عصابه الحي الشعبي

الجزء الثالث والعشرون

اثير/ كنت خايفه متصدقنيش او تبقي كارهني وانك تبقي مخدوع فيا مقدرتش اتخيل انك ممكن تكرهني عشان كده بعدت عنك وعن حامد واختفيت كل السنين دي اشتغلت في اكتر من بلد واتبهدلت بس مقدرتش ابعد اكتر من كده ورجعت مصر عشان اشوفك واقابلك واحكيلك علي كل حاجه واترجاك تسامحني لحد ما عملت حدثه وحصل اللي حصل فأقترب منها نبيل وهو يحتضنها بحب وهو يقول/ انتي غلطانه عشان تضيعي سنه كامله بعيد عني عشان شويه هبل انتي لو كنتي حكتيلي مكنتش هكدبك ولا ابعد عنك هو فيه حد برضوا بيبعد عن قلبه ولا ايه فنظرت له اثير بابتسامه وخجل / طب عيب يا بلبل عشان محدش يدخل

نبيل وهو يشدها لاحضانه اكثر/ ولا يفرق معايا حد علي فكره لو مين دخل مش هبعد فدخلت حرير في نفس التوقيت وهي تري ما يحدث وتصرخ/ الله اكبر انا قولت بينكم كلام يخلص مش احضان دا الموضوع كبير بقي

نبيل وهو يبتعد عن اثير التي ضحكت فهو الان يفعل عكس ما كان يقوله قبل ثوان/ انتي مش فاهمه كان بس في حاجه في ضهرها وبعالجها

حرير/ لا والله حاجه في ضهرها ومش بتتعالج غير بالحضن دا مرض جديد دا ولا ايه

نبيل / مرض قديم اوي اسمه الحب عرفاه فنظرت له حرير بأشمئزاز وهي تشير له بالخروج من الغرفه فتحرك ببطئ ناحيه الباب ثم خرج وعاد يدخل رأسه فقط وهو يقول لاثير/ هرجعلك ونكمل علاج المرض دا بعدين ها ثم غمز وهو يخرج سريعا حتي لا تقزفه حرير بأي شئ

حرير/ دا مجنون

اثير بسرحان/ بس بحبه

حرير بسخريه/ امم وايه كمان يا ست العاشقه الولهانه

اثير بتمثيل/ ياه مش قادره عايزه انام تعبانه ثم قامت بغطيه رأسها بالبطانيه وحرير تنظر لها وهي تبتسم علي ذاك الجنون

_________________

بعد مرور سته اشهر تغيرت الاحوال قليلا فقد غادرت فاطمه المنزل ولم يراها احد منذ ذلك اليوم لم تذهب الي القصر ولا حتي عادت للمنزل بينما حمزه قام ببناء شركة البناء الذي يتمناها بعدما قد نسي فاطمه او كما يحاول اقناع الجميع انه قد تخلي عنها وعن التفكير بها بينما يعلم الجميع انه بمجرد ان يدخل غرفته لا يفكر الا بها ويبكي حتي الصباح وهو يحتضن صورتها بسبب شعوره بالوحده خصوصا بعد وفاه والدته زينات فقد بقي وحيدا رغم ان الجميع يحيط به ويحاول مواساته وهو يمثل امامهم انه بخير ولكن هذا عكس ما يشعر به نعم هو اصبح رجل ناجح وفي سته اشهر حازت شركته علي اهتمام كبير من كل رجال الاعمال وتوسعت تجارتها بفضل مهاراته وذكائه ولكن هو يعلم دائما ان هناك شئ ناقص

بينما اسلام فأصبح دائما مع اخيه في الشركه  والمنزل ويبحث عن فاطمه دون معرفه اخيه وكذلك يري حرير كل يوم تقريبا وقد اصبحا مقربين وكل منهم يحمل شعورا لطيفا ناحيه الاخر دون البوح به

بينما عند اثير كانا يعيشان كالمجانين فهم لا يستطيعون رؤيه بعضهم بسبب حرير التي اصبحت تصحب اثير معها في كل مكان وكل وقت ولكن قد اقتربا من بعضهما كثيرا برغم عدم تذكر اثير اي شئ عن ماضيها الا ان حرير تحكي كل يوم عنهما قصص حبهم حتي جعلتها تحبهم اكثر فأكثر

بينما الاء وإيمار بعدما عادا علما كل ما حدث بين حمزة وفاطمه قد تأثرت الاء كثيرا بغياب فاطمه بينما كان رد فعل ايمار غريبا حيث انه لم يبدي اي رد فعل نهائيا وكأنه علم ما سيحدث مسبقا بينما علاقتهما كانا لا يرا بعضهما كثيرا بسبب ظروف عملهم ولكن ذلك لم يجلعهم  يتضايقون بالعكس فهم عندما يتقابلون تبقي الاء تحكي كل ما يحدث معها بالتفصيل وإيمار يستمع لها بدون ملل بل وهو مستمتع كثيرا

___________________

في اسبانيا وخاصه في برشلونه كان إيمار يسير وهو يمسك بيد الاء حتي وصلا الي احد المطاعم فجلسا قليلا حتي اتي النادل ودون طلبيهما ثم غادر

الاء بانبهار/ انا مكنتش اعرف انك بتعرف تتكلم اسباني اتعلمته فين دا يا لئيم

إيمار بقرف/ لئيم بالزمه دا اسلوب دكتوره محترمه مدعوه لاكبر مؤتمر طبي عالمي للجراحين وبعدين انا قبل ما اتهبب واعرفك عشت في اسبانيا ١٤ سنه وانا صغير وجيت الحاره علي اعدادي تقريبا بعد ما اتوفت والدتي ورجعت عشت مع جدتي فتره وبعدين كبرت وعشت في الحاره

الاء/  انت تعرف انا اعرفك من زمان بس عمري ما اعرف اي حاجه عن حياتك وعن عيلتك دي

إيمار بابتسامة/ اي حاجه عايزه تعرفيها انا هعرفهالك بس دلوقتي اهم حاجه عايزه اعرفك علي شخص مهم اوي واغلي حد عندي

الاء بضيق/ حد هنا ودا اغلي حد عندك ودا مين ان شاء الله

إيمار بضحك/ هخليكي تقابلي اول حد حبيته في حياتي

الاء وهي تقوم/ لا والله طب خليها تنفعك بقي

إيمار بضحك وهو يقوم خلفها/ طب اهدي طب مهو انتي كان عندك زياد حد كلمك

فتحدثت الاء بابتسامه مستفزه/ متقارنش نفسك بزياد لو سمحت كان my favorite ex تمام يعني هو في حته وانت في حته

إيمار بغيظ / لا والله ليه بقي فيه ايه زياد بيه حاجه زياده عني

الاء بابتسامه مستفزه اكتر فهي الان تلعب علي وتر غيرته القاتل/ اولا كان لطيف وكيوت وكان مجنون وبيخليني اعمل اي حاجه انا نفسي فيها وبعدين مكنش عنده اغلي مني في الدنيا فتحدث صوت انوثي من الخلف وهو يقول بصوت مرتفع ساخر/ والله اومال سابك ليه عشان صحبتك فنظرت الاء للخلف بصدمه وهي تحاول النطق بصعوبه/ انتي!!

_________________