البارت 20 💜✨
البارت ده اهداء لسما (ثمثومة) حبيبتي🥺💜✨
اللى اقدر اقول عنها ✨دي اللى جنبي من البداية خطوة خطوة كانت معايا دي في سمايا ولا النجوم✨
ويلا نبدأ البارت بس مننساش قول حبيبنا محمد
"وإني مُباهٍ بكم الأمم يوم القيامة"
ما تصلوا عليه كده💜✨
____________________________
كانت تسير في الشركة لتسمع بعض الهمهمات والنظرات الموجهه نحوها لتنظر بإستغراب قليلا ثم تجاهلتهم واكملت طريقها لتبصر ليلي التى سرعان ما رأتها حتى ابتسمت لها لتتقدم نحوها وتحتضنها قائلة
"وحشتيني بجد"
ابتسمت ليلي وهي تبادلها العناق
"وانتِ كمان ايه اخبارك"
"اهو شغالين في مرمطه ومشاريع وتعالى علشان هتتسحلى معانا"
"يلا وريني عملتوا ايه"
توقفت ريم على أحد المكاتب تعرض عليها كل ما فاتها لتسمع احداهن تقول
"ماشية وعاملة فيها البريئة وهى مقضياها مع الباشمهندس"
رفعت ريم نظرها لتلك الفتاه بعدم فهم بعدما لاحظه عين تلك الفتاه عليها طيلة حديثها لتتسائل
"عفوا تقصدي ايه؟!"
انتبهت ليلي لما يحدث لتجد الفتاه الاخرى تذم شفتيها بسخرية وهى تنظر إلى ريم نظرات احتقار
"ما بلاش شغل الخضرة الشريفه ده انتِ طالعه نازلة مع باشمهندس عمر ومقضياها ضحك وهزار وكمان كذا مرة تركبي معاه العربية"
"وياريتها جت على باشمهندس عمر بس ده حتى شوفتها كذا مرة واقفه تضحك مع الباشمندس تيم"
نطقت بها فتاه أخرى لتتوسع عين ريم وهى تطالعهم بعدم تصديق والدموع تتجمع في مقلتيها
تفاجئت ب ليلي وهي تصيح بهما
"ما تحترمي نفسك انتِ وهى مش عيب لما تتكلمى بالشكل ده عن واحده متعرفيهاش ولا عاشرتيها؟! انتِ مش بس غلطتي فيها لا انتِ كمان غلطتي في اتنين ماسكين ادارة الشركة يعني مدراء عليكم انتو الاتنين ... ايه اللى يخليكي تقولي كده وتظني السوء في الناس؟!"
لم تتحمل احداهما حديث ليلي لتصيح قائلة
"وانتِ تعرفي عن شركى العمايري انهم بيقبلو متدربين تاني بعد ما العدد كمل؟ اهى دى دخلت عادى تفسري ده ب ايه؟"
"والله ده شيء ميخصكيش انتِ مش ماسكة مدير ادارة الشركه انتِ جاية هنا تدربي وبس"
أنت تقرأ
خبر صحفي (قيد التعديل)
Short Storyكانت تعتقد أنه مجرد "خبر صحفي" تكتُبه ولكن الأمر لم يكن كذلك فمجرد "خبر صحفي" صغير احتل بضعة أسطر في جريدة تغيرت حياتها بالكامل. في الجانب الأخر كانت حياته مستقره حتى سمع بخبر كتب عنه ليثور غضبه فيقرر أن يثأر لذلك ولكن يتدخل القدر لتنقلب الموازين ف...
