عند اثير كانت تفتح عينيها ببطئ لا تعرف كم من الساعات والايام هي في تلك الحاله لدرجه انها تشعر ان ما حدث معها وما شعرت به امي كان مجرد حلم وحلم جميل بأن لديها اخت وعائله ولكن لا هي كل ما تعرفه هو حامد الذي تبناها بعدما انقذها من حادث فقدت فيه ذاكرتها ومنذ ذلك اليوم وهي لا تعرف شئ عن عائلتها بالرغم تلك القصه التي روتها تلك الفتاه وان والديها توفا ولكن فكره بقاء احد من عائلتها علي قيد الحياه اسعدتها نظرت حولها في الغرفه وجدتها تنام علي الكنبه بعمق دققت في ملامحها انها تشبهها قليلا ولكن تلك الفتاه اجمل منها بكثير حاولت القيام ولكنها اصدرت صوتا جعل حرير تقوم بفزع من نومها وهي تهب ذاهبه باتجاهها
حرير بقلق/ انتي كويسه فيكي حاجه وجعاكي اناديلك الدكتور
اثير بابتسامه/ انا كويسه الحمدلله
حرير بحنيه وهي تتلمس وجهها/ وحشتيني اوي برغم كل السنين دي ملامحك لسه زي ما هي كأنك لسه نفس الطفله الصغيره علي فكره انتي عارفه انك بقيتي شبه ماما اوي فأبتسمت اثير لها بينما نظرت حرير لها مطولا وهي تقول بحزن/ انتي برضوا لسه مش فكراني فنظرت اثير للاسفل وهي تفرك يداها بينما ابتسمت حرير من وسط حزنها وهي تقول/ مش مهم لما ترجعي تعيشي معايا في القصر اكيد هتفتكري كل حاجه وحتي لو مفتكرتيش المهم انك لسه عايشه واني هشوفك كل يوم قدامي ثم احتضنتها بقوه والاخري تبادلها بنفس الشوق ثم ابتعدت حرير عنها وهي تقول/ قوليلي بقي انتي كنتي عايشه فين ومع مين كل المده دي نظرت اثير بتوتر ثم نطقت بقلق وهي تفرك يديها/ كنت عايشه عند بلبل
نظرت حرير لها بأستغراب وصدمه فأكملت الاخري وهي تقول بندم/ انا هحكيلك كل حاجه بس ممكن بعدها متكرهنيش ولا تبعديني عنك فنظرت حرير لها بترقب وهي تنتظر ما ستقول...
_____________________
في قبرص
كانت الممرضات يجلسن سويا ويتحدثون في امور عاديه فقاطعتهم احدي الممرضات القادمات من بعيد / محدش شاف دكتوره الاء انا بدور عليها من بدري عشان ورق الكشف والمعاينه معاها
فرد الجميع بلا فغادرت الممرضه وهي تكمل بحثها عنها بينما جلس الجميع يكمل حديثه
فتحدثت احد الممرضات وهي تقول/ عارفين دكتوره الاء تلاقيها فين
فردت عليها سلوي والتي لم تكن الا الطبيبه الاكثر شعبيه في المشفي بسبب وسطتها ونفوذها برغم ذلك فهي تكره الاء فهي امهر منها بكثير وتتلقي الثناء والشكر دائما وبفضل ذلك اصبحت قائده الفريق بدل منها/ هتكون فين يعني اهي بتعمل اي مصيبه من بتوعها
فنظر جميع الممرضات لها بيأس ولم يهتموا كثيرا وهم يتابعون الاخري وهي تكمل حديثها بحماس/ تلاقيها مع النقيب دا ولا مش عارفه اللي اسمه إيمار تقريبا في حاجه ما بينهم فنظر لها الباقي بتشويق فتحدثت اخري وهي تقول/ ايوه انا فاكره واحنا جايين هنا ركبوا مع بعض العربيه واكتر من مره اشوفهم قريبين من بعض
