Top Tier (Completed)

3✓ How it is

"What happen?" Lucky asked impatiently, Molly sobered up as she walked closer.

"Mih learn from him fih think fast when mih inna wah bad situation suh mih run guh bathroom and fake like mih sick. Fih si how mih duh mih self and come out. Mih happy it nuh work out and when wih reach home, a tek a pill and sleep. Affi inna dat one routine but as dem seh, out a dih frying pan and in to the fire. Him fawud wih food, fish and sum'n extra. Mih nyam dih bloodclaat fish den a search fih sum'n else and buck up pah two pregnancy tests. Fih see dih big argument wih have..."

"Suh wah dih fish fah?" Holly laughs.

"Fih see if me go vomit and refuse it. Mih cyaw waste food like dat plus when him deh a work a me deh put dung big cooking suh mih nuh muss sleep and ting. Fih rest the argument mih tek dih test dem fih him si and mek him gwaan wait. It seems dih bredda did forget seh wih only fuck using a condom and there was neva a time when him nuh use it. Now mih start put one and one together a use my female brain and ketch dih pree."

I took a break and sip the water.

"Gyal a tek har time." Molly hissed and I laugh, closing the bottle.

"Hush. Mih search where wih have the condoms and see hole bore bore few a dem. Deh suh mih get sick and affi rush pass him fih vomit. Another argument bruk out because both test negative and him seh mih suppose to be pregnant."

"But hear yah." Lucky laughs out.

"Breed what! Him neva aware yet afta him done perform fih see seh him always cum when mih pussy a push him out and if dat neva gwaan, mih on dih pill same way. Him bring mih go doctor and the results come, all the doctor can seh is the contraceptive mek mih sick. Bredda mad from now till next week. Wih nuh stop argue cause according to him, him want a yute. Me Milani Petty, petty yuh fuck and when him gone a wuk mih pack up everything mih have included the groceries him buy. Him friend call him and him deh call me but yuh fih see mih a stare inna dih fren yiy as mih do it. Mih eventually ansa cause the friend come and start cuss mih."

"But nuh waste man dat. Deh watch yuh fih him friend." Lucky hissed.

"Mih neva know until now. Bwoy loud up him mouth seh mih kill him friend pickney all fih the neighborhood hear and best believe dem come out. Unnu know my mouth don't join church already suh mih cuss him and him friend. Mih chat out how him cyaw mek mih cum and drop asleep right after but wah trap mih fih a bore holes inna dih boots dem. Mih shub out and fih mek things worst the house almost empty."

"Wah yuh mean?" Molly frowned.

"Mih meet dih yute when him just start build him place and a him convince mih fih move in. Mih duh it fih save money and him pay fih dih truck and everything. Bed with the set of two night tables, a chest of drawers and a vanity with three mirror, stove, fridge, seventy plus inch TV, microwave, cable box, mih internet, plate, cup, fork and spoon, wall fan and standing fan. My sheets, curtains, mirrors, shower curtains, shower head and if mih did petty like mih name mih move wid dih bloodclaat varandah since a mih dweet cause him dawg dem nuh stop thief mih slippers. Mih bun everything weh would a lef wid evidence, even the mop and broom. Mih nuh want no DNA left fih mih when mih done clean up. Gyal can remove even a splinter from crime scene."

"Yuh serious, and a what happened wid him?" Molly asked.

"Wih eventually talk back after three months." I shrugged.

"Wah!"

"Yuh crazy!" Lucky mades me laugh at his expression.

"No. Mih nuh change mih number and nuh stop block fih him but then mih deh look work and a expect call. Fih cut dih bridge since mih done cross it, mih try have a reasonable conversation wid him bout him situation but dih bredda seh mih a diss him and end up block mih. Mih glad but nuh fih long." I sipped more of the water.