مناديلك ومضادات اكتئابك ويلا بينا
صلوا علي من زار يهوديا تغيب يوما عن ايذائه ❤🍂
___________________
كانت تجلس وحدها في غرفه الاستقبال وهي تفكر فيما حدث معاها ومع اختها وهي تقسم داخلها انها لن تتركهم يفلتون بفعلتهم مهما حدث ثم لفت انتباهها دخول شابان وهما يحملان شاب وجهه مغطي بالدماء بالكامل ويبدو انه في غير وعيه وكثير من الخدوش التي تملئ وجهه وجدت الممرضين ومعهم احد الاطباء وهما يسرعون عليه ويضعونه علي السرير المتحرك والطبيب يسأل عن حالته
الشاب بسرعه/ حادثه عربيه يا دكتور العربيه اتقلبت اكتر من مره وهو جواها
فتحرك الطبيب سريعا بينما جاء احد الاشخاص والذي يظهر عليه انه ممرض من الاستقبال او شئ من هذا القبيل/ هو حضراتكم قرايب المريض
الشاب / لا احنا منعرفوش ولا نعرف عنه حاجه بس هو كان معاه بطاقه وتليفون اسمه حمزة عبدالهادي محمد علي الزيتاتي والحمدلله ان موبايله مكنش عليه اي رمز فتحته واتصلت علي رقم بس مردش فرنيت علي رقم تاني كان بأسم فاطمه وقولتلها علي مكان المستشفي وهي اكيد هتيجي دلوقتي
الممرض وهو ياخذ منه الهاتف والبطاقه/ ماشي شكرا جدا لحضرتكم تقدروا تقعدوا هنا في الاستراحه او تتفضلوا لو حابين ثم تركهم بينما هما نظرا لبعضهم البعض وقد قررا الرحيل فلا فائده بوجودهم هنا بينما حرير نظرت بأسف وهي تقول بصوت هادئ/ مسكين يا عيني ربنا يشفيه وفجأه ذكريات كبيره هجمت علي رأسها وهي تتذكر اول مقابله بينها وبين اسلام
___________________
Flash
رفعت حرير المسدس على رأس اسلام فنظر
لها بخوف وهو يحاول أبعاد المسدس عن رأسه/ اهدي كده يا انسه دا انتي حتي رقيقه مش لايقه مع السلاح دا والله
حرير بهدوء/ انت مين
اسلام/ اسلام عبد الهادي محمد علي الزيناتي بشتغل محامي عايش في الحاره دي وعندي ولاد الله تنستري رجعني ليهم حي فنظرت له حرير باذدراء وهي تبعد السلاح عن رأسه
____________________
تذكرت حتي انها قابلت فاطمه من قبل التي كانت تتكلم معها عندما ذهبت الي بيت اسلام افاقت بصدمه وهي تنظر لما يحدث سرعان ما قامت بسرعه وهي تتجه ناحيه المكان الذي تركت فيه اسلام دخلت سريعا وهب تنظر لم تجده بقت تبحث بلهفه حتي وجدته يجلس بجوار نبيل يتحدث في الهاتف مع مساعده حتي يذهب الي القسم مع حامد ويتصرف معاهم فهو مشغول في تلك الفتره دخلت سريعا بينما نظر الاثنان لها باستغراب فقال اسلام بهدوء/ حرير انتي لسه هنا انا افتكرتك مشيتي
حرير بسرعه وهي تتنفس بعنف/ سيبك من كل دا انت كنت قولتلي انك عندك اخ قبل كده مش كده ؟!
