درب العشق سلطاني
البارت الاولالكاتبة : زهراء ياسين
علي سوي فضل مابيه حــــــيل الشوك
العشك للعنده واهس وانــــــه ما عندي
البارت الأول ؛؛
بغداد || ١٩٨٩
بهذا الفصل البارد والهادئ وليله المظلم صوت صرخات تتعالى تستنجد بألم جسدي وروح ملهوفة ..
-ولللج وداااد راح امووت ..
وداد : تحملي ما بقى شي .. كولي يا الله ..
-اااااخ يمممممة ..
الولادة زمخت بعصبية : ولج عينيني صيحي يا علي وادفعي ..
-يااا عليييي .. اااخ دخيلك يابو الحسن .. روحي راح تطلع ولجننن خلصنييي ..
لحضات وصوت طفل وبكاء ملأ الغرفة ومخلوط بيها صوت التبريكات ..
ماجدة ؛؛ ما لحگت افرح بصوتة الا وهيست (حسيت) بصوت الولادة : اطلكككي بعدلج وااحد ..
رجعت لنفس الوجع واحس روحي انسحلت سحل .. انة منا گلبي محروك ادور هذا الوجع زاد علية .. كمت ادفع واحس راح تروح روحي ..
-ايييه طلع راسة .. ادفعي ولج .. ساعديني وساعدي نفسج وابنج .. يلة بنيتي .. يلة حبيبة ..
رجيت راسي ليورة هنا وتعبت .. جسمي يقطر عرگ وراسي صاير ماي .. كل قوة جانت بجسمي انتهت .. خل اموت هاذ هو كفففت .. بعد مالي حيل ولا قوة .. انتهيت .. ليش اتعب وتالي ما احصل شي .. الشيطان تربع بعقلي من الالم بذيج اللحظة ..
فززتني ضربة الولادة على فخاذي حيل : لا تبردددييييين اطلكككككييي ولللج ..
-مابية بعد متتت .. ماكدر ..
-ولج اختنننننك صار ازرك بس راسة طالع ادفعييييي .. راح تموتييينة ..
رف گلبي من حجايتهة .. خفت لا يموت .. كضيت الجرجف وصحت اخر صيحة يا علي .. ودفعت اخر دفعة وهي سحبتة مني ..
YOU ARE READING
درب العشق سلطاني
Romanceضاعن درابين العمر .. ماندري نمشي بيا درب .. جا ليش من دون الخلگ .. عشنا ويا أهالينا غرب ..