درب العشق سلطاني

البارت ١٣

"اللهم صلِ على محمد وال محمد"

درب العشق سلطاني ..
البارت ١٣ ..

|| عزيزاتي لا تنسون التصويت والتعليق عالفقرات .. 💬 شكراً ||

،
،

والتعبان من روحه
بـ فيّ يا گاع تگدر تبرد جروحه !

حسن؛:امي رادت تتخبل وما على لسانهة غير علي .. عبالهة شو شصايرلة ..

من شفتهة هيج حتى اني قلقت .. خاف صدك صاير شي وحسهة گلبهة .. لمن خابرتهة ام حسنين وگالتلهة ترة يدرون بحسن ومن سألوني حجيتلهم كلشي ..

گعدت امي جرت نفسهة حيلها راح ..
باوعتلي : يمة انطرگ گلبي .. ربي كون تاخذ روحي گبل لا يجيني خبر مو زين علي ..

حتى اني تطمنت .. مادري من ورة امي هالكثر ما تحجي بي حتى اني گلبي تعلق بعلي .. اخوي الوحيد بعد .. واتمنى اشوفة اليوم قبل باجر ..

ماجدة : هايهية جاي عليك شاكر ..
گامت بعصبية : وعلي فنة يفك حلگة وايگول ليش ما حجيتي وگلتي .. العب لعب ..

حسن : محد يحجي يمة همة هم غلطانين ..

-اي غلطانين .. الغلط راكبهم من فوك لحدر ..

گامت وهي عصبية ودخلت للصالة ..

ثاني يوم الصبح رحت للمستشفى داومت وحجيت لرشيد السالفة .. گال شما يحجون لو يعتبون يبقى الحق وية امك .. لان هي من ضمتك عنهم عدهة سبب .. بس ابوك بدون سبب حرمها من ابنها ..

رجعت للبيت تقريباً ب١.. الي استغربتة امي بااردة بشكل .. ولا عبالك نفسهة العصبية البارحة .. يمكن فكرت وفهمت ان هي مغلطانة بشي والحق كلة وياهة .. وهمة الي طلعوا بالوجه السيئ ..

دخلت سبحت وبدلت .. لبست بنطرون اسود وقميص نيلي ..
مادري شعوري شنو جان بذيج اللحظة بس مو هلگد متلهف .. يمكن لان ادري ابوي مو وياهم .. تخيلت هاي جيتهم تكون وياه .. بس ارادة الله اقوى بعد ..

صارت الساعة ب٢ .. هم خابر علية عمي شاكر .. سأل اذا اني موجود بالبيت لو لا .. كتلة انطيك عنوان البيت گال ميحتاج نندلة ..

شوية واندگ الباب .. البنات طفرن للشباك ..
حسن : صوت ماريد .. سوو چاي ..

امي عوجت حلگهة : اممم عايزة اضيفهم انوب ..

طلعت فتحت الباب .. جانو اكثر من واحد ورجال جبير بالعمر يتقدمهم لابس عگال ودشداشة وعباه وبيدة عوجية يتوكى عليهة ..

بس شافوني صفنو بوجهي كلهم يباوعولي ..
والرجال الجبير الي خمنت يكون جدي .. جر تنهيدة برجفة نفس حتى ايدة رجفت ..