Unicode
အခန်း ၁၅.၁
" လူနာ နာမည်က ရှင်းမ်ဂျယ်ယွန်းပါ "
လျှက်တပြတ်ကြားလိုက်ရတဲ့ အမည်နာမတစ်ခုမှာ ဆောင်ဟွန်းရဲ့ ခြေလှမ်းတွေက တုန့်ခနဲ ရပ်သွားသည် ။ ဂျုံဆောင်းနဲ့ စကားပြောအပြီး လေဆိပ်အထိ လိုက်ပါနှုတ်ဆက်ခဲ့တာမို့ ဆေးရုံကို နောက်ကျမှ ရောက်လာခြင်းဖြစ်သည် ။
ကောင်တာနားကို ခပ်မြန်မြန်လျှောက်သွားတော့ သူနာပြုဆရာမလေးရဲ့ အရှေ့မှာ ရပ်နေသည်က တစ်ခါ ဂျယ်ယွန်းနဲ့အတူတူ စားသောက်ဆိုင်ကို ပါလာသည့် ကောင်လေး ။
" ဟို.. "
" အကို !! "
စိုးရိမ်ပူပန်နေတဲ့ စိတ်အစုံကို ဖျောက်ကာ ထိုကောင်လေးကို စကားစဖို့ လုပ်လိုက်ပေမဲ့ ရုတ်တရက် ထွက်လာသည့် မင်ဂျူ၏ အသံကြောင့် ရင်ထဲ ပို၍ မောဟိုက်သွားရသည် ။
" မင်ဂျူ.. ဂျယ်ယွန်း ဆိုတာ.. "
" အကို.. ဒီတိုင်း စိတ်အေးအေးထားပြီး အပြင်မှာပဲ စောင့်နေလိုက်ပါလား.. ဒီ operation ကို မင်ဂျူလုပ်လိုက်မှာမို့လို့ "
" ဘာ operation လဲ.. ဂျယ်ယွန်းက ဘာဖြစ်တာလဲ "
" မင်ဂျူ ပြီးရင် ပြောပြမှာမို့လို့ အကိုက.. "
" မဟုတ်ဘူး.. ဘာဖြစ်တာလဲ အခုက "
" ဂျယ်ယွန်းက ဘယ်မှာလဲ "
မင်ဂျူက သူ့အမေးကို မဖြေတော့ပဲ သူနာပြုလေးကို မျက်နှာရိပ် မျက်နှာကဲပြကာ အခြားဆရာဝန်နှစ်ယောက်နှင့် အနားက ထွက်သွားတော့ ဆောင်ဟွန်း ပြာယာခတ်၍ ကျန်ခဲ့ရပြန်သည် ။
" ဒေါက်တာ.. ခန ထိုင်လိုက်ပါလား ၊ မျက်နှာတွေက ဖြူလာ.. "
" ဂျယ်ယွန်းရော.."
သူနာပြုဆရာမလေးရဲ့ စကားကို နားမထောင်ပဲ နီခီ့ဘက်ကို လှည့်၍ မေးလာသည့် ဆောင်ဟွန်းက လက်တွေပင် တုန်ရီနေသေးသည် ။
" ဟို.. ဒီဘက်က ဒေါက်တာနဲ့ အကိုဂျယ်ယွန်းက ဘယ်လို ဆက်ဆံရေးလဲတော့ မသိပေမဲ့ အများကြီးတော့ စိတ်မပူပါနဲ့.. ဒီနေ့ ရုံမှာ မတော်တဆ နည်းနည်း ဖြစ်သွားလို့ပါ "
YOU ARE READING
A sky fulls of scars [ Sungjake ]
Fanfictionstucking with you in this same, old, love again | 𝐏𝐚𝐫𝐤 𝐒𝐮𝐧𝐠𝐡𝐨𝐨𝐧 • 𝐒𝐢𝐦 𝐉𝐚𝐞𝐲𝐮𝐧 | Available in both Unicode & Zawgyi
![A sky fulls of scars [ Sungjake ]](https://img.wattpad.com/cover/334557654-64-k639510.jpg)