☘️🌾☘️
سيلا تحكي:
ستأذنت من خالتي عايشة... ونزلت للتحت .... متاكدة انو صوت لي سمعته مالوف ليا .... حتى انو بالي مشى طول ليسرى ... وفوق هذا تذكرت انو هو يعرف اسمي ... ممكن يكون يعرفني ... حليت لباب ونزلت مع درج ... سمعت صوتهم .... حطيت يدي على فمي ورجعت لورااا ... قلبي وجعني بزاف ... يعني كل حد عرفته في حياتي ضرني ... ولا مرة لقيت حد وقف معايا بلاما يستنى مني مقابل ولا يستغلني .... اصلا واش كنت نتوقع ... راجل غريب عليا كيفاش راح نوثق فيه وكيفاش راح يعاوني ... ولي قهرني انو هو كان يعرفني من قبل وممكن حتى هو لي لحقني .... وهو لي تعمد يجيبني لهنا .... ماحبيتش نسمع كثر ...هزيت روحي وطلعت نجري لفوق .... رفدت صاكي ولبست في رجليا ورفدت مونتويا وخرجت ... عرضني فلدرج ... عقدت حواجبي وجيت ننزل ... حبسني بيده يحكي ...
_حسان: وين ماشية ...
_سيلا: ماعندكش دخل فيا ... ومارسي على كل شي ...
_حسان: مشي كنتي تحبي تبقي ..
_سيلا: لا مش لازم نبقى هنا ... اصلا قراري هذاك مشي في محلو ... يكونو يحوسو عليا ...
_حسان: براحتك ... اما هيا خليني نوصلك ...
_سيلا: مانحبش مساعدة منك ... بربي ابعد من طريقي لا نعمل شي ماراحش يعجبك ....
شفته كيفاش ضيق عينيه فيا وعقد حواجبه....
_حسان: خير ... واش صرا باش قاعدة تحكي هاك معايا ...
دزيته ونزلت نجري .... سمعت صوت رجليه وقت كان لاحقني ... رجعت نزرب ... خرجت برا لعماره ... شديت صاكي ورجعت نجري ... قبل مايلحق عليا .... جيت نتلفت للطريق ... لقيته لحق بيا ...
_حسان: سيلا استني ... واش صرا معاك ...
_سيلا: نتا من وين تعرف اسمي ... حتى تعيط بيه ... احكي نسمع فيك ...
_حسان: شفت امي تعيط بيه ...
_سيلا: تكذب ... قاعد تكذب ... انا سمعتك تعيط بيه وقت طحت .... وقت جيت ترفدني عيطت باسمي .... شعال عطاتك يسرى باش تعمل هاك ...
وقتها عرف انو هي عرفت وسمعت لحديث لي دار بيهم وماعندهش علاش يكذب ...
عدى يده على وجهه .. ورجع حط يد على شعره يخمم ...
_حسان: لي صار كان صدفة ... انا ماخممتش نضرك بشي ... وكنت صح ناوي نساعدك ....
_سيلا: كامل تشبهو لبعض ... نسخة وحده ووزعوها ... ولي يضحك فلموضوع انو تجندتو عليا ... نتا يسرى آدم ... كامل نسخة وحدة. . لي يهمكم مصلحتكم ... بربي لا عاد تلحقني ولا يهمك فيا ...
تلفتت وكملت تمشي ... اما هو ماحبش يخليها ترجع وحدها وهي في هذي لحاله ... بقى وراها بخطوتين ... يمشي وراها حاط يديه في جيوبه وعينيه عليها .... رغم كل شي ... ماكانش يحب تفهمه بلغلط خاطر صح ماكانش حاب يستغلها...
بقى ساعة وهو يدور ... حوس على لادراس نتاع صحبتها وراحلها ... وشي مالقاهاش ... وصل حتى دخل للدار يفتش عليها وشي مكانش اثرها .... مشى للفيلا ... للشركة ... للشقة لي كانو فيها ... حتى بيت لجبل مشاله ... قال ممكن تكون جات ليه ... وين عندها تمشي .... دارهم مستحيل تمشيلها .... يسوق ويحرق في اعصابه .... يحس في روحه يغلي ملداخل .... كابس على لفولون ومركز مع طريق .... يحوس وينتا يلقاها ... ويوريها حدها .... وهذي لمرة حالف انو ضو برا ماعادش تشوفه ... مادام وصل بيها لحال تمشي وتهرب منه ... وبلا سبة ... طبعا هذا رايه هو ... اما لوقتاش باش يبقى هاك يفسر كل شي على طريقته مشي قاعد يشوف انو قاعد يغلط معاها في كل مرة ...
وصلت للمحطة متاع لباص بقات واقفة تستنى ... حتى لمحاته حتى هو واقف مقابلها ...نفخت ودورت وجها منه ... وقف لباص قدامها ركبت وتلفتت جيهة شباك ... طلع وقعد جنبها .... ماحبتش تتلفتله ... بقات ساكته ومركزة برااا ...
_حسان: سيلا ... صدقيني لي عملته من باب الانسانية وماخممتش نستغلك ... قبل ماكنتش نعرفك ... اما وقت عرفتك تراجعت ...
_سيلا: مليح ...
_حسان: والدي لازمو عملية ... وحلمي الوحيد كان انو نشوفه واقغ على رجليه .... من عشر سنين وانا نتعب باش نقدر نجيب حق لعملية نتاعه .... يسرى كانت راح تعطيني دراهم حق تعبي ... قصدي ...
_سيلا: خلاص فهمتك ... ونتا تشوف انو بوك راح يرتاح بدراهم نتاع كذب وخداع ... ونصب على ناس ....
_حسان: اصلا هاك ولا هاك ماراح يفيدوني والو هذوك دراهم ....
سكرت عينيها تخمم ورجعت شافت فيه تحكي ...
_سيلا: من وقتاش وهو هاكك ...
_حسان: من شي عشر سنين ...
_سيلا: راح تلقى حل ... اصبر وراح يفرج ربي ... اما عمرك تخمم بدراهم لحرام ... واذا بقيت تلحق في يسرى راح تخسر ... كيف ما انا خسرت ولدي في جرتها ....
سكت ورجع يشوف لقدام ... حش روحه صغير قدامها ... كيفاش قاعدة تنصح فيه ... وهو راجل مشي عارف يمشي حياته ... ويتبع في فرخة كيما يسرى ....
_حسان: وين راح تمشي ...
_سيلا: راح نرجع لداري ...
_حسان: اوكي اما خليني نطمن انو راكي فلداى عاد باش نمشي ....
_سيلا: موافقة ...
شوي وحبس لباص فلمحطه لي تنزل فيها ... نزلو مع بعض ... وبقاو يمشو حتى وصلو لقدام لباب .... حبت تمشي لعند عزيزة هاك خير ... باش وقت تنفجر عليه ماعنده وين يهرب ... ولا يسكتها ...
_سيلا: هنا ... راني وصلت ... نشالله تلقى حل لبوك ... وسلملي على والدتك مالحقتش نبقيها على خير ... وحتى نتا ربي يفرجها في وجهك ...
هزلها راسه وستناها حتى دخلت .... ورجع مشى
YOU ARE READING
💐 زواج تقليدي 💐
Romance💕"بعض الاختيارات في حياتنا تكون خاطئة ،،،، مما تجعلنا ندفع ثمن هذه الاختيارات ،،،، "💕 حبوباااتي ❤️كيمااا وعدتكممم رجعت بكرونيك كيماا تحبوااا😍 زوااج تقليدي🤍 زواج بعد حب♥️ فيهاا برشااا تشويق و مغامرااات 🔥بش تحبوهاا كيماا انا حبيتهاا و حبييت نودكم...
