تألمت ثم عشقت آلامي في حبها

36

تألمت ثم عشقت آلامي في حبها >> الحلقه 36

#_منقول
.
.

محمود - سحر فوت يده على بطنها و كمل كلامه .. قوليلي شني في هني .. جاوبني راهو بنهبل .. 😍 ..

" سحر قربت منه .. وحطت يدها على صبعه وبدت تحرك فيه فوق بطنها و تحكي .. ..
سحر - هني في بيبي ... و هني بيبي .. و هني بيبي .
محمود - كلهم متاعي وحت انتي متاعي ...😍
سحر - ايه متاعك .. متاعك انت وبس ..🙈
.
" سحر رشقت عيونها في شفايفه
..لفتت راسها يمين و يسار ..
و محمود ستغرب من حركتها .. تقول سرقة و خايفة لا يشوفها حد .😂
... قربت منه بسرعه .. وحطت يدها على لحيته .. وبساته علي فمه 💋
محمود . .. عيونه مفتوحه و يتبع فيها .. يشوف في صغرونته سحر تستفز في رجولته😍😍.....
مصدوم و مش مصدق انه هدي سحر ... ضحكت بدلع و كملت كلامها ...
سحر - سحر ملك لمحمود المطيري كيف ما تقول انت ..لكن يا خسارة .. غمزته و كملت كلامها .. معاش تحبك .. كرهتك .. 😌
.
قالت الكلمة و ناضت بسرعة ههههه .. خايفة لا يشدها ... و اول ما بعدت عليه بخطوات .. وقفت .. تلفتتله..تنهدت .. غمضت عيونها .. هزت اكتافها هههه ..
.
"كُن لي شيئاً حقيقياً كَالنهايات ومابعدها ..
كُن لي شيئاً مَحتوم لامفر منهُ كَالموت .."💕
.
وبدت تتكلم مع فاطمه و خديجة و دكتور .. محمود لحقها و وقف وراها و وحضن اخته منى لي قطعتله خدوده بي البوس 😙...
يسمع في توصيات دكتور و عيونه مرشوقة في بطونة سحر ... 😍 تكلم مع دكتور .. و كيف جايين بيطلعو .. محمود طبس على سحر و رفعها .💓
. و دكتور شد روحه بالسيف على الضحك و تكلم ..
دكتور - استاد محمود نبيك تريحلي روحك هالايام..
.
و محمود تعصب ههه😂.. تلفت لمدير المصحه و تكلم ..
.
محمود - والله ماهضمته بكل هالكائن .. بالله عليك طرده توا الجمعة جايه نجيبلكم اني لي أحدث منه ههههه .. 😂
.
المدير ضحك و دكتور كمل يتسهوك..
دكنور - تقدر تملى فراغك بأشياء تانيه .. مثلا ألعب كورة في صبح .. و في اليل لما تروح قول للمدام أحكيلي أحكية ما قبل النوم .😂.
مودي تبسم .. توجه للباب .. و جاوبه بدم بااااارد .. 😂
.
محمود - نحن رجال افعال و ليس اقوال .. خلي الحكايات ليك انت يامعلم باين عليك مغروم بيهم .. و بنسبة لموضوع الكورة العبدو لله أقوا مهاجم و اقوا هدف .. اهو ..العرض قدامك القول بال3 .. ضرباتي لا تحصى ولا تعد .. 😂
.
قرب فمه من ودنها و تكلم ...
محمود - ما يعرفش محمود في الميدان شن يدير😂
. .. سحر تحشمت .. و فاطمه سمعت الكلمة .. ضربته على كتفه ههههههه .. 😂
.
فات يوم عسسسسسل .. ومحمود شرا لسحر كندره بالسيف ...هوا عجبته كيف رافعها .لكن فاطمه الله يهديها .. قعدت تنقنق😂 ..
و ستدعتهم كلهم لمطعم احتفلو بالخبر ..ومحمود فرح بي جيت اخته عالاخير .. وميت بضحك على لجين لي متحركتش من حجره .. 😂..فوتو يوم بهبل و في آخره توجهو كلهم للمزرعة.....💚

دخلو للفيلا فرحنين و بالاخص محمود ههه ..
حضن لجين لي ما سيبتاش بكل .. وعيونه على سحر ..😍. وهما كيف وصلو.. يسمعو في صوت كلكس قلب الدنيا .. محمود طرم فمه طوووول ..
.
محمود - اووووووف .. شن مجيب امه هالبارد ... طرديه . طرديه .. قوليله غالط في العنوان 😒 ..
.
منى ضحكت .. و طلعت تجري .. بعد شوية وقت ..
دخلت هيه وسليم حضنها . 💓
. يضحك و في يده تانيه شنطة .
. اول ما دخل فتح يديه ..
.
سليم- حماتي العسل وفطوووم ...
و في لحضة فاطمه و خديجة مشو فيسع ناحيته .. هههه ... فرحانين برجووووعه .. .. و يتكلمو بلهفة مع بعضهم ...'
- مرحبتين .. مرحبتين بولدي الغالي ... نورتنا .. نورت الدنيا .. ..
سليم - بشويه جماعة .. بطيحوني ههه😂
.
ومحمود قالب شفايفه هههههه .. نزل لجين وتوجهله.. سلم عليه بيده .. و بدا يتسهوك ههههه ..
.
محمود - خوي مستشفاء المجانين الدورة تانيه .غالط🙄 ..
و سليم طربق بالضحك ... تلفت لفاطمه ويتكلم و يأشرله ..
سليم - هذا مازال بارد هكي !! .. حتى بعد ما كلا كيكة النوتيلا و الرمان مزال دمه رزين ؟؟ .. 😂
.
البنات طربقو بالضحك .. و حتى محمود ههه فتح يديه و حضن صاحبه بالقوي ... فرح لما شافه .. فرحته اليوم كملت .. حمل سحر و رجوع اخته صغيرونه وصاحبه .. 💚
.
محمود - تي ستاحشتك يا بارد .. يا دراه ..
سليم -أختي سحر ما نبيكش تقولي غشيناك ولا حاجه .. أهو تشوفي المشاعر عنده مديره حادث خطير .. و الدوام لله .. كلامه كله كيف خليقته😂 ههههه ..
.
ضربه بونية ..و كمل كلامه.. 👊
سليم - مبرووووووك يا دراه .. والله فرحت من قلبي ..😍 اختك مرجتني ومكركرتني من اخر الدنيا باش تلحق على الايكو ...😂
"محمود تبسم .. وقلبه خض .. حتى كلمت يبارك فيك مش قادر يقولها .. لي توا مش مصدق ههههه .. لكن عيونه و لمعتهم قامو بالواجب .. هههه .. ❤
سليم سيبه و مشي بيسلم على سحر بي البوس ..
لكن في ثانية .. محمود مد وجهه و البوسة جت فيه ..ههه ..😂😂 "
.
محمود -يا معلم في سبرنا المرا يبوسها راجلها بس .. هههه .. 😌😂
و سليم تصدم .. ورفع حواجبه و تكلم باستغراب ..
سليم - اهو انت تبوسلي في مرتي ؟؟ .. 😒
.
ومحمود مات بالضحك .. حك لحيته و جاوبه ببراده ..
محمود - لما انت مش راجل .. شن عندي بنديرلك ههههههه👊 .. اني البوس ما نحبااش ما نطيقاش ..
مدله خده و كمل كلامه .- بوسني اني .. و توا اني بعدين نوصللها .. تلفت لسحر و غمزها .. ثقه راني تهنا . توا نوصللها البوسات كاملين و فوقهم حويجه😂😂
.
هما يتكلمو .. و يسمعو في صوت خطوات ثابتة يعرفوها ملييييييح ..
فاطمه و سليم تبسمو .. فاهمين القصة .. لكن محمود تلفت للباب باش يشوف من جا .. يستنا باش يوصل و يعرفه .. يشوف في خيال مش غريب عليه .. يعرفه مليييح .. ثواني معدودة و الشخص وصل ..
و هني كانت الصدمة .. مختار المطيري بشحمه و لحمه واقف قدامهم .. .." 😳
محمود عقد حواجبه .. يسمع في سليم يقوله..
سليم - نسيبي الغالي تي خش ولا متحشم ؟؟ .. 😂
.
محمود تلفت بعيون تقدح نار لي سليم .. 🔥.
.
وسحر قلبها طااااااح .. تخلعت .. عيونها فيسع ما دمعو .. وخرت خطوتين .. و تخبت ورا خديجة و فاطمه ..
شدت في يديهم الاثنين بيدين ترعش .. و بدت تدور في راسها يمين يسار .. تستنجد بعيونها في منى و خديجة و فاطمه .. و رموشه ترمش بسرعة ..
حركة دارتها شقت قلب محمود في ثنين 💔
.. لدرجة هدي ما عندهاش فيه ثقة ..؟؟
الهدرجة مش مأمنتله..؟؟
.. اول ما خافت جرت و تخبت وراهم هما مش وراه هوا !! ... و هوا كان واقف أقرب منهم ليها 💔
.. العيلة كلها متحامية في ضله .. عيلة كاملة بكبيرهم بصغيرهم كلهم متحامينن بيه .. حتى بوه مختار .. لما طيح بيه يلقا في محمود بس .. طول عمره كان سند ليهم و لغيرهم .. هههه و مرته !! .. مرته و ام صغاره ما عندهاش ثقة فيه ؟؟ 💔
..بدل ما تشد يده هوا .. شدت يد غيره ..!!
.. نسا بوه و نسي الناس كلها .. لقطة لي درتها سحر قتلته و دبحته في نفس الوقت .. متأكد أنها خايفة 💔 علي خاطر . الانسانة لي واقفة قدامه شفافة لدرجت انه كل حركة ديرها تكون طالعه من القلب و تتحكم فيها مشاعرها فقط .. و من حركتها فهم خوفها .. 😔
.
تبسم بوجععع .. طبس راسه .. هرب عيونه... و بدا يتكلم... ..
محمود - علي ما أعتقد المكان هدا ما يرفعناش كلنا .. تلفت لسحر و غمزها بعينه .. إحني ماشين م...
.
و قبل ما يكمل جملته سمع صوت ثاااااااابت تكلم .. صوت عذااااااب .. لي يسمعه يقول هذا صوت محمود ههه .. ❤
مختار - مافي حد طالع من هني هدي المزرعة متاعي وأني نحكم من يطلع ومن يدخل تلفت لي مراد لي واقف وراه وكمل كلامه ...قول للبواب يسكر باب الفيلا .. و لي يطلع يطلق عليه الكلاب ... او يضربه بي المقرون على رسه بلكي عروقه تتسرح ... 😡
.
" ااااعععععع .. مختار المطيري يعوووود و بقوة ههههه 😍😍😍... عطاه نظرا ترعب مخلطة بلمعة خبث ههه .. فات من بجنبه و ضربه بكتفه ههههه ..ويمشي بكل فخر .. لبسته تقتل .. سروال أسود ..بيل صوف علي شكل ثلج .. تحته سوريه .. و فوقه كبوط أسود كاشمير .. الرجل ستيني 😍... وجماله وشخصيته مايفرقو على محمود في شي .. فقط زايد عليه بي خصلات الشيب .😍
.
دخل و قعد فوق الكنبا ...و خديجة تبع فيه بعيونها و داخت من جماله .. وجها احمرر ... و عيونها يطلعو في القلوب و تتبسم من غير ما تشعر ... 😍
و فاطمه فرحت عالأخير .. و قربت بتسلم عليه .. لكن منى وصلت قبلها .. جت في حضنه تبوس فيه و تبكي ... 😍❤
منى - بابا .. يا روحي .. يا عقلي .. يا عيوووني . ستاااحشتتتتك اني . ستحشتك ... 😭
" .. تبكي و تمسح في دموعها في لبسته ههه هه .. و هوا يسكت فيها "
مختار - ليش البكاء .. اني قلت تزوجت و كبر عقلها و كبرت .. و انتي لي توا تبكي ... لي توا صغيرونة ..😅
.
و منى زادت قوت في صوت البكاء ..و سليم حاول يلطف الموقف علي خاطر حاسس الجو مكهرب ..
.
سليم - غشيتوني عيلة المطيري .. بتريس بضاعة صينيه .. اليوم و طوله وهيه تبكي .. تبسم و غمزها .. مش فاهم اني بعد 9 شهور توا بيولي عندي ولد يبكي .. ههههه .. هلبا عليا 😂😒✋
مختار ضحك 😂 .. وفوت يده بحنية على بطنها لي مازل مش باينه بكل .. و كلهم شهقو وتكلمو في نفس وقت .. حتى سحر و محمود هههه .
- منى حامل ؟؟😍
.. ااااعععع .. منى غرست راسها في صدر بوها ... تحشمت .. و مختار نفخ صدره و تكلم ..
مختار - ايه بنوتي صغيرونه حامل ..
رفع راسه و شاف لمحمود .. بنتي مديرتلي حساب و قتلي أني أول واحد .. حتى قبل راجلها ... ثمرت فيها ربايتي .. 😌✋😏
.
محمود فهمها طوووووول .. و نفخ بعصبية .. أعصابه من أول ما خش بوه متشنجة .. وزيده أكثر حاجة يكرها تلويح الكلام .. شافله علي جنب نظرة عتاب ... 💔. الجو قاعد يتكهرب ... فاطمه حاولت تهدي الوضع .. تبسمت وجت بتتكلم .. و محمود عطهاها نظرا بعيونه باش تسكت .. يبب يحرمه من الخبر هذا .. وفاطمه فهمته معدلتش عليه ههه .😂. و تكلمت ...
.
فاطمه -مشاء الله يا حاج مختار . حت سحر حامل.. و و3 صغار .. عيلت المطيري قاعده تكبر ما شاء الله .. محمود جايينه 3 صغار .. ربي كريم و فضله واسع ..👐
.
اااااه .. ااااه .. اااااه يا فطوم ... كلماتك ديما زي العسل .. عسل نزل على قلب مختار لمجروح من ولده .. مسكين قلبه ضرب ضربه قريب يطلع من مكانه 💓 ...
عيونه في لحضة تعبو دموع الفرح ... و يديه رعشو من قوت الاحساس ..رفعهم و هما يرعشو و حطهم فوق قلبه لي بيسكت من قوة الضرب .. حطهم فوقه و حاول يهديه باش ما يفضحاش قدامهم .. طول عمره قدامهم مختار القوي .. لكن لا .. هالمرة دموعه خانوووووه .. دمعتين نزلو يحرقو من عيونه فضحوه ..
و رعشت ايديه لي الكبر بان عليهم و التجاعيد ترسمو فوقهم فضحوه ... غمض عيونه مسكين من قوة الاحساس... عيونه لي يحرقو فيه بالدموع لي في وسطهم .. بلع ريقه بالسيف ... و تكلم بصوت يرعش من الفرح .. ❤
.
مختار - الحمد لله .. الحمد لله يا ربي .. اني طلبتك و انت خديت بي دعوات عبدك .. الحمد لله يا رب .. عبدك الضعيف طلب و انت لبيت دعوته .. الحمد لله .. الحمد لله .. توا نقدر نموت و اني مطمان ..👐
.
كلمات دغدغت قلوب الحضور كلهم .. كلمات من شدة صفاءهم و صدقهم خلو دموع خديجة و سحر ينزلو من غير وقت ...💧
و خلت قلب محمود ينقبض من الكلمة الاخيرة .. 💔 كلمة يكرها لابعد الحدود ..💔 "توا نقدر نموت" ... هوا يحب بوه .. و مستحيييييل يتقبل فراقه .. مهما كسح قلبه عليه .. لكن يرجع كل مرة يحن .. صح بعد عليه .. لكن في الواقع هوا ما بعدش ولو حتى ل 10 دقائق .. عيونه كانت ديما على بوه .. روح قلبه ...❤
.
كلمة خلت عيونه تولع من جديد من العصبية .. ينفخ و ينطق من غير ما يشعر ...
محمود - بعيد سوء عليك .. اخر مرة نسمع هالكلمة على لسانك .. 😡
قال الكلمة هدي وطلع ينفخ في الجنينة لبرا ... و خلاهم في الفيلا .. كلهم دايرين بي مختار لي تأثر أكثر من اللازم بالخبر .. ما عدا سحر لي ستغلت الموقف و هربت الفوق ... تخبت في غرفة فاطمه و لفت يديها على بطنها... متأكدة أنه صغارها هما أمانها توا ..💙
اليل نزل و النفوس هدت شويه .. و خديجة و مختار قعدين يفنصو لبعضهم .. و فاطمه في وسطهم شادة حكم باش ما تنوضش الحرب العالمية الثالثة بينهم 😂..
و منى و مرت مراد طلعو بجنب سحر .. هدوها .. و بعدين منى عطتها عدة الشغل 😈😈
.
. .منى. جابتلها ارواب ولبس يقتللل😍... و جابتلها معاهم حاجة ووو تجنن 🔥 .. مستحيل تخطر على بال حد 😈😈.
..جابتهم خصوصي علي خاطر سحر طلبتهم و وصتها عليهم ههههه ...😂
سحر اعلنت من جديد الحرب يا بنات 😈😈.
..وو محمود هوا العدو 😆.. ههههه .سحر. حضنت كيف لبنوته الصغيرونة الهدايا المنحرفة 🚫😂
لي جابتهم منى .. و انتبهت إنتباه كلي للنصائح الثمينة متع مرت مراد و منى 💡
.. نصائح لتربية الرجل الشرقي العصبي 😈😈....
. نصائح تجيب أي راجل للسراط المستقيم .
.. (ههه .. فكروني توا نقوللكم عليهم بعدين في قروب بروحنا يابنات 😎)...
.
بعد ما كملو إجتماعهم المغلق .. لبسو و تزينو و نزلو للكوجينة باش يصنفو .. سحر خاطرها في تارت بالبشاميل🧀 ... و منى خاطرها في شكشوكة محرحرة .. 😂 و بسمة بتطيب عشاء للعيلة كلها و أكييييد هما بيسعدوها ....
.
اما شباب ... مراد و سليم .. طلعو يحاولو يقنعو محمود انه يقعد و ما يمشيش لي ولا مكان تاني و يحاول يتكلم مع بوه .. و محمود كالعاده متعصب ويغلي ..حاولو يأثرو عليه و يهدو اعصابع .. لكن ما قدروش بكل 😂
.. و العكس هوا لي صار ههه .. محمود هوا لي فددهم بي عصبيته واخلاقه الزفته والمعقده 😂
.. كانو يضحكو .. طلعلهم دم لي روسهم و السكر و الملح و كان لزم دقيق و ههه ..😂😂
.
.
#_يتبع

بهاء الحطاب