"ဘာ...ငသျှန်း....မင်းကို...ကောင်မလေးတစ်ယောက်က...ဟားဟားဟား....ဒီကောင်အိပ်မက်တွေများမက်နေတာလားကွာ..."
သူငယ်ချင်းတွေက လက်ညှိုးတစ်ထိုးထိုးနှင့် ဝိုင်းစနေကြ၍ သျှန်းတစ်ယောက် မှုန်ကုတ်နေ၏။
"ဟ...ငါတကယ်ပြောနေတာ...မယုံလည်းမင်းတို့အပိုင်းပဲ..."
သျှန်းတစ်ယောက် စားပွဲကို ဘုန်းခနဲ ရိုက်လိုက်ရင်း အသံနည်းနည်းမာသွား၏။
"အေးပါကွာအေးပါ...ဒါနဲ့ နေပါဦး..အဲ့ကောင်မလေးက..ဘယ်လိုပုံစံမျိုးလဲ.."
ထိုအခါမှ သျှန်း၏ဒေါသတို့က ကြက်ပျောက်ငှက်ပျောက် ပျောက်သွားရကာ မျက်ဝန်းထဲ၌ ထိုမိန်းကလေး၏ ပုံရိပ်တို့က နေရာပြန်ယူလာလေ၏။
"လှတာတော့အရမ်းလှတာကွ...ငါ့ထက်တော့ကြီးမယ့်ပုံပဲ...သူ့ပုံစံက ခဲရောင်ဆံပင်အလိပ်လေးတွေနဲ့...ပိန်ပိန်သွယ်သွယ်..LCDလေးကွာ...အသားလေးကလည်း ဖြူဖွေးနုဖတ်အုအက်နေတာပဲ...အား...ပြန်တွေးရင်တောင် ရင်တွေခုန်လာပြီ....ငါ့ကိုကြည့်နေတဲ့ သူ့မျက်ဝန်းလေးတွေကလေ...မှိုင်းညို့ရီဝေပြီးတော့...ဟိုကွာ..ချမ်းချမ်းသီချင်းထဲကလို..ကြည်ပြာရီဝေသော..အကြည့်နဲ့ညှို့တဲ့သူ...အမ်း...အဲ့ဒါမျိူး..."
"ဟ...ညွှန်းလာချည်လားငါ့ကောင်ရ.."
သူငယ်ချင်းတွေကပါ အချွန်နှင့် မ ပေး၏။
"အေးကွာ...တကယ်လှတာကွ...နှာတံလေးကလည်းစင်းနေတာပဲ...မျက်ခုံးလေးတွေကဆို..ဇင်ယော်တောင်မျက်ခုံးလေးဗျား..ထူထင်းနက်မှောင်နေတာပဲ...နှုတ်ခမ်းပါးလေးတွေဆိုလည်း ရဲနေရောပဲ...အဟိ..ပြီးတော့..."
"ကဲကဲ..မပြီးတော့နဲ့ကိုယ့်လူ...တော်လောက်ပြီ...မင်းကောင်မလေးအကြောင်း ညွှန်းတာထိုင်နားထောင်တာနဲ့တင် မိုးဆုံးဆုံးချုပ်ပြီးနောက်နေ့ကူးသွားလိမ့်မယ်..."
သျှန်းမျက်လုံးကလေးတွေ အရောင်တောက်သွားရ၏။
"ဘယ်..ဘယ်လို...မင်းခုနက.....တစ်ခေါက်လောက်ပြန်ပြောစမ်းပါဦး...ဘာတဲ့..မင်းကောင်မလေး...အဟိ.."
အရူးတစ်ပိုင်းဖြစ်နေသော သျှန်း၏ နားရင်းကို သူငယ်ချင်းဖြစ်သူက တစ်ချက်ဖြတ်အုပ်လိုက်၏။
YOU ARE READING
မြကြေးမုံ
Romance[Unicode] အို...မြကတော့ မှန်တစ်ချပ်ပဲ.. ကိုယ့်ကိုမဲ့ပြတဲ့ ဘယ်မျက်နှာကိုမှ ပြန်ပြုံးပြမှာမဟုတ်ဘူး... Mya Kyay Mone [Zawgyi] အို...ျမကေတာ့ မွန္တစ္ခ်ပ္ပဲ.. ကိုယ့္ကိုမဲ့ျပတဲ့ ဘယ္မ်က္ႏွာကိုမွ ျပန္ၿပဳံးျပမွာမဟုတ္ဘူး... Mya Kyay...
