💐 زواج تقليدي 💐

💕الحلقة 48...💕

☘️🌾☘️

كبشت فيه بيديها وحطت راسها على صدره مش حابة تبعد. .. كلما يجي يلزها باش يحكي تكبش فيه كثر. ... ضيق عينيه وخزر بعيد وين كانت واقفة تتفرج عليهم. ... وقتها فهم انو هي هاربة من أمها اما لي مافهمهش هو علاه هاربة منها ولا علاش جاية لعنده علاش عملت هاك.... بعدها شوي عليه وشدلها وجها بيديه يهدي فيها. ..
-حسان: واش صرا. ..
-يسرى: والو ... ليوم الأربعاء. .. راح يعرضو فيلم جديد فلسينما واش رايك نمشو نشوفوه مع بعض ... تبسم وعدا صبعه على نيفها. ... رجع هز راسه فلثانية لي كانت ماشية تقرب جيهتهم. ... سكرت عينيها تسمع في صوت أقدامها. ... ورجعت حلت عينيها تحكي. ..
-يسرى: حسان قولها تمشي. .. مانحبش نشوفها. ... قولها تمشي ...
-يسرى خلينا نحكو ....
-يسرى: لا لا ... حسان قولها تمشي ... ولا خلينا حنا نمشو هيا هيا .... -علاش رجع هذا خير من والدتك ....
كبست على شفافها ورجعت تلفتت تشوف فيها وتحكي ودموع محصورين في عينيها .... -يسرى: واااه. ... خير منك ومن راجلك... ومنكم كامل.... امشي من هنا مانحبش نسمع صوتك .... -شافت فيها بغش ورجعت قحرتله حتى هو ومشات جيهة طوموبيل نتاعها ركبت ومشات .... تبسمت براحة وتلفتت شافت فيه ... لقاته شارد فيها ...
-يسرى: خير واش بيك تشوف فيااا هاك ...
-حسان: ماعرفتكش. .. نتي يسرى لي نعرفها ... -يسرى: كان لازم نعمل هاك باش تمشي ... مانحبش نحكي معاها ....
-حسان: رجع فيا لخير منهم ...
-يسرى: متشرد باين كنت نمثل .... كيفاش راح نخليها تمشي من هنا ... كون ماحكيتش هاكك.... دزها من قدامه ومشى داخل للدار ...
-يسرى: هاي وين ماشي ...
-حسان: جيعان لازمني قهوة .... وبعدها نمشو نشوفو لفيلم لي حكيتي عليه ....
بقات تمشي وراه وتحكي .... وفي قلبها مطمنة ليوم قدرت تواجه ماضيها بلاما حتى تخاف ولا تتردد. ... طاقة لي ستمدتها من حسان خلتها تحس بلامان ... وتحس برجليها لي واقفين بشموخ. ... أما لكلام لي حكاته وحساته وهي في حظنه خلاها تدخل بعضها. ...
-حسان: ايه احكيلي. ..وقت وقتاش ناوية تسافري. ..
-يسرى : مانعرفش وقتاش
-حسان: هيه مليح. .. هيا اعمليلي كاس قهوة خليني نقعد بيه راسي. ..
-يسرى: اوكي أصبر لحظة ونجيبهلك ...
مشات للكوجينة عبت كأس قهوة. .. شداته بين يديها وتخمم فلي صار ليوم اذا هي بقات هنا راح ترجع تجي لعندها مرة ثانية. ... وإذا مشات راح تكون وحدها حتى حسان ماراحش يكون معاها. ... تنهدت ومشات لعنده. .. حطت لكاس قدامه وقعدت مقابلاته وتخزر فيه. .. ترشف من كاسه وهز حاجبه فيها. .. -حسان: خير...
-يسرى: والو. ...
-حسان: لا نتي راح عقلك. ... قبيل طردتي أمك. .. وبعدها جيتي لعندي بلا حتى سبب.... لا وتحكيلي على سينما في وقت ماكنت فاهم والو. ... وبعدها تحطيلي لقهوة وتبقي تخزريلي هاك. ... احكي ملاخر واش قاعدة تخطي. .. نعرف هذي لخزرة. .. عندي سنين نشوف فيها.
نظمت دار ... ووجدت لفطور ليها ..ومشات لفوق قعدت فلبلكون تتفرج على برااا. .. رجعت هزت تليفون طلبت عبير أكثر من مرة ماجاوبتش. .. تذكرت انو عندها خدمة على هذاك محال تجاوبها .... شوي ولقاتها تعطيلها. .. ردت عليها تحكي. ..
-سيلا: الو...
-عيير: كنت متلهية نطبع فلاوراق. .. واش كاين. .. -سيلا: والو. .. غير كرهت قلت نعيطلك. ..
-عبير: تحكي من عقلك. .. انا لي تاعبة مع لخدمة ونرجع للدار لا حد يستناني لا والو واش نقول. ... راجلك راه حداك وقت تكرهي عيطيله...
-سيلا: الصراحة. .. نحب نحكي معاك في موضوع. .. نحب على حبوب. ..
-عبير: نتاع واش. .
-سيلا: منع الحمل. .. -عبير: علاه. ..
-سيلا: هاك نحب عليهم تقدري تجيبيلي ولا لا ... -عبير: نجيبلك بصح. .. علاش مش حابة صغار في هذا الوقت ولا واش كاين. ..
-سيلا: وقت تجي نحكو ....
علقت عليها ورجعت حطت تليفون على جنب. ... سكرت عينيها تخمم بعيد. ... فيقها صوت تليفونها لي رجع يصوني من جديد. ... رفداته تشوف شكون. ... لقاته آدم ... تبسمت وجا وجاوبت عليه. .. -سيلا: كنت تخمم فيك
-آدم: هههههه تعرفي واش... فاتو أربع ساعات توحشتك فيهم كثر من أي وقت....
-سيلا: وانا كثر. ... قاعدة نستنى فيك ترجع. ... -آدم: نكمل لي في يدي ونجيك. ... علاش نتي خليتي فيا عقل. ... صباح فلاجتماع قريب نقول اسمك من كثرية لي رجعت نهتري بيه. ...
-سيلا: هههههه كنت خليتني مشيت نخدم وهاك نبقى مقابلاتك وماتتوحشنيش كيما هاك. ...
-آدم: لا وحشك عاجبني. .. وماتستغليش لموضوع باش ترجعي تخدمي. ..
-سيلا: صحااا. .. خلي عبير تجي لعندي كرهت وحدي...
-آدم: سيلا راهم يعيطولي تحت. ... إذا صادفتها نقولها تجيك. ... هيا ديري بالك على روحك ..              قعدت على لكرسي ونفخت. .. غلغلت صباعها في وسط شعرها. .. وبقات تخمم. .. ماقدرتش تصارحه ولا تحكيله واش قاعد يدور داخلها. ..حتى ماخلاتهش يشك بالموضوع هذا. .. حتى وقت يحكي عليه تعمل روحها مهتمه وتسمعله. .. أما داخلها شي ثاني. .. هو كان صريح معاها في كل شي اما هي مالقتش حتى جرأة باش تحكيله بحقيقة لي تخمم فيه. ... دخلت لغرفتها ورتمات على سرير غمت راسها تحب ترقد ممكن تتجاوز لي تخمم فيه. ... أما لوقتاش هاك ولا هاك راح يشك فيها. ... عدت يدها على بلاصته وبقات تتبسم بمرارة. .. جبدت مخدته ليها تشم فيها. .. ورجعت حظنتها. ... آدم رجع كل شي بالنسبة ليها. .. الأب والأخ والصديق والزوج....كل شي من غير انو يكون الأم... لبلاصة لي ماقدرت تمدها لحتى حد. ... ولي ماراحش يجي نهار وتمد الإحساس هذاك لحد. ... احساس عاشت وهي منقوصة منه. ... ومش قادرة تخلي غيرها يعيشه. ... مسحت دموعها .... ورجعت سكرت عينيها تحب ترقد وماتخمم في شي. .