تألمت ثم عشقت آلامي في حبها

30

تألمت ثم عشقت آلامي في حبها >> الحلقه 30

#_منقول
.
.
مريم - محمود اني قلت الحقيقة .. سحر مع زياد .. زياد هوا لي قالي ... قالي هيه لي قتلي تعاله ارفعني معاك . باعتك يا محمود باعتك و غدرتك ..واني اني لي محرمة عشق راجل غيرك على قلبي .. حطيتك في قلبي من سنين و لا يوم خنتك وربي شهيدي و حسيبي ...😔
.
محمود مسكين فشل كله ما لقا ما يقول ... رخف يده من عليها و هي لوحت الكلمتين و طلعت تجري ... عارفته كيف البركان توا لازم تتقي شره ... بخت سمها كيف الفعة و طلعت و خلته يتخبط بروحه ...
.
اوووووووف ناقص هوا توا !!!❤
كلمت "خلتك و مشت لصاحبك عشرة عمرك " ... بدت تتعاود في ودنه... نار .. نار شعلت فيه ... حط يديه الاثنين على راسه و كبسهم .. كأنه يحاول يضغط عليه باش ينسا هالكلمة و ينسى معاها كل كلمة و كل جملة تقالو في موضوع يخص سحر ..لكن عقله دار بالعكس .. رجع فكره لليوم لي سحر سيبته فيه و بأدق التفاصيله ... رجع فكره بدكتور وقت لي قاله " .. نفسيتها تاعبة و جسمها ضعيف ... يمكن هيا اهملت في الماكلة و يمكن انتم ماهتميتوش بصحتها ..."
محمود ..تنهد تنهيدة من قلبه تزلزل ... 💔
.
تنهد علي خاطر عارف و متأكد من أنه كلام الدكتور صح ..و تفكيره هرب بيه لي الشهر لي فوتوه مع بعضهم ..
.
تفكر كيف مش قاعدة تاكل بكل .. أي حاجة يجيبهالها تقول عليها لا و ترجعها .
.. تاكل في حاجه خفيفه بس.. بسكويت .. شكلاطة .. و شوية فواكه .. و مرات ما تاكلش شي بكل ...مشي في باله في وقتها ان ماكلة لفندق مش عاجبتها و هو ما مباش يغصب عليها ...
.
تفكر كيف المده لخيره ديما فاشلة و مرات يلقاها شادة بطنها تتوجع بشويه
.. و كيف يسألها تقوله لا حاجة عادية ... تفكر يوم لي داخت فيه و هما يعومو في الغريق ... يومها قلبه طاح من الخلعه .. قلبه طاح كيف ترخفت كلها بين يديه ... كانو يعومو و مديرين جو و فجأة ترخت و المياء رفعتها كلها ... شويه لا غرقت كان ما لقفهاش هو و حاوطها بيديه .
..
يومها قعد يوم كامل و هو مفجوع... وجهه أصفر .. و من يومها حرم عليها الدخول للبحر .. قاللها لما تبي تعومي عومي ف البيسين مش غارق و ما تدخليله ألا بحضوري اني....وتفكر يوم لي تعاودت قصة الدوخة أكثر من مرة .. و وقت لي جابلها الدوا.. تبسمت و مابتش تشربه .
..تفكر
... و تفكر ..
و تفكر ...
قرص على عيونه بصوابعه الأثنين بكل غل . كيف ما لاحضش هدا كله ؟ .. كيف ما شكش حت لو شويه !! .. كل حاجة فيها تقول اني حامل ، أفهم ... كيف ماحسيتش بروح ثالثة لي عايشة معاكم؟؟؟ .
.💔
. كل ليلة يبات في حضنها .. كل ليلة يبات حاطط راسه على بطنها و لافف يديه على حزامها ...كيف ماحسش بي ولده لي مزروع في وسطها !!! ..
... كيف احساسه خانه !!... و هوا لي كان ديما يحس بي صغاره من الرمشة .. يحس بيهم اكثر من اي حاجة .. لدرجة انه الناس كلهم مستغربين في قوة تعلقه بيهم .. يقولول كيف تفهم على زوز صغار من غير حتى ما ينطقو ؟؟..😔
.
في دمعتين لقو طريقهم من تحت رموشه لي مسكرهم بقوا ... دمعتين خانو قوته و نزلو على خدوده..
..تعرفو علاش نزلو ؟؟.
..
..نزلو علي خاطر حس إن حتى من إحساس الأبوة خانه .. خانه و تخلا عليه .. 💔
.
..تلفت للغرفه دشدشها تدشديش ... فرغ فيها هم قلبه .. لازم يدير هكي ولا ينجلط ..المريات والمرش لي في الغرفخ كلهم في الأرض ..وسرير قلبه
.
هد على الباب و كبس يده ...و بكل ما فيه من قوة دخل يده فيه ... من قوة الضربة ...يده دخلت في وسط الباب .. قسمته و خلت أثرها في وسطه ..لكن في المقابل يده تجرحت .. و قطرات دمه كسو الارض ... 💔.
.
.تلفت بعيون حمر كيف الجمر للفيلو لي في الارض .. مشاله طاير طيران ..رفعه بيقطعه بيديه الإثنين ... لكن في لحظة جسمه تخدر ... قوته لي قسم بيها توا باب تلاشت و حتى هي خانته...💔
.
شادد الفيلو بين يديه .. بيقطعه و يقطع معاه كل لحظة فوتها معاها ... لكن ما قدرش ... ريحتها لي تو فيه .. تنفسها وسيطرت علي كيانه... بريق مكعبات لي لاسقين عليه فكروه بلمعت عيونها ...سرح شويه .. و في لحظة جسمه تكهرب من جديد تقول ضربه الضي ... تخلع .. وولوح الفيلو في الارض... لهدرجة تأثيرها قوي عليه ؟؟؟
. لهدرجة في عز نقمته عليها قاعد يحنلها و يحن لي لياليها !!!رفع رجله بيعفس عليه لكن مرة تانيه قطعة منه خانته... رجله قعدت معلقة .. لاهي في الارض .. و لاهي مطاوعته معلقه في الهوا .. عمركم ريتو انسان عاجز انه يتحكم في جسمه !!!!!... هوا يلي حاجة و جسمه يقوله لا !!!!!... معارضه بكل وقاحة !!!! 💔
.
صراع بين قلبه و مخه... عقله يقوله أعفس فيها كيف ما هي عفست فيك .. خلاتك و مشت .. غدرتك ...
.
و قلبه يقوله لا . هدي المرا لي عشقتها .. مش هدي لي كنت بتهد على خاطرها عيلة ؟... مش هدي لي درت منها عروسة من غير عرس !! ما تضلمهاش ... انت غلطت ..إيي غلطت وقت الي مشيت و خليتها غارقة في دمها .. مهما كانت حالتك ... كان لازم تقوم بواجبك ... و ما تخليهاش .. انت غلطت يا محمود .. إقتنع بالشي هدا .. 💔
.
في اللحظه هدي تهد .. محمود و قوته تهدت .. لاهو قادر يتبع عقله .. و لا شخصيته مخليته ياخذ براي قلبه .. حبها بدا كيف السم لحلو لي يمشي في دمه .. و مسيطير علي حركة محمود ... حبهه مربطله يديه .. متغلب على كبريائه و مبادئه و جمالها مسيطر عليه لدرجة انه فكرت بعدها عليه تخلي قلبه يرعش من الخوف ... ما قدرش يعفس علي فيلوها .. ما قدرش يعفس على حاجة لمست جسمها ... بعد عليه خطوة بسرعه..!!!
.
بعد مرور شهر ⏱
.
.فاطمه - دللتيها يا خديجة والله دللتيها هلبااا🙄
.
" تلفتتلها مدام خديجة تتبسم .. حطت يدها في حزامها و بدات تتكلم بيدها تانيه لي شادة فيها المغرف اللوح ... "
خديجة - ووووووه ... المرا بين روحين و تتوحم .. كيف تبني ماندللهاش ؟
فاطمه - مممممم ... الدلال يجيب الهبال ... كل ليلة وهيه طالعتلنا بطلعة.... ☹
.
خديجة - هههههه ... فكرتني بروحي يا فطوم كيف كنت نتوحم بي هدكه المطيوح السعد .. ما خليت ماشتهيت هههههه ... و شهواتي كلهم بعد نص اليل هههههه....😂
.
فاطمه - هدكه مطيوح السعد تو بيطحلنا سعودنا ... هوا قالب الدنيا عليها و هي متخبية في غرفته و راقده في سريره و كل ليلة حضنه مخدته ... و تتوحم عليها من فوق ... 😒 توا تشوفي شن يدير .. ولدك هداك حاااله .. مربت بارد و معڨد في رسه.. ..كيفه كل مرة و هوا بعثلي واحد يقولي قالك استاد محمود وين ... سحر 😂 وليت عقاب عمري مرعوبة من فرخ كان يجري بين يديه ...😣
.
خديجة - فهمني بالله عليك شن كنت نقدر ندير اني !! ... قوليلي تره ..
.
فاطمه - ممممممم ... اني نقولك أبدي حضري كلمات لي بتقولهم قدام محمود وقت لي يبدا يخوف فينا .😓.
.
.خديجة تنهدت .. - يا فاطمه بالله عليك شن عندي ندير اني !! ..فيه حل تاني واني مدرتاش ؟؟؟ ..تي دخلت عليها للغرفه نلقاها تبدل في دبشها و طالعه ... نلقاها تبكي بالغصة ... تشهق و ترعش كلها ... حالها كيف حال العصفور المجروح. .. تي بالله العضيم حرقتلي قلبي ...وهدكه زياد الله لا تربحه سكنلها في رسها ... وعبااه على محمود .. وقاللها راهو لعب بيك .تي هوا لي حطلها فكرة طلوع من المصحه في راسها ... و أني دخلت بالصدفة ... اصلآ تصدمت لما رتني ... و حتى لما حاولت نهديها و نقوللها محمود يحبك و زياد هوا لي يكدب ..بدت تبكيييي و. قتلي نموت ولا نزيد دقيقة معاه .. محمود هوا لي يكدب ...
.
فاطمه - الله لا تربحه .. ناوي يحرق قليب وليدي ... طيح سعده اكثر ماهو مطيوح .. اصحاب آخر زمان ... من نساوين ربي كلها .. حط عيونه على مرت صاحبه.. يعطيه كية ... يعطيه فقصه فيهم ..😡
.
.خديجة - اني والله تصدمت .. صح هوا من لأول حاطط عيونه عليها... لكن ماتوقعتاش يديرها ويفركش بيناتهم .. 😰
فاطمه - نتوقع منه كل شي هالمنزوس 😑. اني وقت لي دخل عليا مراد رافعها و هي دايخة بين يديه ركايبي تخلخلو ...مشيتلها نجري .و نقوله يا وليدي فهمني شن صاير ... و هوا لا عطاني لا صرف و لا حرف ... حطها فوق السرير و دور وطلع ...قلتله قولي خيرها دايخة ولا راقدة ولا ميتة .. قالي لا اكويسه .. تاعبة شويه.. رقدت في الطريق ..و. مدلي كيسه متع دواياتها و قالي امي جاية في الطريق توا تفهمك .. زدت حرت .. قلت خديجة مش من عوايدها تجي من غير ما تعلم .. و كيف سألته علي مختار لو جاي حتى هوا ... قالي لا و طلع في سيارته و خلاني نغلي 😣
.
"خديجة لما نفكرت هدكه اليوم. حطت يدها على فمها و بدت تضحك بالشويه ههههه ..وكل شويه تتلفت جيهت الباب خايخه لسحر تسمعهم .😂 "
.
خديجة - ههههه. ملا نخليها لزياد ولا و نخليه يحرق قلب ولدي هههههههه .ولا نخليها تهرب في شارع وهيه بنيه صغيره ماتعرف حد... لا وألف لا ... كلمت مراد قتله تعالالي توا ومش بسيارتك و فهمني شن صار ...
سلمه ربي وليدي جاني طاير ... هوا واجعه حال خوه .. قلتله طلعها و اسبقني لي امك فاطمه و توا اني نلحقك... ..😂
." و هني فاطمه بدت تضحك ههههه .. اصلآ هدي مش اول مرة فاطمه و خديجة يحطو الراس على الراس "
.
فاطمه - ههههههااااا .. يا نهاري كان يعلم بينا محمود هههههههه😂😂

.
(يناري ما يعرفوش انه مودي توا في طريق للمزرعه .. ساعة و يوصل 😈.كتابة اميره لعبااني ...ههههه)
.

.خديجة - حتى اني خايفة والله هههههه ... حايرة شن لي بيصير توا يا فاطمه ... .
.
"...وفاطمه شدها الضحك .. خديجة تضحك معاها و مش فاهمة السبب .. 😂"..
.
خديجة - وووه😂 ضحكني معاك يا وخيتي ..
.
فاطمه - ههههه .. نضحك على لهبله مرت مراد .. كيف تتصل بالتليفون .. ههههههه .😂. وخايفة مرعوبة من محمود .. قلتي يا امي فاطمه والله لوكان يعلم بيا نمثل عليه يوم لمصحه تشوفي شن يدير فيا
.
خديجة - ههههههه .😂.. اييييييه .. انتي ماريتهاش يا فاطمه نهارتها ...شويه لا تفضحني ...مسكينة قلبها طيب و تعز محمود .. قتلي هوا بو بنتي لوجين هههههه ..
فاطمه - اني اخر تليفون درت فيها .. قلتلها شدي راجلك و اسكتي ههههه ...😂
.
.
#_يتبع

بهاء الحطاب