شروق الآدم ( دولا مجانين )

part 26

                                                《سنن مهجورة 》
لبس البياض من الثياب
قال رسول الله صلى الله عليه وسلم
" البسوا من ثيابكم البياض فإنها من خير ثيابكم وكفنوا فيها موتاكم "

"""""""""""""""""""""
كانت ندى تجلس مع طفلها الصغير محمد تذاكر له دروسه لتردف بترجى : .....ابوس ايدك ....انا كل إلا طالبه منك بشلن تركيز ولا اقولك بنكله هيه نكله ........ ليه بقى عشان عايزين نزق اليوم سوا .... عشان اليوم يعدى لان مراراتى فرقعت خلاص شطبت .... وابوك بيتلزقلى على كلمه وانت عارف امك بريئه اوى .... لتكمل بتسأل : ....سؤال سهل ...ليهز راسه ويردف بإيماء ...هممم.... لتكمل وهى تقول .....قولى يجلس يقعد يفرش على الأرض ...يعنى ايه بالانجلش الVerb بتاعها ايه ...ليردف الطفل مجيبا sit ... لتردف بتشجيع : ....الله ....الله عليك يا حبيب والديك والله يابنى ربنا يفتح عليك ......جاى من بطن عالمه يسلم البطن إلا شالتك this my boy
لتكمل بأمر ....حطهالى بقى فى جمله ...... بس بصى ابسط جمله فى الكوكب.....عشان ميبقاش فيه احتمال للغلط..هاااا سمعنى ....يلا ...
لتجده يجيبها بمرح : ست الحبايب يا حبيبه ...
ندى بسخط : نعم ....لا وبتلحنها كمان ياروح امك .....ليدخل احمد فى نفس الوقت ليردف بسخرية.....ده ايه عجايب الدنيا دى ....واخيرا شوفتك بتذاكريله ....
لتجيبه بمرح : اى خدمه يا اباشا ..... ليكمل حديثة مخبرا اياها : ...انا داخل اغير عشان شويه وخارج عند صحابى ....ثم توجه لغرفتهم ..... لتوجه انظاره ل ابنها الصغير لتردف بأمر : ....روح يا واد افتح الدراسات عقبال ما اجيلك ....هشوف ابوك غاير على فين ياحسن يكون ناوى يطفش ويسبنا .... واحنا هنروح فين من بعدية

""""""""""""""""""""""""""""""""""""""""""""
لتذهب باتجاه غرفة النوم لتردف بتسأل : انت رايح على فين كده يا احمد ....
احمد بجدية : خارج عند اصحابى النهارده ...استنى .... داخل البس وجاى عشان اخد رايك ...ليذهب ويرتدى ملابس كاجول انيقة ...
ليكمل ارتداء ملابسه بسرعه ويذهب باتجاه ندى ليردف بتسأل : ايه رايك كده
ندى وهى تخرج قلوب من عيونها : ايه ده وحش خالص يا احمد ... ايه ده ..
احمد باستغراب : بجد
ندى باستنكار : ايه الا انت لابسه ده يا احمد
احمد بتسأل : وحش
ندى بتسأل : يعنى انت هتخرج مع اصحابك كده ...
ليردف مجيبا اياها : ايوه
ندى بجدية : لا يا حبيبى انا بحبك تبقى نازل مع اصحابك كده اشيك واحد فيهم ....مش هما اشيك منك
احمد باستعراب : طيب انا مش فاهم طيب
ندى برفض : لاالاااا مش حلو يا احمد
احمد بتسأل : طيب اعمل ايه
ندى بجدية : انا جايبالك طقم ....كنت عملهالك مفاجاة...بس يلا مش خسارة
احمد بفرحه : بجد
ندى بجدية : والله العظيم ....ليردف بتسأل : جوه
لتردف ندى بمرح : طقم كده بتاع ايه موديل امريكانى هيخلك واحد اليجنت خالص
احمد بحماس : بجد احلى من ده
ندى باقتناع : بقولك اااخر جمال.... خش بس البس كده وورينى
احمد وهو يشير لها : انا اختارت صح ....
ندى بشكر : حبيبى الله يخليك ..
احمد : انتى زوجة صالحة ....هخش البسه
ندى : اتفضل
بعد مرور القليل من الوقت خرج احمد وهو يرتدى ملابس من الستينات لتردف بفخر : وااااوووو
احمد بذهول : ...ده ايه ده .....
ندى محاوله كتم ضحكتها : والمصحف ما عرفتك
احمد بصدمه : ايه
ندى بتكرار : والمصحف ما عرفتك ...قمر ...يخربيت الذوق الرفيع والله يخربيت جمال امك
احمد بسخط : معرفتنيش انا صح ...مهو انا نفسى معرفتش نفسى
ندى بمرح : انت مش شايف نفسك موديل .....
احمد : انا معرفتش نفسى
ندى بتكرار وهى تعلى صوتها : موديل امريكانى
احمد باستغراب وتسأل : ...هو مين
ندى بجدية : انت
احمد بذهول : انااا ....انت شكلك شاربه حاجه صفره ......ضاربة ايه قوليلى مهو مش معقول اتصيتى فى نظرك ....ليكمل بتسأل شايفانى موديل بالطقم ده قصدك يعنى .... ولا قصدك بالا كنت لابسه قبليه...
ندى بجدية : هو الطقم ده اصلا ذوق امريكانى
احمد باشمئزاز : ده ذوق امريكانى ...لتردف ندى مجيبه اياه .....ايوه اومال ايه
....بقولك موديل ....قمر ....بس انت بس البس الجذمه هيتظبط ظبطه
احمد باستغراب : هو ده يتلبس عليه جذمه
ندى بتسأل : اومال يتلبس عليه ايه
احمد بسخرية : لا ده يتلبس عليه كوزلك حضرتك ... كنت جبتى واحد من عند بتوع الجزارين
ندى محاوله كتم ضحكتها : طيب امسك بس البنطلون بايدك يحسن هيقع...لتكمل بهيام ....قمر والله قمر
احمد بتسأل : هو مين يا بنتى
ندى : انت ....شكلك تحفه
احمد : انااا
ندى محاوله كتم ضحكتها : والله جميل
احمد وهو يشير باصبعه على نفسه ليردف بعدم تصديق : انا جميل بالطقم ده
ندى بجدية : اوفر سايز وشيك وحلو كده
احمد بسخرية : قولى الصراحه انتى كنتى جايبه لابوكى صح ....بس مرضاش بيه فقولتى تدهونى...
ندى بجدية : والمصحف جايبهواك
احمد بعدم تصديق : بامانه
ندى بجدية : والله
احمد وهو يلطم على وجهه : دى تبقى مصيبه سوده لو انتى جايباه ليا ......وبعدين ثانيه بس هو ده سعره بجد
ندى بجدية : اومال ايه هو انا هستخسر فيك حاجه .....ده اناااا لو اخر جنيه معايا
احمد بصدمه : يعنى القميص ده بالف ومتين جنيه
ندى بجدية : اومال .... انت فاكر هجبلك حاجه رخيصه ولا ايه .... انت مش شايفه عامل ازاى عليك ....
احمد وهو يلطم على وجهه مره اخرى ...ده بالف ومتين جنيه ....
ندى : اومال ايه
احمد بتسأل : والبنطلون بكام
ندى : لالا لا ده كان رخيص كان ب ٩٠٠ بس ..
احمد بصدمه : بكام
ندى بتكرار السعر : ب ٩٠٠ جنيه بس ...
احمد بسخرية : لا رخيص
ندى : اممم اى خدمه ياعم
احمد : ياشيخه كنت ادهومنى وانا هنزل اشترى محل كامل بتمنه .....
ندى بجدية : بقولك ايه متشتريش حاجه رخيصه وتبقى كتيره اشترى حاجه واحده وتبقى شياكه عليك ....
احمد بسخرية : شياكه ايه معلش .... ده انتى مخليانى شبه حزلقوم ....حزلقوم ايه ...ده حزلقوم كان اشيك .....
ندى : هتنزل وسط صحابك الناس هتبقى ماشيه تبص عليك فى الشارع
احمد بسخرية : مهو طبيعى هيمشوا يضحكوا عليا ....اقولك متدخليش فى لبسى تانى ولا عايزك تشتريلى حاجه ....ملكيش دعوه بحاجتى
ندى وهى تصطنع الحزن : ده جزاتى ...ماشى يا احمد .....
ليقوم احمد بالدخول إلى عرفتهم مره اخرى وتغيير ملابسه الى الطقم الكاجول مره اخرى .... ليخرج بعدها ثم استقل سيارته وانطلق إلى منزل صديقه ....
لتذهب ندى إلى غرفة ابنها لتكمل له المذاكرة .....لتردف وهى تقرأ له...العصور الوسطى وتبدا من عام ٤٠٧٦ ميلاديا وحتى عام ١٤٥٣ ميلاديا تاريخ فتح القسطنطينية عاصمة الدوله البيزنطية على يد السلطان العثمانى محمد الفاتح وقد تميزت هذه العصور ب
اردف محمد وهو يمسك هاتفه يلعب : وطى بسرعه... نامى على بطنك واثبتى وانا هتعامل
ندى بغيظ : ... انت بتعمل ايه يا حيوان انت
ليردف ببراءة : بلعب بابجى يامامى
ندى بغيظ : جاتك موا .... بابجى ايه ونيلة ايه الله يخرب بيتك يا ابن الجذمه انت ....انا معرفتش اربى على رأى ابوك .... يلا ركز معايا خلينا نخلص من ام الماده دى ...
محمد : استنى اما اخلص الجيم
ندى بغضب : سيب الزفت ده احسن ما اشبشبك النهارده
محمد بغيظ : هوووف عاجبك كده ادينى خسرت
ندى : الحمدلله احسن ....لتمسك الكتاب مره اخرى وتردف بتسأل ....قولى بقى ...عاصمة الدوله البيزنطية ايه
محمد بتسأل : ايه
ندى بغضب : ايه ايه ....انا إلا بسالك ايه هيه عاصمة الدولة البيزنطية
ليردف مجيبا : السلطانية
ندى بسخرية : السلطانية دى بتاعة ابوك يا حبيبى ...اسمها القسطنطينية اسمها ايه
محمد : الكوستنينية....
ندى بسخرية : الكوسته كوستة امك ياروح امك ...اسمها القسطنطينية ...ثم لتردف بتسأل ..مين بقى إلا فتحها
محمد بتسأل : فتح ايه الا لمؤاخذة
ندى : ايه الا لمؤاخذه دى يا حبيبى بتجيب الكلام ده منين ياض اوع تنزل الشارع تانى ...لتكمل ... فتح الكوستن. ..الله يخربيتك نسيتنى الكلمه..القسطنطينية
محمد بضحك : الله ..... وانا ايش عرفنى يا ماما ما تساليها
ندى بغضب : اخلص يا حيوان نعيد تانى
لتقرأ مره اخرى ....العصور الوسطى وتبدا من عام ٤٠٧٦ ميلاديا وحتى عام ١٤٥٣ ميلاديا تاريخ فتح القسطنطينية عاصمة الدوله البيزنطية على يد السلطان العثمانى محمد الفاتح
لتردف بتسأل ...يلا ياض قولى القسطنطينية عاصمة ايه...انطق ...ليردف مجيبا اياها ...عاصمة مالطه...
ندى بغضب : دانا إلا هعلقك ملط الليلة دى يا ابنى الحمار ..القسطنطينية عاصمة ايه يا ساقط يافاشل
محمد : الدوله ال
ندى : هاا
محمد : البي
اردفت ندى وهى بانتظار اجابته بشده : ايوه قول يا حبيبى هااااا
محمد ببراءة : البلرررنتيه
ندى بصدمه : مين
محمد بتكرار : البلررنتيه
ندى بغيظ : بلرررنتيه ايه ...انا هنجلط خلاص ثم لتقوم بسؤاله سؤال آخر ....مين إلا فتح القسطنطينية يا حبيبى ...
محمد : معرفش
ندى : طيب هسهلهالك..اسمه جاى من كلمة فتح يا بابا .....تفتكر اسمه ايه بقى... فتحى فتوح مفتاح فتح الله فتح الباب هااا محمد الفاتح مثلا يعنى مثلا ...لتجده يجيبها : عبدالفتاح
ندى بصدمه : نعم....مين
محمد مجيبا : عبد الفتاح السيسى ...ايه عندك اعتراص
ندى بغيظ : اطلاقا يا حبيبى .... بس الشبشب إلا هيعلم على وشك دلوقتى هو إلا عنده اعتراض....