💐 زواج تقليدي 💐

💕الحلقة 3...💕

☘️🌾☘️

🍂 ينتابني في أول الخريف
إحساس غريب بالأمان و الخطر..
أخاف أن تقتربي..
أخاف أن تبتعدي..
أخشى على حضارة الرخام من أظافري.
أخشى على منمنمات الصدف الشامي من
مشاعري..
أخاف أن يجرفني موج القضاء و القدر..🍂
.....
بقيت واقفه نشوف مع لمرايا ،، سارحه مع تفكيري وقتاش يكمل هذا ظلم ،،، علاش ديما لمرا تنجبر تنحط في مواقف كيما هاك ،، يعني دروك تعب سنين ،، واحلامي لكل يمشو خاطرني وصلت لعمر لازم نتزوج فيه ،،، علاش يقيمو شخص بعمره من برا ،،، علاش مايشوفوش عمري ملداخل ،، علاش
مايشوفوش بلي مزالني صغيره طفلة رلهي تخطي في اول خطواتها ماعاشت شي في حياتها جديدة ،»»، كسف مايخطو طفل صغير اول خطواته في عالمه جديد » هذا لكل ماراح يفيد بشي »، حسیت بلباب نتحل ودخلت ختي ، تبسمت وقربت جيهتی ،، عمرها 16 سنة اقرب وحدہ لیا وتشاركني ،،، وتسمعلي
_مزال ماتوجدي »»
_سيلا: واش رايك في هذا لباس ،، مليح؟؛
_ايه مواتيك ،،، واش رايك تخلي شعرك مفرود على كتافك
_سيلا: نشالله مانعجبهمش ،، والله مش مستعدة للزواج ،، تصدقي ليوم قبلوني فلخدمة
_ياي »، مبروك ،
_سیلا: ايه غيري
_خلاص ماتخميش ،،،
جارتنا ماعندها غير انا كانت شافت ،،، اما مقدرلي مانفرحش ،،، هذي وحده وقعدي شوي معاهم
_سیلا: ايه خلينا ننزلو نحسها تفهمني
_انتي نزلي ضيفيهم
فردت شعري كيف ماحكات ختي ،، لبست لباس باج وفي رجليا حاجه خفيفة ،،، حطيت مكياج خفيف ،،، ومشيت للكوزينة ،،، حطيت کیسان لقهوة فلصينية ومشيت جيهة صاله ..اول مادخلت وقفو لحكي وتلفتولي ،،، سلمت عليهم ومشيت ضيفتهم جارتنا اسمهان مرا كبيره من جيهة ستين ،، وكانت معاها مرا تمشي لعمرها ،،، وحساب مافهمت منها ،،، انو هذا
لي جاية على جاله حفيدها ،،، ظاهر فيهم لباس عليهم
_عزيزة: الله يبارك بنتي ،، ربي يسترك ملعين
_سيلا: يعيشك
_خديجة: هذي سيلا بنتي لكبيرة ،»»، قرات فلجامعة اما ماكتبش ربي ولقات خدمة تخرجت من عام
_ عزيزة: ربي يسهلك بنتي ،، ولدي آدم عمره 30 سنة »، من وقت ماماتت والدته تكفلت انا بیه ، بوه تزوج ،،، وانا حبيت نربيه قدامي قرة عيني ،، وتربتي ،، وحبيت انا نختار عروسته ،، عنده 6 شهر ملي رجع من سفرته قراا برا ،، وخدم ورجع حب يعمل مشروع هنا وانا مشتهية نشوفه متزوج وولاده يلعبو قدامي ،،، قبل ما يدي ربي
أمانته
يعني هو مش حاط فكرة زواج في راسه »، سقسيته اذا حاب يتزوج ولا حابني نخطبله ،،، قال لموضوع مش مخمم فيه جملة
واسمهان شافتني ملهوفة عليه باش نزوجه عجبتني بنتكم،،،، يكون اعتراض مدام لعروسة انا خترتها ،،، وحتى انا ماعنديش مشكل مدام اسمهان هي لي دلتني عليكم ،، وشكراتك يعني من جيهتنا انا
طفله ،،، بقی رايكم نتوما ،،، وراي»، وهو اكيد ماراحش
_خديجة: خلي نسقسي بوها ،، وفلاخير لبنت مالیها غیر دار راجلها وسيلا بنتي تربيتي من وقت ماكان عمرها 10 سنين انا تكفلت بيها ،،، وانا نعرف اخلاقها ونشالله يكون خير ،،،
_تبسمو كانو خلصو حاجتهم ، خلصو مشروعهملي عندهم ساعه يحكو عليه ،،، وانا كنت في وسطهم ،،، نشوف في ناس تقرر وتخطط في انهم ماكلفوش حياتي ،،، ومستقبلي رواحهم ،،، يسقسوني اذا راني قابله ولا لا تبسمت ورجعت نشوف مع كاس لقهوة لي قدامي ،،، جا على بالي نجرب قهوة من نوع ثاني ،،، قهوة بلا سكر ،، كيفاش راح يكون طعمها ،،، اصلا حياتي بلا ذوق ،، وبلا طعم حتى اني رجعت مانميزش بين طعم لحلو ولمر ،،، وهاني راح نمشي في طريق جديدة : مجهوله ،،مش معروف لوين راح توصلني يعني بمثابة مجازفة ثانية في حياتي ،، احيانا لحياة على قد ماتعطينا صفعات نرجعو مانحسوش ،»، بقوة صفعه لي تجينا في كل مرة ،،، لمواضيع لي كانو يتناقشو فيها ماجذبتنيش ، قد ماجذبتني نقطة لي ركزت عليها لمراةلكبيرة لي قدامي ،، يعني مهمتي نفرحهاا ،،، مهمتي نجيبلها احفادها قبل ماتموت ،،، واش هو دوري في هذي لحياة ماعنديش جزء ملسعاده ،، ولا سعادتي وقت نخلي غيري يضحك صفقة زواج كانت تمشي قدامي »، صفقة فيها طرفین ،،، طرف لاول يحوس كيفاش يتخلص سلعته بلاما يخسر ،، وطرف ثاني ،،، يحوس
من انو هذي سلعة تجيب معاها رزقةة ومردود
كبير : قضيت ليل كامل وانا نتململ في فراشبي
ماجانیش نعاس ،، وحسيت حاجه حابسة عند حلقي ،، تقول حابه نصرخ ونعيط ومش قادرة ،، تكمشت في بلاصتي ،، وخليت لغطا فوقي ،،، وشوي من وجهي على برااا ،،، شتا برااا كانت قاوية ،،، جا في بالي لخدمة واش راح يصير فيها ،،، هوما قبلوني عندهم ،،، وممكن ننجح وممكن لا »، وحتى ولكان قبلوني وخدمت ،، آخرتها راح نتزوج ،، انا .
عمري ماخممت في طريقة زواجي كيفاش راح تكون
حب ولا تقيليدي مش مهم بلنسبة ليا ،، اصلا لمشاكل وظروف لي مرت بيا ماعطاتنیش وقت نفکر فلحب. ولا فلزواج ستغفرت ونضت مشيت للصال دو بان ،، توضيت وصليت ودعيت ربي يسرلي حياتي ، واذا كاين خير في هذي زواجه مرحبا بيها ،،، خليت امري بيد ربي ،،، احسن مانظل نخمم ونخطط.
طلع صباح ،،، ومعاه نهار جديد »»» لحال برا كان
دافي ،، لمطر حبست ،،، وشوي شمس ساطعة
في شباكي ،، لبست في رجليا ومشيت جيهته ،،
حلیت شباك وبقيت نشوف مع برا ،،، وراق شجر
ذبلو وطاحو ،،، لرض كانت تبان باهية ،،، وريحه لي كانت داخلة لغرفتي حستني بانتعاش تبسمت ودخلت ،، غسلت وجهي وصليت ورجعت جبدت سروال لبسته وفوقه تريكو كيف لعادة ،، مشطت شعري ،، وحطيت مكياج خفیف »، ووجدت صاكي ،، حطيت كامل واش،،، شفت يلزمني فيه ،، لازم كلشي يكون مرتب مع ضفاري ،،، خممت نحط فارني (طلاء الاظافر) ورجعت ترددت ،، راح نتاخر هاك ،،، وماعينيش فيه ،،،،
نزلت تحت » لقیت بابا وماما خديجة كيف لعادة قاعدين على طاولة يتقهوو ،،، سلمت عليهم وقعدت مقابلتهم ،،، حطيت كاسي »، ورجعت شفت مع تليفوني ،، راه وقت نمشي لازم 8:00 نوصل »، جيت نايضة وقفني قدامي.. کلام مرت بویا ،
_خديجة: حاولي ماتتاخريش ،،، لجماعة لعشية
جايين
_سيلا: بهذي سرعه»، قصدي راح يجو ليوم
_خديجة: ايه ،،، بابات لولد عيط صباح لبوك وقال جايين عشية
_سیلا: نحاول مانتاخرش
ستأذنت منهم وخرجت وصلت للشركة ،،، دخلت نجري لقيت سناء واقفة تحكي ،، وقت شافتني عیطتلي بيدها نلحقها سناء مرا كلاص ،، رغم
عمرها يمشي للربعين اما متلهية بروحها وبلبستها :
دخلت عندها للمكتب ، طلبت مني تقعد وشرحتلي خدمتي واش راح تكون ،، ودلتني على مكتبي »، هو قريب من مكتبها راح نخدم معاها ،،، کاین شوي ضغط فلخدمة بحكم انو عنديش خبرة كافية اما احسن من انو مانعمل شي
ستاذنت منها ومشيت لمكتبى كان صغير صالة كبيرة كل حد شادد بلاصتوا ..مشيت لوين مكاني ..حطيت صاكي و دعيت يكون هذا شغل فاتح خير ليا ...

✴✴✴✴