تألمت ثم عشقت آلامي في حبها

11

سمعت باب غرفتها دق جاوبت بصوت تااااعب "ادخل "
.
سمر - سحر ... سملة على وخيتي ... ..خيرها حالتك هكي .. خليتك تمام شن صار.. يا ناري حت حراره 😰
.
سحر جاوبتها بغصة و قهرة كبيييرة - تاعبة يا سمر تاعبة ..
نحس بي وجع في قلبي بيقتلني ..💔
.
سمر- سملة عليك .. تبي نكلملك الدكتور ..؟؟
.
سحر - منضنش يلقا دوا لي حالتي .. سكتت شويه و كملت تحكي ... متخافيش تاعبة.. أكيد بنمرض .. بالله عليك أقعدي بجنبي ..💔
.
سمر -باهي حاولي ترقدي سلم وخيتي أهو قاعده بجنبك ... سمر قعدت تمسح على شعرها- و تشوف فيها كيف تبكي بحرقة و مش فاهمة شي💔
.. لكن متأكدة انه صارت قصة وصلتها للحالة هذي...
_______________
.
فاتت ليلة صعبة على الناس كلها ..💔
ما عدا زياد .. 😂
.
بايت ليلة كاملة يتبسم و يتفكر في سحر و جمال سحر و عيون سحر لي قتلته بنضراتها الذابلة ..
بايت ليلة كاملة يستنى بالدقيقة والثانيه في طلوع الشمس ...
.يتخيل في المقابلة كيف ح تكون و يفكر في الكلام لي بيقوله لي سحر.
.أول مرة يحس بالشعور هدا..
.. أول مرة مرا تملاله عينه و تقدر تهز عرش قلبه ❤ ..
.
زياد عمره ما كان شخص هوائي ...
بالعكس.. هو راجل رزين في حياته و يعطي قيمة لأدق التفاصيل...
بالنسبة ليه العلاقات الثنائية لازم تكون علقات مدروسة باش تقدر تنجح ....
والعلاقات الوقتية بالنسبة ليه هي محاولة ناجحة لتدمير النفس..👌
.. أصل هو معنداش وقت ليهم ...
قضاياه وأشغاله مش مخلينله وقت باش يتنفس ..
.
.يعني يوم لي يفكر باش يعطي لي مرا مساحة في حياته و يكرسلها جزء من وقته فهي { أكيد مرته ... ❤ }

وقته حاجة غالية و مش مستعد يضيعه معا لي يجي...
و سحر هي المرا المناسبة لي تستحق تملك وقته و قلبه و تسيطر على كيانه..❤
ههههه كمية الفرحة لي حاس بيها كبييييييرة لدرجت أنه ما صبرش و بدا يحضر في أوراقه و للمرافعة لي بيترافعها ..😂 لازم يطلقها في أسرع وقت .. 🕚
____________________
.
فات اليل و طلع يوم جديد ... ⛅
.
محمود ناض جسمه مكسر من العصبيه متع البارح ..
ناض بالسيف خدا دوش ونضم أموره ونزل باش يفطر مع العيلة ..👉🏻
.
هو وصل لي طاولة الفطور تصدم 😶..
محمود - خير أمك بايت تحلم بينا !!
زياد - ووواك شن هالعصبي ... 🙄..صبي صبي عصير يا خدوجة راهو ولدك خلالي الكبدة ممروجة ...😒
.
مدام خديجة تحط في الفطور لزياد و تضحك .😂
كل مايجي يبدا يتسهوك على محمود و يجلطهم بالضحك هالبارد ههه 😂
.
محمود - في حد قالك قبل أنك دمك رزبن ☹ !!
. محمود يحكي معاه ورافع حاجبه .. مصدوم في وقاحته
.
زياد - أهو نسمع فيها تو من عند واحد ماسط و بارد والأهم من هدا عصبي😏
محمود - يا ولدي شني مجيب أصلك من صبح☹. بعقلك انت ننزل 8 متع صبح باش نفطر في حوشنا .. نلقاك مادد وجهك على الطاولة !!!! 😶
.
زياد - إيه بعقلي ...وجو تمام مالاخير.. وهدا يدل على حاجة يدل على إني إنسان منضبط .. و لما تبدا عندي قضية النوم يطير من عيوني و قلبي و مخي يتبرمجو معاها .... 😌
زياد كمل كلامه و عطاه تبسيمة تقهر و معاها غمزة عذاااااب ...😉
.
محمود - يتبرمج معاك إبليس إن شاء الله ... 😶
هدا حوشي مش الشركة يا بابا .. على ما أضن عروق مخك نضربت و غالط في الخريطة ..🙄
.
زياد - آه يا صاحبي آه ... من اليوم نبي نقولك أن يربطني بي حوشك حاجة قوية .. حاجة عضيمة ... 😍
.
محمود - عضيمة 😒. تفضل أفطر ... و تفضل إقلب وجهك ... نشوفك في الشركة و الحوش هلبا عالحمار 😐
.
زياد - هههه يا سيد حمار نبي نقولك هدي اعصابك مش جاي لي واحد بارد زيك ... بالله عليك إفهم غبأك جلطني .. 😂 حبيبي أني أنسان مهم و عندي موعد مهم كيفي .😌.
خدوجة بالله عليك ناديلي لي سحر خليني نتصبح عليها و نطلعو ... وجه ولدك يجيب الفقر ...😏
.
محمود سمع إسم سحر ضربه الغيره و تفكر إنهم اليوم بالحق عندهم موعد وطالعين مع بعضهم ...💥💣
.
أضاايق..💔. قعد يفطر وهو ساكت ويهز في رجله بتوتر في الوقت لي خديجة بعثت تنادي علي سحر ..
.
سمر - صباح الخير يا جماعة .. مدم خديجة حبيت نقولك أن سحر مريضة و مش ح تقدر تجي 💔
.
خديجة ضربت على صدرها و سإلتها بحيرة - خيرهااا يا سمر.. آمس كيف الوردة المفتحة😦.
.
سمر - يمكن بدايت برده
.
خديجة -حليلي على بنيتي .... الله غالب ي زياد وليدي مش كاتب اليوم .. أن شاء الله يوم تاني
.
زياد - لا عادي ربي يشفيهاا وينوضها بسلامه😔
.
زياد طلع فادد ... لي فكر فيه البارح و حلم بيه ليلة كاملة طاح في المياء 💔..
و محمود هدا وين حس بالإنفراج ههههه ..
ونضرته لي كانت من دقيقتين نضرت خوف و توتر فيسع ما تمحت و عوضتها لمعت انتصار هههههههه 👌😌
.
محمود فطر فيسع وناض يمشي بخطوة خفيفة و واثقة ...و كيف العادة حاطط يديه في جيوبه. 😂
... راسم بسمت تحدي على شفته و متوجه لي غرفة سحر ....😎
________________
موديييي ... مودييي .. (محمودي ) .... أول ما شافاته رجليها الصغيرونين - رفعوها طول ليه... مدايره مجهودها باش توصل و تعنكش فيه ... 😍
و هو أول ما شافها رفعها لفوق ...
ودار بيها دورة كبيييييرة في الهوا ...
و بدا يلعب بشعيراتها لي لونهم من لون الذهب ..
. محمود وين يشوفها قلبه يدق و يولي بيطير بالفرحة ..
. و حتي هيه حالها ميختلفش عليه ...❤
.
محمود بالنسبة ليها هو الدنيا و ما فيها ...
تحبه حتى أكثر من بوها مراد ..😍
.
ترمت بين يديه و بسته 😘
لجين- زعنانه (زعلانه ) أنا ... تحكي و غارسة راسها في رقبته و تتبسم😍
.
محمود - ممممممم ... و ليش زعلانة العصفورة 😍
.
لجين - كتلي بنسريلك كليب تلا و كتلي بنمسو لهلهي و كزبت عليا 😢..
الترجمة ( قتلي بتشريلك كريب بالنوتيلا و وقتلي بنمشو للملاهي و كدبت عليا )😂
.
محمود - ممممم ... ولي يطلب حاجة يطلبها بطريقة هذي !!!... قربلها خده ورفع حاجبه يستنى ...😉
.
و هي طاحت تطبعله في هلبااا بوسات 💋
صغار على خده و تضحك 😍
محمود -ساد هكي .. قتلتني بالبوس😂
. نزلها وقللها - قولي لميمة تبدلك دبشك اليوم بنفدلك طلباتك ... 😚
.
لجين - ياااااااا ... مرثييييي مودي (مرسي محمودي) ضحكتها عبت القصر كله و بدت تجري و تنادي - ماميييي ... ماميييي....
.
لوجين جرت شوية و بعدها تلفتتله و عيونها فيسع ما تعبو بالدموع ..😢
لوجين - متكليس تتهلب عليا ... ( متقوليش بتتهرب عليا ) ... 😢
محمود- عاجبك تو... يا بنتي بري بدلي علي مهلك وتعالي.. والله نستناك ...😅
دوح راسه و قال - قدرك طاح يا محمود ... الفرخة ولت تكدب فيك ههههه. ..😂
.
كمل طريقه ويضحك على لجين ... وصل لي غرفة سحر دقدق و دخل ...
.
أول ما دخل قلبه وجعه عليها
..يشوف فيها كيف راقدة في السرير.. وجها طافي و عيونها دابلة .. 💔
..
سحر - صباح لخير استاد محمود ... قالتها و هي مطبسة راسها ..
مش قادره حتى ترفع عيونها فيه ...💔
.
محمود - صباح النور .. جاوبها بنضرة كلها خبث و بسمة مش مفهومة على شفته
.
سحر - تبي حاجه أستاد محمود ... سامحني مريضة ... مش قادره نطلع.. بالله إعتدرلي من أستاد زياد ..
.وقوله ان شاء الله غدوا كان فاضي 👍
.
محمود - لا انسي ... لا في طلوع لا غدوة و لا بعد غدوة و لا حتى بعد 100 عام ...😏
و امسحي على الطلوع مع زياد و مع غيره. تبي توكيل نوضي إلبسي تو نرفعك أني..☹
.
سحر - ن ... ن .. نعم !! كيف ... 😳
.مسكينة قلبها تقبض في صدرها من الفرحة .
. كلام محمود نزل عليها كيف البلسم..💨❤
.
رفع حاجبه و تكلم بصوت خشن ...
محمود - قتلك هي نطلعوو ... ولا ما خاطركش ؟؟؟ 😌
.
محمود - لا خاطري .. تحشمت و طبست راسها طول ...

.محمود قدم منها و يتبسم في بسمة مش مفهومة ..
.
طبس عليها و هي في مكانه...
سحر .مسكينة قلبها بيوقف ...💥💓
و الريقها جف من كثر قربه منها ...😳
و زادت عليها ريحت برفانه 💨😍
.
.. غمضت عيونها حست الدوخة لعبت عليها في نفس الوقت ... 🙈
.
محمود قرب وجهه من رقبتها أكثر ... 😍
حط رسه علي شعرها ... بعده بيده بحنية و طبع بوسة حنيييييينة علي رسها 💋 😳
.
سحر.. صعقه 💥 ضربة في قلبها ❤💣
.
محمود قرب لودنها وتكلم بصوت أقرب للهمس💤
.
محمود - آخر مرة تدخلي لي غرفتي من غير أدن.....💣👌
.
.
#_يتبع

بهاء الحطاب