اصبحنا علي حافه الوصول الي اخر محطاتنا يرجي ربط الاحزمه استعدادا للنهايه
_________________________
كانا يجلسان علي احدي الطاولات ويتابعان ما تفعله الاء فهي منذ رأتها وهي تتحرك ذهابا وايابا وتحدث نفسها بكلام لم يفهماه تقريبا
الاء بجنون/ هي فاكره عشان رجعت هخدها بالحضن وبتاع لا وهي كل الفترة دي مسألتش عليا ولا حتي مره واحده فاكره انها وحشتني بس هي وحشتني بجد طب اعمل ايه اقولك انا مش هكلمها وهمشي بس انا عايزه اقعد معاها فوضعت يداها علي شعرها اه تشده بجنون
فتحدث إيمار الذي كان يتابعها بضحك/ دي حاله شيزوفرينيا متأخره
فاطمه بضحك/ ربنا يكون في عونك علي المتخلفه دي فجائت الاء مسرعه وهي تضرب الطاوله بيدها بغضب وهي / لو فاكره انك عشان ظهرتي فجأه هسامحك واخدك بالحضن تبقي غلطانه انا صحيح لسه مقررتش هعمل ايه بس هروح اجيب حاجه اروح بيها دمي الىي اتحرق دا وافكر هعمل معاكي ايه إيمار اتحفظ عليها لحد ما اجي ثم غادرت
إيمار بضحك/ وماله هتحفظ عليها حاضر
فاطمة بضحك/ هي اتجننت بجد ولا ايه فنظر لها إيمار بهدوء وهو يقول/ بتعملي ايه هنا يا فاطمه
فاطمة/ انا هنا في رحله شغل وكنت نازله اشتري حاجه وشوفتكم بالصدفه انا اصلا نازله في الاوتيل دا ثم اشارت الي احد الفنادق الضخمه
إيمار بهدوء/ صدفه جميله انا والاء نازلين في نفس الفندق
فاطمه/ هو انتوا صحيح بتعملوا ايه هنا
إيمار/ الاء عندها مؤتمر طبي هنا بكره هتحضره وانا استغليت فرصه اني في اجازه وجيت معاها اعرفها علي بابا
فاطمة/ ابقي سلملي علي عمو انا هبقي اجي اشوفه ان شاء الله
إيمار/ حاضر ثم صمت قليلا وهو ينظر لها
فاطمة بتوتر/ هو انت مسألتش عليا ليه ولا كنت فين الفتره اللي فاتت دي ولا بعمل ايه
إيمار بهدوء/ عشان ببساطه عارف كل حاجه وانتي فكراني هسيب بنت خالي براحتها من غير ما اعرف هي فين وبتعمل ايه بس سايبك على مزاجك شويه لما نشوف اخرتها
فاطمه بصدمه/ انت عارف كل حاجه ازاي
إيمار/ ازاي مش شغلك عارف انك بتشتغلي في مساعده المدير التنفيذي لشركه العراب وبيعتبرك حته دراعه اليمين مش كده حتي بيخدك في كل سفرياته معاه وكل شئ
فاطمة/ انت عارف كل دا يعني كنت عارف اني في اسبانيا
إيمار بابتسامه/ وعارف كمان انك نازله في الاوتيل دا فاطمه انا مش غبي ولا انا مش فاهم انتي بتعملي ايه بس عايزه اقولك ان كل اللي بتعمليه دا ملوش لازمه لان جدتك ماتت خلاص ومراد اللعبه بتاعها دا مبقاش في همه حاجه وكل فلوسهم وثروتهم مقضيهم في اللعب والقمار يعني انتي بتعذبي نفسك وبتعذبيه على الفاضي
