ماطلبت عذرك أنا نفسي عزيزة

Part : 43

في الرياض | في المستشفى تحديدًا |
جالسه عبير تاخذ جرعاتها وتسوي تحليلاتها وحمدان جالس برا منتظرها شويات وطلعت له الدكتورة وعبير
ابتسمت الدكتوره بتسليك واشرت لحمدان انها تبي تكلمه وراح وراها : اعذرينا ثواني أستاذه عبير .
عبير ببتسامة: خذو راحتكم ،
حمدان بخوف : وش فيه يادكتوره ؟
الدكتوره بتنهيده وهي تهز راسها بأسف : العلاج زي ماتدرون متأخر مره معها ومع ذالك جالسين نحاول نساعدها بالعلاج بس الواضح ان ايامها قليله وماله طالع بيدنا شي
حمدان ابتسم إبتسامه جانبيه بانت فيها الضيق وتنهدت الدكتوره بضيق ماتدري وشلون تواسيه : عالعموم لا تياسوا وواصلو العلاج الشافي هو الله وحده ولأ شفاء الا شفاءه وعسى الله يشفيها شفت كثير حالات كذا وبفضل الله اغلبهم قدرو يهزمون المرض الخبيث ذا وهو بآخر مراحله
حمدان : ان شاء الله ( مشت الدكتور ورجع حمدان لعبير ببتسامة) ودها حبيبتي نطلع مكان ونغير جو ؟
عبير ببتسامة وهي ملاحظه الضيق بوجهه حمدان : لا خلنا نروح للإسطبل نساعد الباقي
حمدان : ماعليه الشغل يتأجل
عبير بضحكه : لا حمدان الشغل مايتاجل الطلعات تتأجل عادي
ابتسم حمدان وقال : طيب ياقلبي شرايكِ تستريحين اليوم فالبيت ؟ لا تتعبين نفسك
عبير : حمداان تكففى احب اجتمع معاكم ماودي اجلس بالبيت وحدي ملل
حمدان بتنهيده : طيب ياقلبي براحتك يلا نروح للاسطبل
عبير ببتسامة: يلا

نروح للاسطبل | عمر وحمد عبدالمحسن جالسين مع خالد و رائد يتفرجون بس اما فيصل وناصر وسياف وسعود مشغولين بالتدريب وندى معهم .
ناصر قرب من ندى وهو يقول : ندى ابي منكِ طلب
ندى : برسل لك الرقم واتس
ضحك ناصر من فهم ان ندى فاهمه وش يبي : مشكوره ندوش
ندى ببتسامة: الله يتمم لكم على خير اذا في نصيب
ناصر ببتسامة: اميين
فيصل بصراخ : ندى ناصر شوفو شغلكم مو وقت سواليفكم ،
ضحكت ندى وقالت : عاجبك ؟ ( مشت ندى اكمل تدريب وشرح للمتدربين البنات ) غزل : كوتش ندى
ندى : تفضلي !
غزل : ممكن أسال سؤال يعني لو ماتفهميني غلط
ندى : اسالي ؟
غزل ناظرت سياف اللي كان مشغول بالتدريب مع إثنين جداد معهم وقالت : المدرب سياف مرتبط ؟ يعني مخطوب متزوج ولا ؟
ندى ناظرت غزل والاستغراب واضح عليها من جراءتها وسؤالها فكرت شويه ندى وبعدها تكلمت : لا ماله مخطوب ولا متزوج ولا حتى مرتبط ماعنده سواليف الارتباط
ابتسمت غزل ولاحظت ندى ابتسامتها وكملت كلامها : بس في بقلبه وحده لا تتعبين نفسكِ
غزل بصدمه : كيف هي تحبه ولا ؟
ندى هزت كتوفها بمعنى مدري : ما ادري هي بنت عمه وتزوجت من فتره بس لعلمك محد يقدر يسكن قلبه غيرها لا تتعبين نفسكِ وتحرجين نفسكِ على الفاضي والافضل ماتحطين حد من اخوانيي ببالكِ ( شدت ندى على كلمه اخواني وكانت تقصد سياف وفيصل وناصر وحمدان وسعود لانهم بنسبا لها اخوانها اللي ماجابوهم اهلها ) ، صدت ندى وهي تكمل تدريب ، كشرت غزل وبان الضيق عليها بس حاولت تواسي نفسها ان عندها فرصه دام اللي يحبها سياف ماهي له ،،