💐 زواج تقليدي 💐

💕الحلقة 46...💕

☘️🌾☘️

🍂"أحس ان قلبي يريد ...
وعقلي يعاند ...
وكل ما حولي يشدني اليه ...
وماداخلي عميق ...
جرحي قديم ....
فكيف بامكاني تجاوزه ....
وكيف امنحه مالم امنحه لمن قبله ثقتي... " 🍂

لبست وعدلت روحها ...وستناته يكمل دوشه حتى هو .... وقفت تشوف مع روحها قدام لمرايا ... ورجعت شعرها لورا ....وخذات نفس عميق ورجعت تبسمت ...على تلفيتتها لقاته خارج ...لابس وماشس جيهتها .... بقات شاردة فيه حتى وصل مقابلها ... فاقت على روحها. . رجعت على جنب وخلاته عدل روحه قدام لمرايا ....
_آدم: اذا جاهزة خلينا ننزلو ....
_سيلا: واه خلاص ... نلبس في رجليا وننزلو ... مشات جبدت بوطها لبساته ...وحطت صاك صغير فيه تليفونها ...وتلفتتله ...
_سيلا: خلاص ...جاهزة ...
هزلها راسه ومشى حل لباب وخرج ... وخرجت حتى هي بقاو يتمشو ...هو ملقدام وهي وراه ...رجع حبس في بلاصته ...وتلفت جيهتها ...حتى وصلت لعنده.... حط يده في يدها ...ورجع شبك صباعه مع صباعها ...وكمل يمشي ...بقات ساكته وتشوف فيه ...ورجعت تبسمت على جنب ....
عدو صباح كامل وهوما يمشو ... وراها بلايص بزاف اول مرة تشوفهم ....ومشاو لبوتيك كبير شرات منه واش كان لازمها ...من ثياب وغيرهم....هذا لكل وهو معاها خطوة بخطوة. واي حاجة يشوفها شدتها يمشي يجيبها بلاما يسقسيها ....وهي فرحانه دخلاني ...اما باقي تكابر وتظاهر بلي هذا شي مايأثرش فيها ....
_سيلا: اوووه خلاص تعبت ...رجليا وجعوني .... _آدم: خلاص... خطوتين ونوصلو ...
_سيلا: مشينا بزاف ...وزيد وين ماندخلو يبقو يخزرولنا ... والله قلقوني ....
_آدم: عادي... نتي اذا شفتي ناس غراب على بلادك مايشدوكش وتبقي تخزري فيهم ....
_سيلا: مشي هذا قصدي ...كانو يشوفو فيك ...وماعرفتش كيفاش نحكي بلغتهم ونقولهم ماتشوفوش ...
حبس في بلاصته ...ورجع تلفتلها ...هاز حاجبه لفوق ...
_آدم: واش قصدك ....ههههه ...
_سيلا: علاش تضحك .... ماقصدت والو..... لا نتا مايليقش نحكي معاك خلاص...
_آدم: هههه خلاص سكت ارواحي .... نعرف شي كلمات من بعد نحفظهملك... ووقت يشوفو فيا قوليهم. ...
_سيلا: آدم: هيا وصلنا ...خلينا نفطرو ونمشو نرتاحو .... اذا تحبي تعملي مساج مليح . يخليك ترتاحي ....
_سيلا: ايه هذا لي نحب عليه ...
_آدم: اوكي راح نمشي نحط لغراض ....ونرجعلك ... _سيلا : ولا نقولك ...خلاص ماحجتيش بلمساج هذا .... خليني نمشي لبلاصتي نرقد ...
حط لغراض على جنب ومشى قعد على سرير ... يخزر للسقف نتاع لغرفة ...شوي وحس بيها تمدت جنبه حتى هي .... سكرت عينيها وبقات ساكته .... اصلا تعودت على لخرجة بلطوموبيل ...على هذاك وقت مشاو بزاف ليوم تعبت ... لفت راسه جيهتها ...بقى يتأمل فيها ...مسكرة عينيها ...ونفس نتاعها هادي ...صدرها طالع هابط ...وشفافها مبوزين كيف لعادة ...تبسم ورجع تنهد .... حلت عينيها ...وجات تتلفت ليه لقاته في وجها ...دخلت بعضها ورجعت ورا شوي ...
_سيلا: آدم ...
_آدم: همممم...
_سيلا: علاش قاعدة نحس انو صعيب باش نمنح لهذي لعلاقة فرصة ...وقتاش نوصل لبر الامان ...حاسة روحي نغرق ..قد ماحاولت نسبح ومانفقدش قوتي لي تتمثل في الأمل نتاعي ...نلقى روحي قاعدة نفشل كثر .... كيفاش جاتك ساهلة تقول كلمة نحبك ...وفي هذاك لوقت ...علاش ماصبرتش وحكيتهالي في وقت كنت راح نصدقك فيه كثر ... _آدم: قصدك انو اعترافي ماكانش في محلو ...عندك شك فلموضوع يعني ...
_سيلا: مش هذا قصدي ...ام جان في وقت انا ونتا كنا راح نعملو علاقة ...ممكن رغبتك خلاتك تحكي هاك ... عقد حواجبه ورجع ناض في بلاصته ...
كلامها نرفزه نتاع الصح ...خاطر هو عمره كان يخمم بغريزته . .. وكان على كلمة نحبك ...كون عينه كون حكاها من هذيك لمرة ..مش حتى لدروك ....وزيد حسها ديما تندم على لي تعمله ...وهذي ثاني مرة يحس روحه تسرع .... وقت كان يقول خلاص كلشي نحل ...لقاها دور في نفس الحلقة وكل مرة ترجع لنقطة لبدايه ....
_سيلا: آدم ...انا ...
ماخلاهاش تكمل ...ناض هز تليفونه وخرج وسكر لباب وراه بلاما يجاوبها ولا يعبرها .... لهذا الوقت قاعد يعمل قي كلشي باش يرضيها .... وباش يبني حياته معاها ..اما هي مشي حابة تفهم ... ختار انو يخليها على راحتها ...وماعادش يحاول يصلح لي بينهم. .. اذا ماتصرفش من دروك راح تظل علاقتهم في نفس الموضع ديما ...وعمرهم راح يخطو خطوة للقدام ...