درب العشق سلطاني..
زهراء ياسين..البارت ٤ ..
"عيش وحدك"
كـلـها مـنتضـرة الرحـيــل ..
وكلها تصعد لو يناسبها القطار ..-اي يجن يباتن ويرحن باجر ويانة للنجف ..
حسن : لا والله تعذرني ماگدر اخليهن يرحن ..
صاح بي خالي : وانت منو وتمنعهن يرحن ويانة ..
-اخوهن الجبير خالي ..
-دمشي لك مصدك روحة .. يرحن وياي وغصباً عليك .. ما يعجبك مشكلتك هاي ..
-تعذرني .. ماگدر ..
-لك انت منو ؟ هذني بنات اختي .. اني احق بيهن منك .. كلك خلگ ابن عمتهن .. صايرلي وصي عليهن ..
ياسمين؛ من سمعتة شلون يحجي وية حسن صدك انقهرت .. هو يصيح واسمع صوت الولد يمة يصيح .. حجي شنو القصة حجييي .. والله عيب ..
حجيت بصوت عالي : خالو احنة منريد نروح .. مادام حسن گال لا معناها لا .. تعذرنا ..
باوعلي حسن خزرني لان حجيت هيج ..-لج خالي معليجن بي .. اشايف روحة هذا .. ترة وصلت حدها وياه .. اجيبجن يمي ومحد يگدر يفك حلگة ..
سمارة صاحت : والله خالو شيگول حسن احنا وياه .. محد يجبرنا على شي ..
حسن عض شفتة بعصبية وخزرها : العفو منك خالي .. مو استنقاص منك ولا تقليل من شأنك بس البنات عدهن دوام وامتحانات .. وتروح عليهن اذا راحن .. وگلت اليوم اجيبهن واجي يتعشن يمكم ويرجعن ..
-هاي مو اول مرة تسويها حسن .. دوم تمنعهن يجن يباتن يمنا .. لو من يجن ساعتين ويرحن .. محسسنا احنا غربة .. هنة غير بنات اختي .. والي حگ عليهن ..
-صحيح خالي .. وتعذرني انشالله عالجايات ..
سد التليفون خالي وما راضي ..
YOU ARE READING
درب العشق سلطاني
Romantikضاعن درابين العمر .. ماندري نمشي بيا درب .. جا ليش من دون الخلگ .. عشنا ويا أهالينا غرب ..