"ဒါပေမယ့် ညစာ အရင်စားရမယ်"
ညစာစားပြီးနောက် စုလင်း ဒါရိုက်တာဝမ် ထံမှ မက်ဆေ့ချ်တစ်စောင်ကို လက်ခံရရှိခဲ့ပြီး သိပ္ပံပရိုဂရမ်၏ အစီအစဉ်ဇယားဖြစ်သည်။ စုလင်း မတ်ဆေ့ချ်ကို ဖတ်ပြီးနောက် ပြန်ပြောလိုက်သည်။
"ရှန်းမိုယွီက အခု အာဟာရပျော်ရည်တွေပဲ သောက်တယ်။ ဝက်ဘ်ဆိုက်မှာကျ အမဲလိုက်ပြဖို့က သိပ်မသင့်တော်ဘူး။ အဲဒါကိုမှ ပရိသတ်တွေကို မိတ်ဆက်ပေးချင်ရင်တော့ စိတ်ဝိညာဉ်ပင်ဆိုင်ရာမှတ်ပုံတင်အသင်းမှာ အမဲလိုက်တာနဲ့ ဆက်စပ်တဲ့ဗီဒီယိုတွေ ရှိတယ်။"
သိပ္ပံပရိုဂရမ်ကို အစီအစဥ်တစ်လျှောက်လုံးတိုက်ရိုက်ထုတ်လွှင့်မှာဖြစ်သည်။ အပြန်အလှန်မေးမြန်းဖြေဆိုသည့် ဆွေးနွေးပွဲအချို့လည်းရှိမည်ဖြစ်ပြီး ပရိသတ်အများစုက ကျောင်းသားများ ဖြစ်ကြသည်။ ထို့အပြင် ဒီတစ်ကြိမ်တွင် စိတ်ဝိညာဥ်ပင်များလည်း ပါဝင်မည်ဖြစ်တာကြောင့် Omega ပရိသတ်များစွာရှိနေမှာ သေချာပေါက်ပင်။ ထို့ကြောင့် အမဲလိုက်သည့် လုပ်ငန်းစဉ်ကို သရုပ်ပြခဲ့လျှင် လူများစွာ ထိတ်လန့်ကြောက်ရွံ့သွားနိုင်ဖွယ်ရာရှိသည်။
ဒါရိုက်တာဝမ် : "ကျွန်တော် အသင်းအဖွဲ့နဲ့ အရင် ဆက်သွယ်လိုက်ပါ့မယ်၊ ပြီးရင် ညှိနှိုင်းမှုတစ်ချို့လုပ်ပြီး နောက်မှ ပြန်ဆက်သွယ်လိုက်ပါ့မယ်။"
စုလင်း: "ကောင်းပါပြီ"
ဖုန်းပြောပြီးတဲ့နောက် စုလင်းဟာ ကုလီဟန်ရဲ့လက်ကို တွဲကာ နောက်ဖေးခြံထဲသို့ အသစ်ဝယ်ယူထားခဲ့သော စိတ်ဝိညာဥ်ပင်များကို သွားကြည့်ခဲ့သေးသည်။ ထို့နောက်မှာတော့ ကုလီဟန်က Gym အခန်းကို သွားကာ လေ့ကျင့်ခန်းလုပ်သည်။ စုလင်း သူ့ရဲ့ Pheromone အနံ့က နတ်ဘုရားရဲ့ အာရုံစူးစိုက်မှုကို အနှောင့်အယှက်ဖြစ်စေမည်ကို စိုးရိမ်သောကြောင့် Gymခန်းကို မလိုက်ဘဲ အိမ်အတွင်းမှာပဲ အနည်းငယ် ခပ်ဖွဖွ အပြေးလေ့ကျင့်ခန်းလုပ်လိုက်သည်။ နာရီဝက်အကြာတွင် လေ့ကျင့်ခန်းလုပ်ခြင်းကြောင့် သူ့ခန္ဓာကိုယ်ပေါ်ရှိ pheromoneရနံ့က ပြင်းထန်လာသည်။ စုလင်း နဖူးမှ ချွေးများကို သုတ်လိုက်ပြီး ဧည့်ခန်းထဲမှဖြတ်ကာ ဧည့်သည်အခန်းဆီသို့ ရေသွားချိုးရန် လျှောက်လာခဲ့သည်။
ESTÁS LEYENDO
ဥက္ကဋ္ဌကြီးရဲ့ အိုမီဂါဇနီးလေးအဖြစ် ပြန်လည်မွေးဖွားခြင်း
Fantasía▪️Title - Rebirth to become the president omega's wife ▪️Associated name - 重生豪门总裁的O妻 ▪️Original Author - Hanmen Yatou( 寒门丫头) ▪️English Translator(s) - Isohungry Translations ▪️Original Publisher - JJWXC ▪️Year - 2019 ▪️Status in COO - 87 Chapters (C...
Chapter - 59
Comenzar desde el principio