تألمت ثم عشقت آلامي في حبها

19

تألمت ثم عشقت آلامي في حبها >> الحلقه 19

#_منقول
.
.
محمود ، وسحر ، وزياد ، ولجين وصلو للقصر و الدنيا تقلبت بالأغاني و الجو ..
ولقو ولييييمة كبيرة منصوبة في الجنينة .. لي متكلفين بلديكور لصقو الطاولت في بعضهم على شكل صف طويله.. زينوهم بطريقة مش عادية .. و فتحو موسيقه هادية و دارو إضاءة خفيفه في الجنينة ...
والطباخ ابدع في الوليمة .. وليمة فيها كل ما تشتهي
و كل ما تتمنى .. أكلات متنوعة و مختلفة .. أطباق معروفة من جميع بلدان العالم ... محطوطة و مرتبه بطريقة تشهيك تغطس فيهم 😍
و تاكل بيديك و رجليك هههههه .. 😂

والخدم لابسين زي بعضهم و واقفين بحدا الطاولت يستنوا أمت يتجمعو الناس و يقدمو العشا .. 💕

الناس كلها تجمعت .. نساء و رجال .. كبار و صغار .. قعدو على الطاولت و بدو يتعشو.

شويه ويشوفو في سليم جاي فيسع جا بيتعشا معاهم بيموت ويشوف منى .. ليه توا 5 أيام مشافهاش ... كان بيروح بيها من الحمام لكن مخلوشي هههه... و محمود و زياد و شباب فددوه في حياته. مررو عليه العشا بي برادتهم 😒. لكن هو مش معدل عليهم بكل 😂
.
ومريم قاعدة تتعشا وقلبها يغلي على سحر و محمود و منى و خديجة و فاطمه .. تتحلف فيهم في قلبها و ناويتلهم على نية ما يعلم بيها غير ربي .
.
. " هههههه لكن يقولو .. من حفر حفره لأخيه وقع فيه .. هما مش عارفين مريم شن مخبيتلهم .. و مريم مش عارفة محمود شن مخبيلها هههههه ...😎 "
.
فات جو وعشا يهبل .. تعشو و شبعو و توا وقت السهرية .. سهرية نسائية بإمتياز .. جابو فرقة نسائية و مقررين يهبلو بلرقص و يقلبو الدنيا اليلة ... ومقررين يديرو لعار ليلة😂
.يلبسو علي راحتهم و يتصرفو على راحتهم .
. و مش غير اليوم ليلة نسائية ... قررو يديرو 5 سهريات نسائية فقط..ممنوع إقتراب الرجال هههه ....
وجهزو برنامج لي كل سهرة.. ولزو الرجاله من القصر بكل و بدو في سهرية اليلة .. ههههههه و محمود الخبيث مشي للجين و قاللها نبيك كل ليلة تباتي معاي
.
يبي يقصقصها في الكلام و يعرف كل شي على السهرة .. أو بالأحرا كل شي على سحر😂
.. يعرف لجين راديو مكسر و ميسكتش بكل😂 .. بتكسرله راسه .. لكن مش مشكلة على خاطر سحر .. و عيون سحر كل شي يهون .. هههههههه .. 😍😂
.
البنات بدو فلهبال متاعهم و مدام خديجة ستغلت الفرصة .. وقالت لفاطمه تعالي معايا نشربو قهيوة و نوريك دهب منى ونحكو شويه بعيد على الدوشه ..
.
مدام خديجة طلعت لدور الفوقي .. و دخلت هي و فاطمه لي غرفة نومها ..
.
وبدت توري فيها في دهب منى لي شراه العريس ... و ولي بتهدهولها هيه .. و ورتها شن ناوي يهديها الحاج مختار .. ناوي يعطيها خاتم أمه ..خاتم زمرد لونه أزرق يجنن💍 ...
.
وحكتلها على سليم و عيلته...وقعدت تشكر فيهم و. أي حد أصلآ يفرح بي نساب زي هدم سليم . يخدم دكتور جراح ولابس عليه ... وبوه هوا صاحب مختار و راجل أعمال معروف ..وسليم استقر في الخارج و ناوي يرفع معاه منى❤
.
فاطمه - إييييي ... من كان يقول منى اخر العنقود تكبر و تولي عروسة ... كل ما نشوفها نتفكرك انتي يا خديجة لما كنتي صغيره.. تتفكري وقت لي جيتنا عروسة للمزرعة !!! ...
خديجة سمعت الجملة هدي و بعدها طرشقت بالضحك ... تفكرت 😂
خديجة - . ههههههه .. نتفكر يا فطوم نتفكر هههههه ... أول يوم جيت فيه كنت ميتة بالرعب .. تجوزت صغيرة في بلاد غير بلادي .. جاية من قلب العاصمة للمزرعة في قلب الريف و مش فاهمة شي .. قلت ناس مسكرين و عندهم طريقة يعيشو بيها مختلفة علينا .. أكيد مش حنتفاهمو بكل... هههه
.
فاطمه - مش قادرة ننسا منضرك في قفطان متع العرس... ههههههه ... أطول منك و وانتي حاصله فيه و شويه لا طحتي بيه ف الارض هههه.. و مختار ميت من الحشم .. وجهه أحمر و كابس روحه 😂
.
خديجة - اي .. الحمد الله لي لقيتك يا فاطمه .. كل يوم نحمد في ربي علي خاطر بعتلي أخت غالية كيفك .. تعاشرنا سنين و الحمد الله عمري ما غلطت في حقك و لا انتي غلطتي فيا .. عاونتني في كل شي . ولي كان صعب عليا أني ما كانش صعب عليك انتي .. تحملتي معاي تعب الصغار .. و ربيناهم مع بعضنا .. و انتي كنتيلهم أمهم الثانية .... و بالأخص لمحمود .. حبيتيه و دللتيه و خفتي عليه أكثر منهم كلهم .. خفتي عليه حتى مني أني و من بوه ..
.
فاطمه - الله غالب ... من وهو صغير قلبي معلق بيه .. حبيته و دخل لقلبي زي قطرة العسل .. مختلف هلبا على خوته ...طبيعته صعبه .. وعنايدي من وهو صغير .. الحاج مختار لا مشي و لا جي