"මොකද ඔහොම බලන්නේ?"
අහිංසා ඇහුවේ ඇහිබැමකුත් උස්සලා.
"නෑ...ඉතින් එක්කෙනෙක් නෑ කිය කිය කරන හැටි බැලුවේ"
මුතූ ගස්සලා පද්දලා නලවලා කිව්ව දෙයින් දශමයක්වත් අහිංසාට තේරුනේ නෑ.
"කරන හැටි කිව්වේ???"
මුතූ ඒ පාර ඉන්න තැනින් ඉස්සරහට ඇවිත් අහිංසාගෙ පිටිපස්සෙන් ඇවිත් ඇගේ උරහිසට නිකට තිබ්බේ රහසක් කියන්න වගේ.
"ආදරේ...ආදරේ...ආදරේ ඒ..ඒ...ආදරේ.."
ඇය ඒක කිව්වේ ගීතයක තාලයකට.කන ගාව සිංදු කියන මුතූගෙ හිසට අහිංසා ටොක්කක් ඇන්නේ ඇගේ කෝලම් එන්න එන්න වැඩි නිසා.මුතූ රිදුම් දෙන හිස අල්ලගත්තේ මූණත් ඇද කරගෙන.
"ඕනවට වඩා වැඩියි දැන්"
"ඉතින් අනේ ඇත්තනේ කිව්වේ..නිකී අයියා එක්ක තාමත් කේන්තියෙන් උන්නට තෑගි දෙන්න සල්ලිත් එකතු කරනවා"
"ඒ කළගුණ සළකන්න මිසක් වෙන දේකට නේමේ හරී???"
"හා..හා..බලමුකෝ...බලමුකෝ..."
මුතූ ගාණක් නැතිව කියද්දි අහිංසා ඇයට රවලා පැත්තකට උනේ මුතූ එක්ක කතා කරලා දිනන්න බැරි නිසා.කොච්චර කටකාර උනත් මුතූ සාරංග ගැන කියවන හැම වතාවෙම ඇගේ මුව වැහෙන්නේ හිතට අමුතු හැඟීමක් දැනෙද්දිමයි.
.....💜....... R I T H U S A K U R A .......💜️......
මුතූ වෙනදා වගේම බස් එකෙන් යද්දි අහිංසා පියල් එක්ක ගියේ පොද වැස්සකුත් පටන් අරගෙන තියෙද්දී.පියල් වාහනේ එළවන දිහා අහිංසා බලාගෙන උන්නේ ආසාවෙන්.
"මාත් මේ අවුරුද්දෙ කොහොම හරි කාර් එකක් ගන්නවා.එතකොට පියල්ට මගෙන් වදයක් නෑ"
අහිංසා එකපාරටම කියද්දි පියල් මඳක් පිටිපස්සට හැරිලා හිනා උනා.
"අනේ ඉතින් අහිංසා නෝනාව එක්කන් යන එන එක මට වදයක් නෙමේ"
"ඒ උනාට හැමදාම අයියලාගෙනුයි අප්පච්චිගෙනුයි යැපෙන්න බෑනේ...ආසාවට හරි එකක් අරගන්න මට්ටමට දියුණු වෙන්න ඕනේ"
"එහෙනම් ගන්න කළින් බය ඇරෙන්නත් එක්ක මේක තනියම පැදගෙන යන්න..."
YOU ARE READING
සන්තානේ - දෙහදක් 2
Romanceතෙතක් නැති රළු හිතට ආදරය කියා දුන් නුඹයි මගේ හද සන්තානේ...
