تألمت ثم عشقت آلامي في حبها

20

تألمت ثم عشقت آلامي في حبها >> الحلقه 20

#_منقول
.
.
وبعد شويه دخل عنصر جديد ... عنصر وصل متاخر للسهرية ...لكن بمجرد وصول العنصر هذا أضواء و فخامة و رونق السهرة كلهم طفو...🖤
... طفو لأنه سحر و جمال هل عنصر الجديد طغا على سحر السهرة و سلبهم رونقهم...
عنصر بمجرد وصوله أنضار الناس كلها اتجهت ليها و في عيونهم لمعة إنبهار كبيييييييير .
.. البنات مركزين في كل تفصيلة من هالعنصر الجديد بعيون مبحرة .. وشباب و قلوبهم كأنه بطير.. و عيونهم تعبت بنظرت يعرفها محمود مليح مليح ...💔
ع مأعتقد من وصفي لحالة الحاضرين عرفتو من هل عنصر الجديد....😉 أيه أيه هي لي في بالكم..تو. هي سحر ومن ح يكون غير سحر😌.
هي السندريلا إلي بمجرد وصولها للسهرة فتنة بجمالها عيون الرجاله .. و دبحت بحسنها قلب محمود ...
نجمة نازله من السماء و تجسدت على شكل حورية من حوريات الجنة...💚
لابسة قفطان سهره لونه سماوي 💙 طوييييل يوصل للأرض من قدام و من وراها القفطان طويل أكثر لدرجت إنها لما تمشي ديل القفطان يقعد وراها بخطوات ...ولقفطان قماشه راقي هلبااا... و مرصع مكعبات لونهم ابيض صغيرين لدرجت إنك متشوفهمش لكن لمعة لي فيهم مش عادية ...☄
.و..لقفطان . مكبوس من فوق لحد البطن .. ومن جيهت ضهرها كله عرياان ...
.
ولابسة في رجليها كندره لونه أبيض و عاليه هلباااا.
ومرصعه بمكعبات أكرستال💎...وجبده شعرها و رفعاته فوق شويه فقط بطريقة انه يبينلها ضهرها . و برغم من هدا شعرها قاعد يوصل لأخر ضهرها...
ومدايره ماكياج علي الاسود مخدوم بطريقة متقنة طلع عليها يجنن في عيونها ... و زاد بينلهم لونهم و وخلاهم أكثر جرءة ..و في فمها روج أحمر فاقع زاد بين أكثر بوست الخالة لي فوق شفايفها .. 👄
.
و سلسلة تضوي جتها تجنن على رقبتها البيضة ...سلسة بريقها بجلب الأنضار بأي طريقة .. اليلة و أخيرا تجرأة ولبست هدية محمود .... ❤
.
تمشي و تتمخطر و مش معدلة على حد .. وشعرها الحرير تتلاعب بيه النسمة ... خصرها يتمايل يمين و يسار بينطق من الأنوثة ... ووتقدم بخطوات صغيرة و ثابتة ...
.
بعد شويه المدعوين بدو يقدمو ناحيتها .... يقدمو و ينحنو قدامها بكل لطافة و يقبلو يديها الصغيرونين ... كل واحد فيهم حاير يتعرف عليها... أو يرقص معاها .. أو حتى يرافقها للطاولة متاعها ...
.
سحر تحشمت ... أول مرة تتحط في الموقف هذا .. كل شويا جاييها راجل يتكلم معاها ... و يقلب فيها بعيونه و مركز مع كل تفصيلة فيها بطريقة تخليها تدخل بعضها ... تصرفاتهم و نضرتهم حشمتها لأقصى الدرجات .. و لقت أحسن حل إنها تتهرب منهم ههههه ...
نزلت راسها في الارض و سرعة في مشيتها باش توصل للطاولة لي عليها سمر و تتخبا بجنبها ...لكن الكندره مش مخليتها مرتاحة ... كأنه تعطل فيها ومدير بلعاني ع محمود هععععهههه ... 😂
.
محمود إلي كان بيهبل ...رسه بيطربق ...من العصبيه ....جسمه كله تكبس و عروقه كلها بانت .. جنتته جنتته و خلت الغيرة قريب تقتله 🔥..
.
كل خطوة كان يخطيها كل راجل باتجاه سحر كانت تحرق قلب محمود في نفس الوقت .. و كل نضرة من عيون راجل لسحر كانت تذبجه بدون نقاش ..💔
.. جمالها هدا ... و جسمها هذا ...هما ليه هو فقط و ما يحق لي أي راجل يتمتع بيهم غيره 👌.
.
فتنتها كانت مستفزة لأبعد الحدود ... جمالها خلاب و أنوثة طاغية ... ما فيها ولا غلطة .... 😍
.
.. محمود كأنه بركان يغلي في داخله ههههههه ..
. يقلب في طواسي ال Champagne في فمه بسرعه و عيونه حمر مركزة معا سحر بنقمة كبيرة
... يا ويلها لو تغلط .. يا ويلها لو تبادل النضرات و البسمات مع غيره. . يا ويلها لو تنساه وتحرقله قلبه أكثر ...🔥 هو نبه عليها لو كان تنسا تنبيه تتحمل مسؤوليتها ...
محمود يشوف فيها كيف سرعة في خطواتها باش تهرب منهم ... .. لازم يقرب منها و بالمرة يعطيها نضرات يرعبها بيهم... هههههه.😂. كان تغلط يحرقها هي والحاضرين كلهم👌
.
محمود معاش قادر يتحمل أكثر ... في حاجة تشد فيه ليها كيف المغنطيس ... حط يده في جيبه واليد تانيه رافع بيها طاسة 🍷
.... يقدم بكل ثقه تجاها و عيونه تلمع ... وكل شويا يحبسه حد يتكلم معاه و هو عيونه ما بعدتش من عليها .... اضايق من كل حد يعطل فيه ...يبي يوصللها و يتمتع بقربها لكن مش قادر يجبد روحه من الناس ... يتكلم معاهم و عيونه مرشوقة في سحر ما تحولتش من عليها بكل ... يراقب في تصرفاتها و خايف لا يضايقه حد أو يتجاوز حدوده معاها ...