خش يجري لقي كرسي طايح ..في لأرض .
.
محمود - سحر ياقلبي وينك ياعيوني ..كنتي هني ..اي كنتي هني .. كله مني ..اسفه ياروحي .. حنساعدك متخافيش ...💔
.
.محمود طلع يجري ركب سيارة وفي يده توكه ضاغط عليها بي كل قوته ..
كيف بيولع سيارة
.تلفونه يرن ...
طلعه من جيبه ورد ..
سليم - الو محمود
محمود - نعم 💔
سليم - حققو مع صلاح وأعترف ..
محمود - بي شني أعترف تكلم بسرعة ..
.
سليم - هو ماليشي علاقة الا ان هو يراقب سحر مريم عطاته مبلغ وقالتله يراقب جميع تحركات سحر .. واي شي جديد يصير يوصله لي مريم .. ولي سلم لمبلغ لي صلاح هو زياد ... ..
ف عرفنا من تحقيق معاه ان مريم ..وزياد متفقين مع بعض .. هدا لي قاله صلاح .. وتو قاعدين يدورو في زياد ومريم ... الو محمود تسمع فيا
.
"" محمود من صدمه ...
معاش قدر يتكلم
صكر تلفون ..
وعيونه ..قريب يطلعو من مكانهم ..
بدا يخبط بي يده ع دومان بلقوه ..
ويغلي كله مع بعضه ..
. وبدا يتفكر ويركز .. ""
.
محمود - كيف معرفتش لخطه لوسخه هدي منه هو ...اخخخخخ والله لم نقتلك يازياد ..🔥
.
محمود انطلق ..
تفكر مكان ..أحتمال يكون هو نفسه لمكان لي زياد حط فيه سحر ... ""
.
.
في لوقت هدا ⏱
مريم خشت ع سحر في لغرفه .. تشوفلها وعيونهااا قريب ينطقو من شر لي فيهم ..😈
وسحر من تعب رقده ومحطيه راسه ع كتفها وراقده زي الملأكة ...
.
مريم طلعت من الغرفة ورجعت ... وفي يدها مالقي ميه.. شافت لي سحر بخبث وكبااته عليهاا بقوو..
.
سحر تخلعت.. وشافتها وبدت تبكيي ..ومش قادره تتكلم فمها مصكر ... تبكي وخلاص ... لا عندها حول ولا قوة 💔
.
مريم - هعع تخلعتي مازل ماشفتي شي .. اني كان نلقا نصب عليك كاز ولا بنزينه ونولع فيك ياحقيرة..
.
مريم قربت منها وشدتها من شعرها بقوة وبدت تكركر فيها وراها ..
للصلون .. وسحر تشوف وبتموت من الخوف ...ترعش .. تصدمت لما شافت سطل كبير معبي ميااء محطوط فوق طاولة .. فهمت مريم شن بدير فيها ...💔💔
.
مريم ضحكت بخبث .. ونحتلها لصقة من فمها ...
سحر تهز في راسه بسرعة وعيونها كلهم خوف - لااا بالله عليك ...
مريم - هههه😏 لا مهو قتلك محمود لا. انتي مفهمتيش ..
.
جبدت راسه بسرعة وحطتها في سطل بقوة .
مريم - محمود خط احمر احمررر🚫
طلعتها من سطل المياء ..سحر تتنفس بسرعة وتبكي ...😭
مريم - محمود شني محمود .. خط احمر ..فاهمه 🚫
.
عاودت دخلتها لي في سطل وسحر تقاوم بس .الاسف سحر معاش عندها قوة .. طلعتها من سطل ..سحر ..خلاص الاكسجين قريب يهرب منهاا... 💔
.
مريم - مافيش واحده تجرئت وقربت منه محمود ملكي اني فاهمه شن معنها محمود لياا اني ..ولي تقرب منه ..معنها فتحت ع روحها ابواب جهنم ...🔥
.
مريم تتكلم بحقد تهز في راس سحر بقوة .
.شعرها قريب يتقطع في يدهااا ..
وسحر تعيط ..
مريم عاودت غطست راسه في سطل .
. وتضحك من كل قلبهااا ..ضحكة حقد وشر وغل ..🔥
.
طلعتلها راسه بقوة ..
سحر تتنفس بسرعة .
.. وقريب دوخ ...
.
مريم - تعرفي خاطري ندير فيك هلبااااااا حاجات هههعع .. لكن الاسف احمدي ربك زياد وافق كان هدا قتلتك وشربة دمك ...🔥👿
.
سحر من الخوف .
.وخوفها ع لي في بطنها
.. وتتفكر ..كيف محمود خايف عليها ويراجي في صغاره بي فارغ صبر ..
وتتفكر في كل لحظه معاه ..
جتها قوة ..غريبة .
. في لحظة ..تحولت كأنها مش سحر .. .
.
سحر دفت مريم بكل قوتها
...لان سحر ربطت يديها من قدامها مش وراها قدرت دفها بيديها بقوة .. .
.
في لحظه مريم طحت ع الارض.
. ورسها تخبط في حاشية طاولة ...
سحر طلعت تجري وصلت للباب بتطلع
..شافت وراها لقت مريم قاعده ..
طايحه في الأرض ...
رجعت بشويه خطوه خطوه ..
بس هني كانت صدمه مريم راسها يصب دم .
.وعيونها مغمضات ..قربت منها وبدت تهز فيها
سحر - مريم .. نوضي نوضي .. مريم ..لااا بالله عليك..
.
بس الأسف مريم .. فقدت الوعي من قوة ضربه .. 💔
.
سحر دموعها بدت زي لمطر ..
. بعدت عليها
.و فتحت الباب بهدوء
وطلعت تجري بسرعة
وهي تتنفس بخوف
وتتلفت يمين ويسار. ...
رجليها حفيانات ..
ويديها مربوطات في بعض
وشعرها يطاير وراها .. ..
حست بخطوات وراها وتلتفت بخوف لكن مافي حد!!!
وتلتفت قدامها وفجاء راسها تخبط .. في شخص ..رفعت راسها فوق ..وشهقت بصدمة ..💔
سحر - محمود
محمود حضنها بقوة ..
سحر - قتلتها ..قتلتها ..
محمود حاضنها بقوة ..ويبوس في راسهاا ..ومش مصدقه انها قدامه .. وسحر ﺗﺮﻋﺶ ﺑﻴﻦ ﻳﺪﻳﻪ ﺩﻣﻮﻋﻬﺎ زي لمطر و ﺗﺘﻨﻔﺲ ﺑﺎﻟﺴﻴﻒ ﺗﺨﻨﻘﺖ ﻣﻦ ﻛﺜﺮﺓ ﺍﻟﺒﻜﺎﺀ ... ﺭﻋﺐ ﺳﺎﻛﻨﻬﺎ ...💔
.
محمود فتحلها ربطت يديها وسحر طول ﻛﺒﺸﺖ ﻓﻴﻪ بلقويه تشوفله ﻭﺗﺘﻠﻤﺲ ﻓﻲ ﻭجهه....و ﺍﻛﺘﺎفه ﻭﺻﺪﺭه ..... تبي ﺗﺘﺎﻛﺪ ان ﻫﻮ ﺑﺎﻟﺤﻖ ﻗﺪﺍﻣﻬﺎ ...💔
.
محمود يشوفلها و ﻏﺎيضه ﺣﺎﻟﻬﺎ ﺑﺎﺳﻬﺎ ﻣﻦ ﺭﺍﺳﻬﺎ ﺑﺎﺵ ﻳﻄﻤﻨﻬﺎ
محمود - ﺣﺒﻴﺒﻲ اهو ﻣﻌﺎﻙ أني ...
سحر - اقتلتها ... اقتلتهااا ..
محمود - مني شن تقولي .. سحر اهدي وتكلمي بشويه
سحر - خايفه اني قتلتها ..قتلت مريم ..
.
محمود طلع تليفونه بسرعة واتصل بي سليم وقاله ع المكان وقاله انه لقيتها ... وسليم قال للعيلة وطمنهم طول .. وفريق الشرطة اتجه للاسترحة واسعاف ..
.
.
محمود ركب سحر في سيارة .. و شدلها يدها .يبوس فيها.. واتجه للأستراحه ..وسحر تبكي وتشهق ..
محمود - سحر ..ماتخفيش حبيبي. هدا كبوس وتم خلاص اني معاك ..
..محمود ثواني ووصل قدام الاستراحة درس وكيف بينزل سحر بدت تبكي بصوت عالي...
.
سحر - لالا محمود متنزلش .. قتلتها اتي ..لااا
محمود - اقعدي انتي هني ..لين نجيك ماتخفيش ..
سحر - لا محمود لا ..متخلنيش بروحي ..
محمود - خلاص حبيبي تخافيش او قاعد معاك ....
.
.بعد شوية وسيارة الاسعاف وصلت وسيارة شرطة وصلت ..
محمود نزل ونزل معاه سحر ..سحر حضنته ومكبشه فيه بكل قوتها خايفه ..
.
درسو سيارت شرطة ودخلو فيسع للاستراحة
. وطلعو مريم في سرير متع الأسعاف .
.وسحر اول ماشفتها بدت تبكي بكل قوتها ...
وغرسه راسه في صدر محمود ..ماتببش تشوف .
.
. و متع الاسعاف بيكشفو ع سحر ..مخلتهمش ... تبكي تبيش حد يمسهاا ...
..
مراد - محمود خلاص تو نكملو احني الأجرئات ..انت برا ارفع سحر للحوش تستريح ..
شرطي - استاد محمود ارفع المدام سحر للحوش ترتاح نفسيتها تاعبه وغدو بأدن الله نجو نحققو معاها حني في الحوش ..
محمود - شكرآ بارك الله فيك ..
.شرطي - هدا من واجبنا
محمود - مراد مريم شن وضعها
مراد - فاقدة الوعي ضربة قويه ع راسها ..
محمود - طمنى أول بأول ...!!
.
محمود ركب سحر للسياره ولع سيارة وطلع ...
وطول طريق سحر تبكي بكل قوتهاااا ...
أﺣﺴﺎسها ﺑﺎﻟﺬﻧﺐ ﻣﺶ ﺭﺍﺣﻤﻬﺎ .... ﺧﺎﻳﻔﺔ ﻭﻣﺶ ﻣﺴﺎﻣﺤﺔ ﺭﻭﺣﻬﺎ ... محمود ﺣﺎﻭﻝ ﻳﻬﺪﻳﻬﺎ ﻣﺎقدرش .. ﺳﻴﻨﺎﺭﻳﻮ مريم لم طحت وراسها كله دم.. ﻳﺘﻌﺎﻭﺩ قدام عيونها .. ..
محمود - سحر ﻣﺎﺗﺨﻮﻓﻨﻴﺶ ﻋﻠﻴﻚ .... ﻭﺍﻟﻠﻪ ﻣﺎﻧﺘﺤﻤﻞ ﻧﺸﻮﻓﻚ هكي
سحر - ﺣﺎﺳﺔ ﺭﻭﺣﻲ ﺑﻧﻬﺒﻞ ..... ﻋﻘﻠﻲ ﻗﺎﻋﺪ ﻳﻀﻴﻊ ﻣﻨﻲ .... ﺧﺎﻳﻔﺔ ﻣﻠﻲ ﺻﺎﻳﺮ ﻓﻴﺎ ..... ﺍﻟﻰ ﻣﺘﻰ بنقعد هكي ﻭﻧﺘﺤﻤﻞ .... ﻭﺍﻟﻠﻪ ﺗﻌﺒﺖ ..... ﺗﻌﺒﺖ ونبي ﻧﺮﺗﺎﺡ .....💔
.
محمود - حبيبتي ﺍﻋﺼﺎﺑﻚ ﺗﺎﻋﺒﺔ ﻫﺪﻳﻠﻲ ﺭﻭﺣﻚ ﻭحاولي ﺗﺮﺿﻰ بي لي كتبه ربي .. ﺍني ﻣﻌﺎﻙ ﻭﺍﻟﻠﻪ معاش نخليك تبعدي ولا دقيقه عليا ..... نبيك ﻗﻮﻳﺔ ﻭﺗﺘﺠﺎﻭﺯي ﻫﺎﻻﺯﻣﺔ
.
"" سحر من كثر لبكي .. تعبت..خلاص رقدت ..
محمود طول طريق يشوفلهااا.. قريب قلبه يطلع من كثر الخوف عليهااا.. كان يلقا يحطه فسط قلبه ..ويصكر عليها .. يشوفلهاا ..ومش عارف كيف يدير يهديها ولا يهدي قلبه ولا شن يدير ...."
.
وبعد نص ساعة ... 🕧
وصلو للمزرعة ..محمود نزل من سيارة ..وفتح باب سحر ..وحطها في حضنه ونزلها ...
دخل بيها ..للفيلا ..
خديجة وفاطمه وبسمة ومنى كلهم جو يجرو ..عيونهم يلمعو ..قريب يطرو من الفرحه هدا وين ردت فيهم روح ... ❤
فاطمه - الحمدالله ع سلامتها يابابا ..ربي مايبعدها عليك ...
خديجة من الفرحه ..ماقدرت تقول شي ..دموع الفرحه عبرو ..على كل شي .. وسحر فاتحه عيونها ..وتشوفلهم ..ومش قادره تقول ولا حاجة ... خلاص تهدت
منى - ركبها .. ترتاح ..محمود باين انها تعبانه 💔
بسمه - واني تو نكلم دكتور يجي يكشف عليها ويطمنا عليها 💛
..
محمود طول ركبها للغرفة حطها فوق سرير .شويه و ناضت سحر تجري للحمام محمود مشي وراها للحمام سحر بدت ترجع ﻓﺮﻏﺖ ﺍﻟﻲ ﻓﻲ ﻣﻌﺪﺗﻬﺎ كله محمود ﻋﺎﻭﻧﻬﺎ ﺑﺎﺵ ﻏﺴﻠﺖ ﺣﺎﻟﺘﻬﺎ ... وغيرلها دبشها....
ورفعها ..للسرير ﺗﺮﺗﺎﺡ .. سحر عاودت جتها الحالة الهسترية وبدت تبكيي حاسة
بلخوف ..
والقهرة .
ﻭﺍﻟﻀﻌﻒ ..
حت هو لي صار فيها مش شوية ﺗﺒﻜﻲ ووتكلم .بصوت يرعش وجهه دابل. 💔
....
سحر - ﺗﻌﺒﺖ ﻳﺎ ﺭﺑﻲ .... ﻭﺍﻟﻠﻪ ﻣﺎﻋﺎﺩ نقدر ....
محمود - ﻫﺎﻧﺖ حبيبتي .. هانت تحملي شوية ﺣﺒﻴﺒﻲ ﻭﻛﻞ ﺷﻲ يفوت
سحر - ﺣﺎﺳﺔ ﺭﻭﺣﻲ ..بنموت ..... ﻛﺮﻫﺖ ﺭﻭﺣﻲ ...معاش متحملة ﺷﻲ .... ﻛﻞ ﻣﺮﺓ ﻧﺘﻌﺐ ﻭﻧﺘﻌدﺏ ... علاش اني بس صاير فيا هكي علاش ... 💔
.
محمود.. ﻗﺺ ﻋﻠﻴﻬﺎ ﻗﺒﻞ ﻣﺎﺗﻜﻤﻞ ﺣﻂ ﻳﺪه ﻋﻠﻰ بطنها ﺑﺎﺵ ﻳﻄﻤﻨﻬﺎ
محمود - ﺍﻟﻤﺮﺓ ﻫدي اخر مره ﻭﺑﻘﺪﺭﺓ ﺭﺑﻲ بتجيبلنا ﺍﺣﻠﻰ توامه ..... واني معاك ..خلاص من اليوم ..وعد مني مستحيل .. نخلي شي يضرك ولا نخليك تبعدي عليا .... ﻫﺪﻳﻠﻲ ﺭﻭﺣﻚ ياعمري ﻭﺗﻔﺎﺀلي خير .....حبيبي أني ﻣﻌﺎﻙ
سحر ﺷﺪتله ﻳﺪه وهيه ﺗﺮﻋﺶ ﻭﺩﻣﻮﻋﻬﺎ ﻣﺎﻛﻔﺘﺶ 💔
.
سحر - ﺧﺎﻳﻔﺔ .. محمود .... ﺧﺎﻳﻔﺔ ﻻ نخسرك .. ﻭﻧﻌﺎﻭﺩ نتعدب ﻣﻦ ﺍﻭﻝ وﺟﺪﻳﺪ ..... ﻋﻼﺵ ﺻﺎﻳﺮ ﻓﻴﺎ هدا كله .... ﻋﻼﺵ ﻓﺮﺣﺘﻲ ﻣﺎﺩﻭﻣﺶ ﻓﻲ ﻛﻞ ﻣﺮﺓ ﻧﺘﺤﻤﻞ نتحمل بعدها ﻧﻔﻴﻖ ﻋﻠﻰ ﻛﺎﺑﻮﺱ ....💔
.
محمود ﺗﻜﺎﻫﺎ ﻋﻠﻰ ﺻﺪﺭه ﻭﻗﻌﺪ ﻳﻠﻌﺒﻠﻬﺎ ﺑﺸﻌﺮﻫﺎ لين رفعها ﺍﻟﻨﻮﻡ ....
.
.
#_يتبع
بهاء الحطاب
YOU ARE READING
تألمت ثم عشقت آلامي في حبها
Mystery / Thrillerتألمت ثم عشقت آلامي في حبها >> •••كتابة أميرة العباني••• رواية ليبية 🇱🇾 منقولة
