درب العشق سلطاني

البارت ٢

درب العشق سلطاني
زهراء ياسين

البارت الثاني ..

سحگوا سنين المودة .،
وفـروا أعـليـة الحـزن .،

دخل شايل جنطتة وصاح من برة : يا الله .. وينها ام حيدر .. يممممة ..

امي ذبت الجفجير بسرعة وطلعت تركض : يبعدد امممك اجييتك ..

رفعت روحهة تريد تلوحة وجرتة من رگبتة وحضنتة وهو يضحك .. سحب ايدهة وباسهة وكرصهة من خدهة : لك هاي شني سمنانة نادية صايرة كيمر ..

-يا انوب كيمر .. ولا تبطل سوالفك انت ..

-عود تستحين شني .. عمي يلوگلج بس انتي المستحة فدوة لهالخشم المدعبل ..

ضربتة على جتفة : دمشي امشي انت مو مال واحد يضحكلك ..

طلعنة اني واخواتي سلمنة علي ..
دخل كعد بالصالة والجهال التمو علي : خالووو شجايبلنة وياك ..

حيدر : ولكم هي مناعيل الوالدين وين جنت بباريس ..
امي صاحت بيهم : وخرررو عن خالكم تعبان هستوة جاي ..

التفتت علي امي : ليش اليوم يلة اجيت .. مو من امس انت مجاز ..

-عزيز جان خفر البارحة .. وانة انتظرتة بين ما خلص واجبة ونزلنة سوة ..
-ياا جا وينة ما اجة تغدة وياك ؟

-طلع گبل لبيتهم ما نايم من امس .. كال بليل نلتم ابيت جدي احنة والولد ..
-على خير انشالله .. جوعان يمة اصبلك تتغدى ..

-لا يمة بعد وكت يا غدة .. خل اروح لجدي اسلم علي واجي .. وهم اشوف حجية تميمة ..

ذب البسطال مال الدوام ولبس شحاطتة .. وراح لبيت جدي ..
ماكو نص ساعة واجة ابوي من برة گعد بالصالة وامي حطتلة گلاص لبن ..

اني دخلت يمة : الله يساعدك بابا ..
-هلا بوية هلا .. شلونج ؟

-الحمدالله..
-شلونج بالدوام ..

-والله ماشية ..
-ماشية شني .. شدي حيلج بوية اريد اشوفج مدرّسة ..

-انشاء الله بابا ..