The Rare Ones

Kabanata 6

Tumayo na ako matapos iyong sabihin ni kuya. 

“Una na ako. Hindi pa ako nakapag bihis e. Kakagaling ko lang sa labas, sinamahan ko si Sally.” Paliwanag ko. 

Hindi ko na hinintay ang sagot niya at naglakad na pero natigil din ng may pahabol na tanong si Kuya sa 'kin. Mukhang nasasanay na akong tawagin siya ng kuya. Well, kailangan ko talagang masanay simula ngayon. 

“Paano nga pala nagkasugat si Tazia sa leeg?” I rolled my eyes nang marinig ko ang tanong niya. 

Nakatalikod pa kasi ako kaya sigurado akong hindi nila iyon nakita. Humarap ako sa kanila na may mataray na tingin. 

“I did it. I'm sorry, sadyang nainis lang talaga ako sa kaniya dahil sinugatan niya ang mukha ko!” Inis kong turan tsaka tumalikod na uli at naglakad na. 

Kung hindi ako pinigilan ni butler Suzanne ay malamang sa malamang Blaze wala na ang girlfriend mo. Dalawang tao na sana ang napatay ko sa araw na 'to. Nang marating ko ang kwarto ko ay kaagad akong humiga sa kama. 

Napabuntong hininga ako. 

Hindi naman pala masyadong mahina ang katawan na 'to. Mabuti na nga lang at maayos pa ang balat ni Luna kahit na sa memorya na nakita ko ay puro pasa ang buong balat niya. 

Ayoko talaga na nasisira 'yung balat ko kasi ito talaga ang pinakaiingatan ng tunay kong ina noon. 

Tumayo na ako para mag-shower at nang makapag bihis na ako. Nanlalagkit kasi ang buong katawan ko sa ginawang labanan namin kanina nong Tazia. 

Paglabas ko ng shower room ay ang pagsulpot naman ni Sally na siyang ikinabigla ko ng bahagya. 

“Anak ng! Sally! Wag ka namang pasulpot-sulpot kung saan-saan!” Inis kong turan sa kanya. 

“Paumanhin, Miss Abi,” 

“Anong pakay mo?” tanong ko kaagad.

“Hindi po ba kayo nasugatan maliban sa daplis no'ng nasa mukha ninyo?” 

Umiling ako, “There's no need to worry, Sally. Wala akong ibang sugat maliban sa daplis sa mukha ko.” Panigurado ko sa kanya. 

Tumango-tango naman siya. 

“Good,“ she said. 

“Sally, pwede mo ba akong ilibot sa bahay? Gusto kong makita kung anong nasa likod e. Baka sakaling may memorya akong maalala kapag makapaglibot ako sa buong bahay.” pakiusap ko sa kanya. 

I am really curious. 

Noon ko pa 'to balak na itanong sa kanya nong time na kakatapak ko pa lang sa lugar na 'to but I didn't get the chance dahil na rin sa kalagayan ko noon. 

“Paumanhin Miss Abi, but I'm kinda busy today. Ipapasa ko pa 'tong papeles mo sa paaralan.” Sagot niya. 

Napasimangot naman ako sa naging sagot niya. Ayoko naman na ako lang ang maglilibot kasi baka maligaw pa ako at mapunta sa lugar na magagalit si Dad. 

Who knows baka may gano'n dito. Sawa na akong mapagalitan noh! 

“But I can tell Sue to tour you around here in the house. Suzanne is always available when it comes to you, Miss Abi. Hindi ka non tatanggihan.” 

Lumiwanag ang mukha sa sinabi niya. Napangiti pa nga ako. 

“Talaga? Asan siya ngayon?” 

“Nasa office niya. Baba ka lang sa ground floor tapos liko ka pakaliwa. May makikita kang office doon na may nakalagay 'For Butlers Only' sa pintuan.”