متنسونيش فى الفوت يا كاريزمات هانم
"""""""""""""""""""""""""""""""""
الحارس : ايوه يا باشا جبتلك كل المعلومات عن البت إلا بعتلى صورتها
مالك بغضب : اخلص قول ..... هو انا هستنى حضرتك تكلم
الحارس باعتذار : اسف يا باشا .....ليكمل بجدية .....إلا عرفته أن المفروض النهارده كتب كتابها وهربت وعرفت كمان ان هيه
مالك مقاطعا اياه : خلاص مش محتاج غير كده .....قام مالك بإنهاء المكالمة مع الحارس ثم توجه للداخل
مالك بتسأل : انتى عايزانى اتاويكى عشان هربانه من جوازتك
ولاء بصدمة لمعرفته : اه تاوينى وخلاص
مالك بجدية : بشرط
ولاء لنفسها : ..اهو بدأنا شروط ... كان زمانى متستته ومتجوزه حمدى وكرشه مش هيفرق
ولاء بمرح : لا استنى ...... متقولش انك عايز تتجوزنى وبعدها تجلدنى وتحبنى وبعدها نعيش فى تبات ونبات
مالك بسخرية : ايه الخيال إلا شاطح عندك ده ....اتجوزك ليه أن شاء الله ...من قلة البنات
ولاء بسخرية : يا اخى اتوكس يعنى هتلاقى مين تتجوزك غيرى .... هو انت لاقى .....السوق بايظ اليومين دول.....والدهب غالى ...بوس ايديك وش وضهر ان انا اقبل بيك ... هااا قولتى ايه
هنتجوز ايمتا خلص ولخص كده....
مالك بسخرية : والله انتى إلا بايره ..... على اساس كنتى هتتجوزى حمدى
ولاء باشمئزاز : ليه بقى السيرة الا تقرف دي ....مش ناقصه وجع بطن ....
مالك بجدية : ...خلاص بطلى رغى عايزه تسمعى الشرط ولا امشى
ولاء بتسأل : اخلص قول
مالك بجدية : هتيجى عندى البيت .... بس على اساس انك حبيبتى
ولاء بصراخ وغضب : نعم يا اخويا ...حبك برص ياض ...لا دانا اشرحك ....ده انا من بطن الجاموسه ايوه ...هتفكر تلعب بديلك هدبحك واسلخك زى الديك الرومى
مالك بغضب : فى ايه..... هو انا بقولك نامى معايا..... دانتى يدوب هتقعدى مع جدتى وتفهميها ان احنا بنحب بعض ....
ولاء بتسأل : نعم ...واخرتها ايه أن شاء الله
مالك بجدية : شوية وهشوفلك مكان تتلقحى فيه وبعدها انا هتصرف مع جدتى
ولاء : خلاص ماشى موافقه اهو حد لاقى
مالك بجدية : طيب يلا بينا
ولاء بجدية : طيب يلا ورايا
توقف مالك ثم قام برفع حاجبه ليردف : .....وراكى فين ان شاء الله انتى إلا جايه معايا مش العكس
ولاء بتفكير : اه صحيح نسيت ....والله عندك حق
قام مالك بالاتصال على الحارس ليقوم بتجهيز السيارة وثم قام بدفع تكاليف المستشفى ثم انطلقوا إلى السيارة
مالك بجدية : اركبي يلا ...ومن ثم قام مالك بتوجيه انظاره للحارس لينطلق واردف بأمر...اطلع بينا على الفيلا الرئيسية
ولاء بتسأل : هو احنا كده هنروح عند جدتك يا اخينا ولا هنروح فين
مالك بجدية : هنروح الفيلا إلا جدتى ساكنه فيها بس مش هتقابليها النهارده ...
ولاء بتسأل : مش هقابلها ليه
مالك ببرود : ....عشان الوقت متاخر واكيد هتكون نامت
بعد وصول مالك إلى الفيلا الخاصه به ....
ولاء بمرح : يادى العز ...ايه ياض الجمال ده ...ما تتجوزنى ياض وتكسب فيا ثواب ...وانا الموكوسه إلا كنت بقول اتجوز كرش حمدى ...شالله تكسب وتربح يلا نتجوز....
قام مالك بتجاهل كلامها ثم تحدث ليردف : .. بطلى قر بقى...يلا تعالى ورايا.....دى أوضتك من النهاردة....لو عوزتى حاجه ابقى قولى للخدامة وهيه هتعملهالك
ولاء : طيب يعنى مش هنتجوز
مالك بزهق : جواز اما يلهفك...
ولاء بمصمصه : خلاص عنك انا العايبه .....على رأى المثل سيب الحلو على هواه هيرجع بعد ما ياخد على قفاه
مالك بجدية : ....بطلى بدل اما اوديكى لحمدى وكرشه تتجوزيهم......طالما ملهوفه على الجواز اوى كده
ولاء بمرح : ايه ياملوكه بهزر مبتهزرش يا صلاح ....يلا تصبح على خير ...
ومن ثم توجه مالك إلى غرفته ليقوم بتغيير ملابسة ويغط فى نوم عميق ...فى الصباح كانت الخادمه تطرق باب غرفة ولاء والتى كانت نائمة كالاموات ....
الخادمه بنداء : ياهانم......يا هانم.... فوقى
..ولاء بفزع وهى تلتف حول نفسها : ياااااالهوى اكيد بنولع طفونى....حررررريقة... اطلبوا المطافى بسرعة....حرام عليكى يا وليه يا عقربه انتى.. طفينى....كده ملوكه مش هيرضى يتجوزنى....
الخادمه بتسأل : حريقة ايه بس يا هانم ما انتى زى الفل اهو ....مالك بيه قلى اجى اصحيكى وهو مستنيكى تحت على السفرة عشان الفطار
ولاء بنعاس : طيب الحمدلله ان انا لسه مولعتش ......اوعى اكون ولعت وانا مش واخده بالى .....لو حصل وولعت فى يوم ابقى طفينى يكشى تكسبى وتربحى...
... وبعد قليل من الوقت استوعبت ولاء كلام الخادمة لتردف : طيب انزلى انتى وانا شويه وجايه
ثم قامت ولاء بارتداء ملابسها المكونة من فستان زهرى...... وقامت بارتداء حجابها الذى زادها جمالا ثم توجهت للأسفل
ولاء للخادمه : ....لو سمحتى فين أوضة السفرة
قامت الخادمه بتوجيه ولاء للغرفة
ولاء بذهول : كل دى تربيزة ....انت هتاكل كل ده ...ايه اتفجعت ....ويقولوا البلد داخله فى حالة مجاعه ...عشان كده البلد هتفلس من تبذيرك .....قولى انت سارق الفلوس دى منين ...عشان اعمل زيك
مالك ببرود : والله شوية وانا الا هعيش فى مجاعه من قرك ده
ولاء : لا انا مش بقر على زوجى المستقبلى .....خلى فى علمك ......بس ايوه لو متجوزتنيش هقر عليك وقتها هجيبك الأرض ......من قرى هتيجى على وشك ....اسمع كلامى وخد نصيحتى ...بيقولك اسمع كلام الأقرع واستشيره...ده شعره وقع من كتر تفكيره ...بس متقلقش زوجتك المستقبليه ليست بقرعه
الجدة بمقاطعه : انتى مين ...
ولاء بمشاكسه : محسوبتك ولاء يا ستى ...
مالك بجدية : دى ولاء يا تيته صديقه.... هتشرفنا كام يوم
الجدة بمشاكسه : صديقه بس
ولاء وهى توجه انظارها صوب مالك : ....بص ...والله اهى الولية دى بتفهم .....لتكمل ولاء بمرح : والله يا تيته عماله اقوله يلا نتجوز مش سامع كلامى ....
الجدة : طيب يلا نفطر وبعدين نكمل كلامنا ....ونشوف حكاية يلا نتجوز
""""""""""""""""""""""""""""""
شروق بغضب : غايرة...محسسنى انى ميته فى دباديبه ولا خارجه من الجنه..ده انت وشك يقطع الخميرة من البيت
ملك وقد اتت على الصوت المرتفع : فى ايه يا شروق ...ايه إلا حصل ...صوتكم جايب آخر الدنيا
شروق بغضب : مش طايق نفسه وقاعد يجعر زى الحمار ....يارب يا تاخدنى يا تاخده...وترحمنى
ملك بجدية : خلاص اهدوا.....ووطوا صوتكم العالى ده
آدم لملك : خدى البت دى من وشى عشان مرمهاش من البلكونه دلوقتى .....
شروق بغضب هى الأخرى: يلا يابت يا ملك ننزل تحت منقعدش جمب الجاموس....ولا اقولك خلينى ساكته احسن
وبالفعل نزلت شروق وملك إلى الصالون لتردف شروق بجدية : روحى يابت يا ملك هاتى العصير والفشار خلينى نبلع كلام الحمار آدم ونشوف الاخت ياسمين عز منزله ايه
وبالفعل قامت ملك باحضارهم لتردف : اهوم .....
شروق : تعالى يابت شوفى الفديو ده
وكان المقطع عباره عن ياسمين عز تعطى نصائح لتردف : الحكمة بتقول ايه ياست الكل
شروق وملك بفضول : ايه ياست الكل
ياسمين بجدية : حطى جوزك فوق السطوح لو ليكى نصيب فيه مش هيروح نقطه
شروق لملك بمرح : طيب وليه مانحطوهش فوق السطوح وماطرح مايروح يروح .....الوليه دى محسسانى أن انا مربية فراخ
ملك بتسأل : طيب لو انا معنديش سطوح
شروق بغضب : اخرسى خالص مش هينفع نكسر كلمه لياسمينه لو معندناش سطوح يبقى ....حطى جوزك على السرير لو ليكى نصيب فيه مش هيطير ...يلا هبد بهبد بقى مهو كل واحد يهبد إلا هو عايزه
ملك بجدية : طيب وليه منعكسهاش مثلا .....حطى جوزك جوه النيش لو ملكيش نصيب فيه مش هيعيش ......ولا اقولك حطى جوزك فى الدولاب وان شاء الله حياتك كلها تبقى هباب
شروق بمرح : والله عليكى نور يابت ....ربنا يفتح عليكى يا شيخه ....الله ...الله ...طيب اقولك على الاجمد ....حطى ياسمين عز على البوتاجاز وافتحى عليها انبوبة الغاز ويلا خلينا نخلص
لتكمل شروق وملك الفديو ليتوقفوا عند مقطع آخر لتردف ياسمين فيه : متحكيش حلاوة جوزك ولا واحشته ولا عيوبه ولا مميزاته لحد خصوصا لواحده
لتردف شروق بغضب : ولا خيبته بردوه ولا تجعرته فى البيت ......انتى عندك حق .....بس جاتك خيبه يا ياسمين مفيش مميزات.... لا وانتى الصادقة قعدتى تقولى فساتين ماركات وهيحبك جاتك خيبه على قيمتك.....
ملك بجدية : يلا نكمل....
ليتوقفوا عند مقطع آخر لتردف فيه : .....اى مكان فى تجمع أو حفله او فرح جوزك فى ايدك الفرعون حتة الآثار بتاعتك فى ايدك ....رايحه التواليت رايحه الحمام تاخديه فى ايدك ....تقوليلوه حبيبى ممكن بس تيجى تستنانى برا ماتسيبهوش فى التجمع والحاجات دى متعرفيش ايه الا يحصل تمام....
شروق بسخرية : عندك حق بردوه ....بس افرضى يا اختى اتمسكت بحته الآثار دى فى كمين اعمل ايه ....هتلبسينى تهمه وخلاص ....ده فرعون بحاله بردوه مش حاجه و السلامه
ملك بمرح : قوليلهم والله يا حضرة الباشا ده تبع ياسمين عز .....او اقولك على حاجه احسن ارميه فى اى ترعه تقابلك ولا من شاف ولا من درى
شروق بفضول : طيب افرضى مات
ملك بجدية : مش مهم...مش من قلة الرجال ....بس بردوه هو وحظه ده لو بيعرف يعوم
شروق باقتناع : والله عندك حق ...
ليقوموا بتشغيل المقطع مره آخره لتردف : الله يخليكى ويعليكى دنيا واخره ومع احترامى لكل الناس متعزميش صاحبتك فى البيت وتسيبيها قاعده جنبه فى الصالون وتروحى انتى تجيبى العصير من المطبخ .... النهارده انتى تجيب العصير من المطبخ بكره هيه تجيب الشربات .... متعرفيش النفوس .... هل احنا بنعمم ابدااااا هل بقول كل الصديقات ابدااااا بس حرص ولا تخون
شروق : لا يا اختى من الناحية دى متقلقيش انا قريب هقدم الشربات فى خطوبته مش هيه الا هتجيبه ....بس لو ضيفه على رايك ده مين يقوم اكيد مهقومش فرعونى الكبير اخاف على رجليه يجيله كساح .... بردوه انا بحبه ده مهما كان جوزى ..... يبقى مين متبقى .......الضيفة هيه الا هتقوم ان شاء الله تخدم نفسها وتخدمنا معاها ....ايه رايك يا بت يا ملك
ملك بسخرية : والله عندك حق
الجدى بغضب : جاتك كسر حقك انتى واياها
BINABASA MO ANG
شروق الآدم ( دولا مجانين )
Romanceشروق : اصل مقولتلكش الاوضه زى ما تقول كان بيسكن فيها معيز وبقر ومعفنه فقولت انضفها آدم لنفسه : بيسكن فيها معيز والله المعيز مبقتش بتسكن فيها غير دلوقتى آدم : وانك تكبى عليا مايه وانا نايم ده من ضمن التنضيف. شروق : يقطعنى يا حبيبى مشفتكش لهو انته ك...
