ ماسألت عني لجل سواد عيوني انطق شتبي متصل ؟
بدر ؛ يعجبني الفاهم الحمدلله مايحتاج امثل بالحب الاخوي هذا ، المهم فلوسي ي ست ليان ابيها فاهمه ولا ورب البيت اني لا أطلعها من عيونك .
ما تخفى على نفسها الجرح الي جرحه لها بجملة " امثل بالحب الاخوي " وهي الي كانت تتمنى يكون عندها اخ يسندها يغنيها عن الكل ما يخليها تحتاج لأحد ابدا ؛ فلوسك بتوصل لك بسددها لك على دفعات ما أضمن لك انها بتوصلك بشهرين الجايه اصبر علي خمس شهور وهي عندك .
انصدم من المده ؛ خمس شهور !!! ليش حبيبي وش طالب منك انا علشان المده ذي كلها ، لياااااااااان لا تجنيني ..
قاطعته وهي تعرف اذا تكلم ما يسكت ؛ تراها عشر الآف حبيبي مب مية ريال علشان اسددها لك بيومين قلت لك اصبر علي وتوصلك م عليك . وقفلت في وجهه بغضب تكرهه تكره طاريه ما تتحمل انه يكون عندها اخ مثل بدر ابداً عابد للريال ممكن يبيع اعضاءها بس علشان يطلع فلوس هذا هو بدر ما يهتم ابداً لاحد نفسه وبس ، تنهدت ترجع عند رتيل تشوفها فتحت باب غرفتها وشافتها تحوس بجوالها ،
قفلت جوالها من حست بحركة ليان في الغرفه تشوفها تختار من بين عبايتها وش تلبس ؛ على وين ان شاء الله .
رفعت حواجبها من نبرة رتيل وفهمتها رتيل على طول ؛ اقصد غريبه بتطلعين بذا الوقت لياني ؟
تجاهلت كلامها ولبست عبايتها وضبطت شعرها مثل كل مره " قسمين نص ترفعه نص تتركه بحريته " وحطت واقي شمس على وجهها ما ودها يصير وجهها أسوأ اكثر من السوء الي فيه وجلست على السرير تناظر رتيل ؛ اسمعيني زين رتول مالي خلق مشاكل طيب اطلع من هنا القاك منثبره في مكانك مشاكل من الجيران ما ابي نفس كل مره فاهمه .
دايم اذا ودها تطلع مكان بدون رتيل تعطيها التعليمات ذي لو انها عارفه ان الجدار يفهم لكن رتيل مستحيل تسمع كلامها بالحرف الواحد لازم تسوي حركه من حركاته الغبيه الي بنظر ليان وتشوفها فعاليات عن الطفش بنظر رتيل ، ناظرتها رتيل ؛ طيب سؤال وين رايحه ؟ ليان انتي دايم تقولين لي وين تروحين شمعنى هالمره لا ما تقولين ؟ ليش تحسسيني اني طفله مب مسؤوله محد يقدر يعتمد علي ؟ 
وقفت ورفعت حاجبها من تحلطم رتيل المعتاد ؛ بس بس خلاص بقولك ، بروح اشوف الكافيهات القريبه من هنا بحاول اشوف لي وظيفه اقدر منها نسدد فواتيرنا واسدد دين المغثه بدر ، فهمتي الحين ؟
انصدمت ان ليان كانت صدق جادة في كلامها وانها ودها بوظيفه ؛ ليان ؟ صادقه انتي تدورين وظيفه ؟ وبعدين بدر اش فيه تراك اخته يعني حتى انتي يعتبر الي يعطيه لك دين ؟
تنهدت بقل حيله وهي تتذكر سبب اخذها للفلوس الي حتى رتيل ما تعرف عنه .