تألمت ثم عشقت آلامي في حبها

52 اخيرة

تألمت ثم عشقت آلامي في حبها >> الحلقه 52 ( الأخيره )

#_منقول
.
.
محمود يخطط في مفجاء لي سحر ...😍
محمود.. ..فهمهم شن بيديرو ...
وبعدها كلهم روحو ... ومحمود دار مكلمة
....وبعد 10 دقايق 🕧 رجع لي غرفة سحر ...
.
واول مايدخل يلقا سحر ...😳
نايضه من مكانها ومقعمزه ع الطاولة ..وتاكل في الحلويات وشكلاطه .. غاطسه كلها😂
.
...وفي يدها الكنيوله متع التغديه ...😳
منضرهااا يضحك عالاخير... 😂

.
قعد يراقب فيها من بعيد ...الله قداش ماستحشهااا ..وستاحش تصرفاتها طفولية ...
.
محمود قرب منها وقف وراها ...وسحر مش منتبه بكل غاطسه في شكلاطات ... 🍫
بعد شويه سحر كملت وناضت وقفت وخدت في يدها طرف شكلاطه ..وكيف بتتلفت وراها ..
..خبطت في محمود جسمها كله لصق فيه
... محمود قعد يشوفلها وهو يضحك ..وقرب راسه من راسها ..وحط يده ورا ضهرها ..
. ورفع يده حطلها شعرها ورا ودنها ... وسحر تحشمت وخشت بعضها ... 🙊
محمود قرب يده من فمها ... ومسحلها فمها لي ملبز بشكلاطه بيده ..😂💕
.
محمود - وين هاربه
سحر - اش هاربه 🙊
محمود - مم هكي كليتي شكلاطه كلها ..😂
سحر - لالا كليت طرف وااحد بسس😔
محمود - ايااه قصدك 10 طروف .. 😂
سحر - أني كليت طرف واحد بس ..وهما كلو لباااقي ..
محمود - من هما ... 😳

سحر حطت يدها ع بطنها ..وتكلمت بصوت دلع ...
سحر - صغارك مودي .... اش انا 🙊
محمود عضها من خشمها ..😬 وقرب ليها اكثر ..
.
محمود - نكلك انا ...ياعيون مودي ...😍
سحر - موووديي ...🙊
محمود - ستااااااحشتتتتتتتتك .. 😔
سحر - ليش مشيت وخليتني ... 💔
محمود - وعد معاااش نرخيك بكل ولا لحظه معاك ع طول العمر ..❤
سحر - نحبك مودي .❤
.
محمود قعمز ع ركبه ونص ... قدامهاا و طلع باكو صغير ع شكل قلب ..
محمود - سحر نبي نكمل عمري كله معااك ..😍 وتكوني معاي وليا طول العمر ..
.
سحر شافت محمود و هي فرحانه ومش عارف شن تقول ...😍
محمود - سحر تتزوجيني .. 😌
سحر قعدت تضحك 😂
سحر - هههه ...ع اساس توا مش متزوجين مودي 🙊
.
محمود : اي متزوجين بس مدرناش عرس كيف ما انتي تبي .... بنرجع نسالك تتزوجيني ..😍
سحر : اي ..موودي ... موافقه ... مواافقه 🙈❤
.
محمود ناض لبسها الخاتم ... 💍
و هوا طااير من الفرحه .... وحضنهااا بقووووة ...❤
.
فات الوقت بسرعة ..
محمود طول ليل ساهر هو وسحر يهدرزو ..🙊
ومرقدها في حضنه ... 😍
و راقد معاها في السرير الفردي متع المصحة😂
.. منضرهم يهبل 😍 ...
.
الساعة 8 الصبح .. 🕧
دكتور خش لي غرفة سحر لاقي محمود و سحر راقدين جنب بعض ..😬💕 ضحك عليهم وطلع مباش ينوضهم ... 😂
..
.
الساعة 9 ونص 🕧 ..
مختار وفاطمه وخديجة ..وصلو للمصحة ..جايبين معاهم فطور .. وجايين باش يطمنو ع سحر ...
.
اول مادخلو للغرفة .. لقو محمود وسحر في سرير قاعدين راقدين 😬
.. مختار وجهه بدا احمر تحشمم ..😂
طلع من الغرفة .و. قال لي فاطمه نوضيهم تو نجي ..😂..
.
فاطمه تضحك ع محمود وعيونها يلمعو .. رقدته تهبل .. هالراجل ...😍
فاطمه قربت منه وبدت تدف فيه بشويه من كتفه ..محمود فتح عيونه طول ...
فاطمه - صباح الخير .. 😒
.
محمود تلكمس تحشم فتح عيونه لقي خديجة وفاطمه فوق راسه ...😂 ناض فيسع ..وسحر فاقت ..
.
محمود - صباح الخير .. امت جيتو ... 😳
خديجة - صباح الخير يابابا .. كيف حالكم اليوم وكيف حال عروستنا ...😍
فاطمه - اهو باين حالهم مليح .. يحسبو روحهم في الحوش .. 🙄
محمود - وين نهرب منك امي فاطمه .. حت في المصحه لحقتيني .. 😒
.
فاطمه - وراك وراك ..وزمن طوويل 😂
.محمود دخل للحمام يضحك ..ويغسل في وجهه ..ومختار دخل لي لغرفه .. ..
.
مختار - صباح الخير بنتي ..كيف حالك اليوم ..
سحر - الحمدالله بابا اكويسه بخير ..
مختار - هي عاد شدي روحك ..ونوضي بخير باش نفرحو بيكم ..
سحر - ان شاء الله ☺
...
محمود - صباح الخير بوي ..
مختار - صباح نور ... هي نوضو افطرو اكيد احفادي جعانين ..ويراجو في الفطور .. 😄
محمود.- اكيد احفادك وامهم .. 😂
.
سحر ناضت غسلت وجهه .. وناضت فطرت هيه ومحمود مع بعض .. وبعدها محمود جاته مكالمه ..استادن وناض طلع برا الغرفه رد ...
.
محمود - صباح الخير ...
منى - صباح نور ياعريس ..
محمود - شني كل شي جاهز ..
منى - كل شي جاهز كيف ما طلبت هههه .. 😂
محمود - تمام صغيرونتي
منى - امتى تطلعو من المصحه ابعتلي رساله .
محمود - تم ..
.محمود كمل مكلمته ورجع للغرفه ..
وبعد شويه دخل دكتور ...
.
محمود : صباح الخير دكتور
دكتور - صباح النور استاد محمود ..ان شاء الله تكون ارتحت في نومتك 😬
محمود : هههههه راحه كااامله ..😂
دكتور- مدام سحر ..وراقي الخروج جاهزات تقدر تطلع .. وعندك مراجعة الاسبوع جاي ..
سحر - شكرآ دكتور ..
.
.سحر غيرت حوايجها .. ومحمود مشي كمل الاجراءات .. وطلعو كلهم مع بعض ..
.
خديجة وفاطمه روحو مع مختار ..وسحر مع محمود ..💕
محمود طول طريق يغني لي سحر ..كل مره يغنيلها اغنية ..مره رومنسيه .. ومره مرسكاوي .. ومره اجنبي ..😂
. وسحر ميته بضحك ..وفرحانه عالأخير ...🙊
.
محمود - نحبك ونغير دبرلي كيف يصير .
نبيك تكون حبيبي جوبني مالاخير .. 😉
نحبك مافوق الحب ودرتك الأول وتوب ..😍
راني لو قلت نحب معنها شي كبيراا ..😌
معنها أنت وبس قسملي روحي نص 😉
تبعد فيا النفس والعقل بلاك يطير ..😍
.
سحر - ههه وو😂😂😂
محمود - الحق فيا اني نغنيلك وانتي تضحكي 😒
سحر - طلعت فنان واني منعرفش .. 😂
محمود - ياعيوني ع خاطرك نكون فنان وطباخ ولي تبيه كله 😉
سحر - ياااحليلي 🙊
محمود - ياحليلي اني ..غير نعلق عليك بس 😍
سحر - موووودي ... 🙊😂
محمود - يااعيون وقلب وروح مودي .. 😍
سحر - اي حقه هدي مش طريق المزرعه .. وين ماشين حني .. 😓
محمود - مكان تاني تو لما نوصلو تعرفي ..
.
.
بعد نص ساعة 🕧
وصلو ..لي مكان الباب متعه مرش كبير وراقي ..
محمود - هي انزلي هي .. 😌
سحر - متع شني المكان هدا محمود ..😓
محمود - ارفعي رسك فوق واقري شن مكتوب ..
.
سحر رفعت راسها فوق وشافت لفته كبيرة مكتوب عليها
.
#مركز_باربي_للتجميل_والعناية_بالبشره_وتجهيز_العرائس 👑
سحر - ليش جبتني هني باهي ..!!
محمود - الان اليوم عرسنا ..واليوم لازم تكوني احلا عروسة في العالم كله 😌
سحر - حقه .... خلاص يعني اليوم بنلبس ابيض 😍
محمود - اي اليوم عروستي بتطلع من هني ..وبتلقا عريسها يستنا فيها ..ع احر من جمر 😍
سحر - نحبببببك محموددي نحبببببك ..
.
سحر من الفرحه ..طول قربت منه محمود ... وحضنته وقعدت تبوس فيه من خده 💋💋😍
محمود - ههه مهبولتي هي انزلي خير ماروح بيك تو ومايصرش من العرس ..😂
سحر - باهي كيف ندير ... منعرفش نتصرف بروحي ..
محمود - انتي انزلي وقوليلهم اني مرت محمود المطيري بس وهما تو يتصرفو ..😉 .
.
.سحر نزلت من سيارة دخلت لي مركز تجميل ...ومحمود مشي عنده شويت حاجات الازم يكملهم ... ..
سحر اول مادخلت لقت منى داخل تستنا فيها ...فرحت عالاخير ..وحضنته وهدرزو شويه
وبدو في جلسات😍
..
اول شي دخلوها لي حمام بخاري .. حمام عرايس يجنن كله مزين بي احلا وارقي ..انواع الشموع والورد ...
وخدت ساعة استرخاء .. باش تنحي توتر .
.وتدليك ووبعدها بدو في اقنعاء للوجه .. ..
.
مع ان سحر والله ماتحتاج لي هدا كله ..😂
لكن من المرض وتوتر .. والأرهاق .. لازم تستريح شويه ...
.
بعدها جت الحنايه درتلها نقشات يجننو
..في رجليها ..وفي يديهاا ....
.
وبعدها دخلت لي مرحلت المكياج
بنت خبيرة في عالم المكياج والموضه...
درتلها ...مكياج راقي هلبااا.. يجنن 😍
.
وبدو دقايق العد تنازلي ... .
الساعة 6 المغرب بزبط ...⏱
.
في الوقت هدا محمود كيف وصل قدام المركز ومعاه لجين في سيارة
ووراه زوز سيارات ..
.سيارة سليم ... وسيارة مراد ومعاه بسمة ...
.
ومحمود درس سيارة قدام مركز تجميل .. ونزل ...
ووووو ... وووو😍 عالجمال ..وعالرجولة ..
.وعالشخصية ...وعالهيبة ..لي فيه 😍 يجنن ياناس ...
.
لابس بدلة رسمية ... لونها ابيض ... اي متستغربوش .. البدلة لونها ابيض كلها حت سورية لي من داخل لونها ابيض ... ..😍
لان من لما عرف سحر رجع للحياء وردت فيه روح
...وقلبه الابيض رجع ..قلبه لي الحنين رجع هو محمود طيب الحنين ... .
. الان قبل مايعرف سحر ..قلبه كان اسود من الحقد والغل والكره لي فيه ... بس تو لا رجع محمود القدديم❤
.
البدلة تجنن يمكن هدا اكثر يوم طالع جداااب وحلو فيه ..البدلة مفصله ع صدره العريض ويديه ... لي منضرهم يهبل ...وكتوفه العراض ...وطوله لي يهببل ...والحية لي زايدته جمال ورجولة ...😍
.وشعراته السود ... وعيونه لي يلمعو من الفرحه ... كانه عيل صغير وفرحااااان ..بطير ...
.
نزل من سيارة ..بخطوات ثقيلة ...ووع المشية والثقة ياناس ... 😍❤
.
ولا سيارة اخر موديل تجننن حت سيارة لي جاي بيها اليوم بيضه ..ومزينة بي الورد طبيعي الأحمر ... تهبببل ..
.
محمود نزل مشي وقف قدام الباب متع مركز تجميل ... يراجي في عروسته ...❤
.ومراد نزل حت هو من سيارة ..وفتح الباب لي بسمة حت هيه نزلت دخلت لي لمركز تجميل ... وسليم حت هو نزل ..وكلهم مشو وقفو بحد محمود ...
وكلهم طالعين يهبلو مراد ..وسليم .. ماينقصو شي ع محمود ... مشاء الله لا قوة ال بالله 😍 عليهم ..
.
.
في الوقت هدا ⏱
بسمة دخلت لي المركز ..ودخلت لي الغرفة متع تجهيز العرايس .. ووو اول مادخلت قعدت تقول في قلبها مشاء الله مشاء الله ...خايفه تضرب سحر بلعين طيرهااا 😂
.
بجد سحر اليوم طالعة طلقة روسيه ... لا صروخ ..😍
.
سحر واقفه ع المرايه ..وتتأمل في روحها .
.. فيلو خياااااااال زي متع البربيات ومتع القصص👸 .
. الفيلو لي تحلم بيه من وهيه صغيره ... 👑
واخيرآ جا اليوم لي تحقق حلمها ...
..
الفيلو لم تلود يلود معاها من كثر ماقمشته خفيفه وراقيه ... ومن الخصر لي لوطه مفوج كله ومن خلف طوويل ...
لمهم تصميم خيال ...😍
.
.تاج ملكي مرصع بي المجوهرات ...
كندرا تجنن مرش كلها ومرصعه بي مكعبات صغار يلمعو ...
تسريحة تهبببل في شعرها الأسود ..😍
وتاكم سنسلة وخرسات
... و رقيق لكن لمعته تشوفيهاااا من بعيييد ..😍
.
.وسحر خدودهااا ورديات من كثر الفرحه وعيونهااا.. يضحكو .. يالله مااحلاهااا ..💗
.
بسمة - مشاءالله ... 😍 تهبلي تبارك الرحمن عليك ..
سحر - تسلمي ياروحي 😍 .. حت انتي طالعه تهبلي ..
منى - شنى محمود وصل ...
بسمة - ههه واصل قبلنا ... واقف ع لباب كان يلقا يخش 😂
سحر - متوتره يابنات ... 🙊
منى - لازم منه خناق العريس هدا ... 😂
بسمة - خليك ريلاكس ..وستمتعي بي كل لحظه ..ليوم هدا يومك ...😙
منى - هي اطلعي محمود قريب يخش داخل ..😂
.
.
طلعو لبنات لي جنب لباب بس مازل مفتحوش لباب
..بسمة كيف بتفتح لباب مشت منى تجري صكراته ...
بسمة - خيرك .
منى - بنتنا منعطوهاش ... بساهل خلي نفددوهم شويه 😂
بسمة - ههههه 😂 شن بديري
منى - اصبري ...
.
منى طلعت برا لي محمود ..
محمود - وين سحر .. !!
منى - سحر ماتبيش تطلع ..
محمود - خيرهاا شن فيه ..😳
منى - قالت مش طالعه ... لين تجيبولي كروسة متع حصان زي الاميرت نركب عليهاا و زفة متع طبل ..
.
محمود - تتسهوكي تو .. متركبيلش ضغط ...😡
منى - والله مانتسهوك ..سحر مش حتطلع من هني لين تجيبلها لي خاطرها فيه ها ...😏
.محمود - منى ... منى تعالي ... جاي نكلم فيك 😡
.
منى خشت لي سحر ..وهيه ميته بضحك ..😂
ومحمود ..وجهه بدا احمر الا عرف يضحك ولا يتعصب 😂😂 ومراد وسليم ميتين بضحك عليه ....
.
محمود - تضحك انت ويه ..زح من وين بنجيبهم اني تو 😠
سليم - عادي يابرو مايصعب عليك شي انت ..😂
مراد.- اني نعرف متع زكرة ..وطبل ..تو نتصل بيهم يجو تو ...
محمود - تمام واني تو نشوف كروسة ...☹
.
.
بعد 15 دقيقة في مركز تجميل ⏱
.
سحر وبسمة و منى ..مقعمزين في صالة الانتظار ..وياكلو في شكلاطه ويضحكو ...😂
.
بعد شويه اتصل بيهم مراد وقاللهم هيا أطلعو ..
وناضو عدلو روحهم شويه .
.وطلعو ..منى تصور بي الكميراء .. وبسمة شده يد سحر ... واول مافتحو الباب الفرقاء متع الطبل بدت تعزف ... 😍 وجو خيال🎵
...
محمود اول ماشاف سحر .. الزعل كله مشى ..ورجع يضحك .. 😍
.طول قرب منها ..ورفع طرحه ودخل راسه تحت طرحه ..بسلها راسه💕 ..وقعد يشوفلهاا..😍
محمود - أميرتي ..طلعه تهبلييي 😍
سحر - 🙊❤
.
بعدها نزللها طرحه ونزلها بشويه من دروج ..ورفعها الفوق ..ههه 😍
وحطها ع الكروسه متع الحصان ... وركب بجنباها ...
...
في القصر ⏱
قصر مختار المطيري ... في لوقت هدا متحول لي قاعة افرااح كبيرة ... قاعة خياليه تجنن .. فيها المعزيم ..وخديجة ومختار ..واقفين ع لباب يستقبلو في ناس ...
.
كالعالده اعراس عيلة لمطيري ..فيها ارقي المعزيم ... واكبر رجال الاعمال ... وكل شي من ارقي ما يكون ..وكل شي يجنن .. بعد شوية صوت الكلكس بدا عالي ..والعرسان وصلو ...
.
.
الأمير .. والاميره ... وصلو لي القصر ... 👑
.
ولي في القاعة كلهم ..عيونهم في سحر ..ومحمود ...
وو ماحلاهم يهبلو ..قداش ماطلعين ع بعض ..كانهم تخلقو لي بعض ..❤
.
تلك النساء ..
ويالهن من كتلة مملوؤة بغيرة وتغطرس يالا السخاء ..
كانهن يعتقدن أن بجمالهن يخطفن الأضواء ..
وأنا بجمال أميرتي أزداد حبا وعطاء ..
يقولون كيف أخترتها من بين كل النساء ..
أجيبهم بفخر هي التي إستطاعت خطف قلبي بصفاء ..
جميلة بريئة . محبوبة . إنها لي الحياة ..
أحببتها وعشقتها وأهديتها قلبي لتنعم بالرخاء . 💕
.
محمود شاد في يد سحر ... 💕
واول مادخلو ..تفتحو اسماء الله الحسنى....💛🎵
.
.
دخلو قعمزو ع الكوشه ..
وبعد شويه بدو ناس يسلمو عليهم ...ويباركولهم ...💕
.
.
وفي لوقت هدا مهيب كانو عيونه ..ع سحر يشوفلهاا وميت بي الحسره .. 💔
كان يتمنى هو يكون في مكان محمود ليلة ..قداش ماهو تمنى الحظه هدي ..💔
بس كل شي نصيب في هالدنيا .. ناض من كرسيه باش يمشي يبارك لي محمود .. يمشي في خطوات ثقيللللللة ..وعيونه معلقه في سحر
.. فجاء تخبط فيه سمر 😳
لفت راسه لقاها هيه .. نفس لبنت لي بزعت عليه لمياء ... قعد يشوفلها ..وسمر قاعده لصقه فيه من الخلعه معاش قدرت تتحرك .. قعدت متجمده في مكانه ..عيونها في عيون مهيب ..
سمر - م ..مش .. قصدي اسسفه ..
.
سمر قالت لكلمتين هدم ولفتت راسها وكيف بتهرب ..🏃‍♀️ مهيب طول يشدها من يدها ويقربها ليه اكثر .. سمر مصدومه ...
مهيب - انتي شن قصتك معاي ...
سمر - شي والله ماقصدي بلغلط ..اسفه ..
مهيب - اسسس
حط يده ع فمهاا بشويه ... وقعد يشوفلها ..
في لوقت هدا تفتحت اغنية ..رومنسية ..
.
مهيب - ترقصي معاي 😉 .
.
سمر قبل ماتجوب مهيب شدلها يدها ..وبدا يكركر فيها وراه ..وهيه مصدومه ومش فاهمه شي .. 😳
.
.مهيب مشي سلم ع محمود وع سحر ..
وفي يده تانيه سمر 😂 يسلم عليهم ..
وشدها من يدها وسمر واقفه بجنبه زي المجنونه هههه 😂 وسحر تشوفلها ..ومستغربه ...😂 ..
.
.مهيب سلم عليهم ..ومشي يرقص هو سمر .
.حط يديه في وسطها وبدا يرقصو بشويه .....
و تعرف عليها في رقصه و تقرب ليها اكتر في لعرس
حس انه معجب بيها و ربي عوضه بيها بدل سحر ...❤
.
.
واما سحر ومحمود🤵🏻👰🏻
..حتى هما ناضو يرقصوو..💃🏻🕺
ومنى وسليم ... ومراد وبسمة ... وفيه من المعزيم حت هما👯‍♂️ ...💕
.
جو خيال ... فات العرس يهبببل ...
وسحر كل شويه تقول لي محمود جعت ... لين حطو لعشي ... حطولهم هما اول وحدين ..كان هدا راهو سحر كلت محمود ..😂
.
ولجين ...ووو ع لجين ..ليوم مافيش صوتها ..لجين لي اول مره تقعمزه بروحها في كرسي بعييد في اخر القاعة ..😳
. ومتعصبه ع الاخير ... مش عاجبها لي قاعد يصير هدا ..😂 حبيب قلبها ليوم ناسيها بكل ..ومهتم بي اميره👸
تانيه غيرها ويرقص معاها .
..تحس في الغيره ... من سحر كان تنوض تقتلها 😂😂 ..تهبل تهبل قداش مامتعلقه بي محمود وتغااار عليه ..💕
.
.الوقت فات بسرعة ..⏱
وهدي كانت احلا ليلة عند. سحر ..
فرحانه قريب طير ماتبيش تفوت ولا لحظه
..عيونها يضحكو ... وقلبهااا بيطير من الفرحه ...💕
.
........ ........ ........ ....... ........ ....... ......
........ ........ ........ ....... ....... ...... .......
.
بعد مرور 7 شهور ⏱🔄
في قصر محمود المطيري ...⚠️
في غرفة النوم ...💕
.الساعة 2 في ليل ...⏱
..
محمود راقد ... وفي حضنه ..سحر حضنها بلقويه ...لفف عليها يديه .. وغارس راسه في رقبتها ..وراقد ...🙈
.
.سحر تحس في نفس بينقطع عليها ...حسه نفسها مضغوطه ..وعندها شوية مغص في بطنها ...

ووو بطنها منفوخه 🤰🏻... تقول كورة كبيرة ... تهببل ... وموليه بطه ...هههه😍
.. قعدت تنسحب من محمود بشويه ..وهيه كل ماتبي تنسحب منه يزيد يضغط عليها اكثر في حضنه .....😣
.
حتى في نومه كان يلقا يدخلها في قلبه ويصكر عليها ... 💕
.بدت تنسحب منه بشويه وتبعدله في يديه .
. ومابعدت عليه غير بطلوع روح 😂 ..
.
ناضت من على سرير بشويه ...
تمشي بخطوات ثقييلة ...
وتحس في مغص في بطنها ...
نزلت للكوجينة ..بشويه شربة مياء .. وقعدت تتمشاء ... يمين ويسار .. بعدها رجعت لي غرفة نوم ... وتحس في بطنها خلاص مغص قريب يقطعها ....
ديمه يجيها مغص هكي بس اول مره يجيها ويقعد هلبااا ...يعطل ..خلاص تتوجع .تحس في نفسها بتولد ليوم ...😩
مشت قربت بحدا محمود وبدت تنوض فيه بشويه ماتبيش تخلعه ...لكن وجهه اصفر واضح عليه ...
.
سحر - محمود نوض ..محموود 😭
محمود - سحر ..حبيبتي خيرك ..شن فيه ...
سحر - شكلي بنولد خلاص ...
محمود - لالا مازل اسبوع قال دكتور .. تعالي حبيبتي ارقدي تو شويه ويمشي المغص ... 😚
.سحر - لاااا من بكري نتوجع ممشاش لالا ..خلاص بنولد ...😭😭
محمود - باهي اسس خيرك تبكي .. 😣
سحر - شني خيرنييي نبكي😠 ...بطنيييي 😭 بنولد 😭ووووو علياااا😭😭
.
سحر بدت تبكي بصوت عالي ..ومحمود توتر عالاخير ..ومعاش عرف كيف يتصرف ..
.
محمود - باهي اسس خلاص حبيبتي شن ندير قوليلي ..
سحر - هااااااا شنييي شن دير تسال فياا😭صغارك هدم نوض ديرلي حللللللل😭😭
.
محمود طلع يجري من الغرفه
وفتح بابا شارع وطلع ..
مشي للقصر تاني بسرعة يجري 🏃‍♂️
..وقلبه قريب يوقف ... وطلع بشورط متع نوم ...😳
مشي يجري يطقطق ع غرفة امه
..خديجة ومختار ناضو مخلعوين ..
.
خديجة - شن فيه ياولدي شن فيه ...😣
مختار - خيرك طالع هكي 😳
محمود - سحر ..شكلها بتولد ...شن ندير .... تعالي معاي شوفيها ...
مختار - بري ياخديجة شوفيها ..واني تو نولع سيارة ..وانت البس حاجه 😑..وجيب مرتك وانزل نرفعوها للمصحة ..
..
.
.
#
محمود ركب هو وامه فيسع ..محمود لابس سروله ..وتشرت بسرعة ...وطلع لي سحر ..حاجه تلبسها ...
وخديجة ساعدته ..ورفعها في حضنه ونزل بيها لي سيارة طول ... وصلو للمصحه ..محمود نزل ورفع سحر في حضنه ..ودخل يعيط فسط المصحه ....
.
محمود - مرتي بتولد ...بسرعة وين دكتور ..😠
.جو للمرضات جبوله سرير ..حطها فيه ...ودخلوها لي غرفة الولده ...ومحمود خش معاها ..
للمرضه - سيد محمود وين داخل !!
محمود - بندخل مع مرتي .. 😡
للممرضه - ممنوع .. ..✋
خديجة - ادعيلها ياولدي تنوض بسلامه ...واصبر ..
.
محمود ماشي جاي في لقسم ..
وقريب يهبل ..كان يلقا يدخل معاها ...ألا سحر خط احمر 🚫 ..مايتحمل في مرته شي ...💕
الدكاتره هبلهم كل شويه يعيط ويكسر حاجه
...وكل مرا ينادي دكتور يخش يطمنه ع سحر ... دكاتره لي فلمصحه كلهم كلمهم ..😂
.
.
وبعد شويه باقي العيلة كلهم وصلو ...حت من فاطمه ...لازم كلهم يكونو حضرين ..في يوم زي هدا
. ...💕يوم تريخي ...🚫 وكلهم يصبرو في محمود ..لي مولي زي لوحش ...😬
.
.
بعد ساعة ⏱
لممرضه طلعت من غرفة الولده .. وفي يدها كروسة ..فيها ..3 صغار ...
كلهم جو يشوفو فيهم .😍
.. الا محمود وقف بعيد ومعاش قدر يتحرك .. يشوف في 3 صغار من الحمه ودمه صغاره ... تفكر صغاره لي ماتو ..ليوم حسهم كانهم عايشين ... كانهم هما ... الله ع شعور ..مستحيل نقدر نوصفه .. 💕
شعور اب تحرم من صغاره واليوم ربي عوضه ..❤
.
.
لممرضه - يتربو في عزك أستاد محمود . زوز ولاد وبنوته .. 💕
لممرضه رفعت حطت صغار في الحضنه ..ومحمود واقف متجمد في مكانه .. مختار قرب لي محمود ..وحضنه بلقوووه ... 💕 ومحمود حت هو حضنه لان محتاج الحضن هدا تو ...❤
مختار - يتربو في عزك ..ولدي
.
بعد شويه حولو سحر لي الغرفه ...
وبدت تفيق ..اول مافاقت لقت محمود فوق راسها ..❤
.
يديه في يديها ..ويشوفلها ...
محمود - الحمدالله ع السلامه ياروحي ..😍
سحر - الله يسلمك ..وين صغاري ..!!
محمود - مشت تجيب فيهم لممرضه ..
سحر - شفتهم ..!!
محمود - شفتهم من بعيد يهبلو يجننو زي امهم .. زوز ولاد وبنوته ..❤
خديجة - ربي يحفضهم ويتربو في عزكم ..😍
سحر - تسلمي امي ...
منى - شن بتسمهم عاد 😍
.
محمود شاف لسحر .. وبسلها يدها ..💕
وتكلم بصوت يرجف من كثر لفرحه ..
محمود - ليث وامير ..❤ ولبنت بتسميها امها
سحر - مم أميره ع اسم أمي ..💕
.
واول مادخلت للمرضه بيهم مشالهم محمود يجري
.. يراجي امت يحطهم في يده ..ويشم ريحتهم الحلوه ..ويحضنهم .....❤
.
.
سيدنا أيوب عليه السلام صبر 18 سنه
سيدنآ يوسف عليه السلام صبر 13 سنه
سيدنا يعقوب عليه السلام صبر 14 سنه
سيدنا موسي عليه السلام صبر 40 سنه

تمسك بالدعاء كانك لم تعرف علاج غيره
سيستجيب حت لو بعد حين ...❤
.
.
#_النهايه

#_للكاتبه_أميره_العباني

إن شاء الله تكون عجبتكم واستنونا غدوا ع موعدنا مع روايه جديده وشخصيات جديده .. شكرا لدعمكم ومتابعتكم 😊

بهاء الحطاب