درب العشق سلطاني

البارت ٥

درب العشق سلطاني..
زهراء ياسين..

البارت ٥

ادفني بخاطرك وحييني من تشتاكَ!
واقنع لو تصدلي بنظرة استصغار

حوراء؛
طفرنة على صياح ابوي جوة ..
نزلنا بسرعة وگفنا عالدرج شفناه يرزل بحيدر ..

مظفر : انت شني عبالك مالك رداد .. شو لا تحترم ولا تقدر .. راجع للبيت نصاص الليالي ..

حيدر : لا يابة العفو بس ما انتبهت الوكت متأخر .. اخذتني السوالف وية الولد ..

-انت لو عندك مسؤولية جا ما ضليت لهالوگت .. بس واحد صايع الله مطيح حظك ..

حيدر : يابة شني السالفة زعطوط اني شني ..
-تاكل تبن وتصم حلكك زمال ..

حيدر مبين عصب : حجي ما يرادلها .. مو حجي هذا كل ما رحت لبيت جدي لازم تطلعها من خشمي .. ترة مو زغير اني ..

ابوي بسرعة ايدة ضربة راشدي قوي .. خلة امي صاحت ..
نادية : لاا مظفررر على بختك ..

-تطول لسانك علية منعول الوالدين .. والله اربيك من جديد واحسب الله ما خلقك .. طايح الحظ الساقط ..

امي تدفع بي وتسحبة للغرفة .. حيدر غمض عيونة حيل يكتم عصبيتة .. شگد انقهر من ابوي من يتعامل وياه هيج ..

دار وجهة وصعد لغرفتة بعصبية وابوي طببتة امي للغرفة ويصيح ..

رجعنا للغرفة .. واني احس بقهر طلعت العزيمة سم علينا مو بس على حيدر .. شطلعت هاي ..

نرجس : صدك جذب مو حالة هاي ..
حوراء : طلعت الروحة من خشمنا ..

نرجس : فززوني هستوني غفيت .. ااخ انهبطت ..

ماكو نص ساعة وسمعنا صوت عالدرج هم طلعنا ..
شفت حيدر مبدل ملابسة وبيدة جنطتة مال الدوام ..

نزل عالسريع ووجهة احمر وطابگ حواجبة ..

لحگتة بسرعة طلع برة للحوش واني ركض دگيت الباب على امي .. بس دگيتة طلعتلي : ها حوراء ..

-يمة حيدر اخذ ملابسة وطلع راح يلتحق بهالليل ..

بس سمعتني طلعت تركض لگتة مشغل سيارتة ويريد يحرك ..
كبل فتحت علي باب السيارت وصاحت ..