" ငါ ယုဂန်ကို ပြန်ခေါ်မယ်"
ထို့နောက် သူသည် ယုဂန်ကိုချီပွေ့ရင်းနှင့် ဆက်လက်ထွက်ခွာသွားသည်။
" အစ်ကိုတော် နေပါဦး"
နန္ဒတားသော်လည်း အရုဏမရပ်တန့်ပါချေ။
စံအိမ်တွင်းရှိ ရံရွေတော်နှင့် အစေခံများဟာလည်း မင်းသားကိုမတားဝံ့သည်မို့ အနောက်သို့ ရို့ရို့ကျိုးကျိုးဆုတ်ကာ လမ်းဖယ်ပေးကြသည်။ အရုဏ သွားနေသည့်လမ်းကြောင်းအရ မြင်းပျံဇောင်းရှိရာဆီ သွားနေသည်ဟု ခန့်မှန်းရသည်။
နန္ဒ လေပူတစ်ချက်မှုတ်လိုက်မိသည်။
" ငါတော့ အနောက်က လိုက်မှနဲ့တူတယ်။ ပီယံ့ကို အစ်ကိုတော်အရုဏ ထွက်သွားတဲ့အကြောင်း သတင်းပေးလိုက်ပါဦး"
" ဟုတ်ကဲ့ အရှင့်သား"
စောရံကို မှာကြားပြီးသည်နှင့် အရုဏနောက်သို့ နန္ဒပြေးလိုက်သွားသည်။
ထင်သည့်အတိုင်းပင် အရုဏသည် မြင်းပျံဇောင်းရှိရာဆီ ထွက်ခွာသွားပြီး ယင်းမှ မြင်းပျံတစ်စီးကို ရွေးယူသည်။
ထို့နောက် မြင်းပျံအပေါ် ယုဂန်ခန္ဓာကိုယ်ကိုတင်ကာ သူက အနောက်မှ ထိန်းကိုင်၍ မြင်းပျံနှင့် ပျံတက်သွားသည်။
နန္ဒသည်လည်း အနောက်မလှမ်းကမ်းမှလိုက်ကာ မြင်းပျံနောက်တစ်စီးယူ၍ အရုဏနောက်သို့ လိုက်လေသည်။
အရုဏသည် နန္ဒလိုက်လာမှန်းသိရှိ၏။ သို့တိုင် နန္ဒကို မျက်ခြည်မဖြတ်ခဲ့ခြင်းမှာ နန္ဒကိုပါ လိုက်ပါလာစေကြောင့်ဟု ယူဆရသည်။
သူတို့အတန်ကြာ ခရီးနှင်ရ၏။
နေ့မွန်းလွဲချိန်၌ စတင်ခရီးထွက်ခဲ့သည်မှာ ယခု ညနေစောင်းပင် ကျော်လွန်သွားပြီဖြစ်သည်။
နန္ဒသည် မြင်းပေါ်၌ ပျင်းရိပျင်းတွဲလိုက်ပါလာသည်။
တဖြည်းဖြည်းနှင့်သူဟာ ချမ်းအေးခြင်းကို ခံစားလာရသည်။
ညနေမို့ အေးလာခြင်းမဟုတ်။ ဟီရရှိ ဆောင်းရာသီထက် အဆတစ်ရာအေးသော ရေခဲတမျှအေးစက်ခြင်းမျိုး ရောက်ရှိလာခြင်းဖြစ်သည်။
ထိုအခါမှ နန္ဒသည် မိမိရောက်ရှိနေသည့်နေရာကို ငုံ့ကြည့်မိသည်။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
Chapter : 140
Start from the beginning
