الفوت ياكاريزمات هانم
"""""""""""""""""""""""""
الجدى بغضب : جاتك كسر حقك انتى واياها... قوموا اتخمدوا بدل الصداع إلا انتوه عاملينه ده عشان هنتحرك الصبح بدرى
لتهرول ملك وشروق كل واحده الى غرفتها .....
لنجد ملك تذهب إلى السرير وتفتح صورة شخص ما لتقوم بتقبليها ثم تردف : هترجع ايمتا وحشتينى اوى ......بحبك ....يلا تصبح على خير ياحبيبى ....
توجهت شروق إلى غرفتها لتجد آدم نائم لتردف : ...يلا اهو نوم الظالم عباده ..... نام نامت عليك حيطه ......لا وكمان واخد السرير لحسابه مش المفروض هو إلا ينام على الأرض......
ثم لتكمل حديثها مع نفسها : ....يلا انام انا على الأرض النهارده وامرى لله
"""""""""""""""""""
فى الصباح الباكر استيقظت شروق لتردف بوجع : اه يارقبتى حسبى الله ونعم الوكيل فيك ...... نايم ولا نوم البقره وسايبنى انا مرميه هنا ......عايزه ازعج نومه زى ما رقبتى وجعتنى ........ لتقوم بتشغيل مهرجانات الشوارع بأعلى صوت وتقوم بالغناء معها
ليقوم بفزع من نومه ليردف : فى ايه ...... ايه الإزعاج إلا عملاه على الصبح ده ......النهارده بقى هتنضفى الأوضة عشان عامله ايه ......اوع تقولى زى حظيرة الفراخ المره ديه
شروق بمرح : لا متقلقش دانا بس هجهز الشنط ياروحى
آدم وهو يقترب منها ليردف : بتجهزى الشنط ياروحى
شروق بتوتر : انت بتعمل ايه يا جدع انت ...خليك عندك متقربش
قام آدم بالاقتراب من اذنها ليردف بهدوء : والا بيجهز الشنط محتاج يعمل الازعاج ده كله .....تعرفى اقسم بالله لو كنتى مراتى بجد لكنت علقتك بس اهدى عليا ..... ادينا راجعين وهتشوفى ....انا الا هعلمك الادب من هنا ورايح
شروق وهى تحاول اخفاء توترها من قربه منها : هنشوف يا عريس.... بالله عليك ابقى اعزمنى متنسنيش هااا .... دانا هظبطك...ده احنا مهما كان عشره بردوه ولا ايه ....يلا بقى روح جهز شنطك عشان أنا كمان الحق اجهز شنطى
ادم بجدية : ليه وانتى مش هتجهزيهالى
شروق بسخرية : لا ياحبيبى وانت اتكسحت ولا اتشليت ... لتكمل حديثها بغرور : بس عندى شرط لو عايز اجهزهالك ...
آدم بتسأل : ايه هو
شروق بجدية : تقولى لو سمحتى يا شروق هانم الجميلة جهزيهالى بليزززز
آدم بابتسامه خبيثة وهو يقترب منها ...
شروق بتوتر : ياعم انت جره لعقلك حاجه النهارده ولا ايه اوع تكون سخن ... من الصبح وعمال تقرب ماتخليك عندك وخليك شخص محترم وراقى...
ادم بخبث : يابت عشان تسمعى عدل
شروق بتوتر : لا مش عايزه اسمع
ادم بضحك لانها لم تستوعب ما فعله بعد : ...خلاص انتى حره .....جهزى الشنط بقى اديكى قولتى بنفسك مش عايزه تسمعى
شروق بذهول بعدما استوعبت تلاعبه : خلى فى علمك كده غش .... انت ضحكت عليا
ادم بثقة : مليش دعوه انت قولتى بنفسك مش عايزه تسمعى .....انتى الا رفضتى بنفسك كده انتى خسرتى الشرط
لتذهب شروق بغيظ وتكمل غنائها بصوت مرتفع حتى تستطيع ازعاجه : اقولك على إلا سهرنى يارجب ولااقولك على إلا بكانى يارجب واصورلك حياتى من غيرك يارجب اااه
"""""""""""""""""""""""""
ليأتى لآدم اتصال هاتفي ليرد .....
آدم بجمود : اهلا
ليلى باستغراب : ازيك ياحبيبى .....اول مره يعنى تكلمنى بفتور كده ومتقوليش يا روحى او حاجه عملت ايه فى موضوعنا
ادم بتردد ان يخبرها : فتره كده وهاجى اخطبك .....
ليلى بخبث : فتره ايه يا ادم.... بابا ناوى يخطبنى وانا مقدرش اقوله بحب واحد أو الكلام ده
ادم بجدية : خلاص يا ليلى كام يوم بالكتير وهظبط دنيتى وهاجى اخطبك اخلص بس شويه حاجات فى المهمه إلا ماسكها
ليلى بخبث : مهمة ايه وحاجات ايه
ادم باستغرب : بتسالى ليه عن المهمه ....
ليلى بتوتر محاوله اخفاءه : ياحبيبى مقصدش بس اصل مهمه تاخدك بعيد عنى كده مينفعش
آدم بجدية : تمام عايزه حاجه ..... يلا سلام
آدم لنفسه باستغراب : اول مره اكون مش عايز اكلمها
آدم محاولا تبرير الامر لنفسه : اكيد عشان ضغط الشغل والمهمه مش قادر افكر فى حاجه تانى
"""""""""""""""""""""""
على الطرف الآخر ....
ليلى باستغراب : حاسه ان فى حاجه غلط
الشخص بتسأل : ايه الغلط مش هيخطبك وخلاص
ليلى باستغراب : ده اول مره ميقوليش حبيبتى وهو إلا يقفل الاول وميكنش حابب يكلمني
الشخص بخبث : اوع تكونى حبتيه
ليلى بتوتر : أحبه أيه بس انت كمان
الشخص بجدية : خلاص مش مهم ..... بس تعرفى اكيد هينبسط منك بالخطوة دى
ليلى بخبث : طبعا هو انا اى حد بردوه ....
الشخص بخبث : طيب ..... تعالى هنا بقى نكمل كلامنا
"""""""""""""""""""""
لتذهب شروق باتجاه آدم لتردف : انا خلاص جهزت الشنط وجدو وملك جهزوا مش هنتحرك
آدم بجدية : اه يلا ....اصل عندى ليكى مفاجآه هتعجبك اوى
شروق باستغراب : مفاجآة ايه ....ولا اقولك مش مهم اهو يا خبر بفلوس بعد شويه يبقى ببلاش ......يلا نزل الشنط عقبال ما اروح اساعد جدو...
لتذهب شروق لغرفة الجد لتردف : السلام عليكم ياجدى محتاج حاجه اساعدك فيها
الجدى بجدية : ملك خلاص لمت كل حاجه .....شيلوه الشنط وودوها العربية
لتقوم ملك وشروق بحمل شنطها وشنط الجدى ووضعها فى سيارة ملك وقام آدم بوضع شنطه هو وشروق فى سيارته
الجدى لملك : يلا يا ملك احنا وهما هييجوا ورانا
قام الجد وملك بالانطلاق بسيارتهم
آدم قام بفتح باب السيارة لشروق : يلا اركبى
شروق باستغراب : ايه الجنتله إلا حلت عليك فجاءة دى ....ولا عشان المفاجأة
آدم بخبث : ايوه عشان المفاجأه ....دانا متاكد انها هتعجبك اوى ....عارف انك بتحبيها اوى
شروق بحماس : اما نشوف ....ليقوم بالانطلاق بسيارته
شروق بعد قليل من الوقت من انطلاقهم : ما تشغلنا حاجه كده نسمعها
آدم بخبث : عندك البتاع اهو شغلى
شروق باستغراب : ده ايه الكرم إلا نازل عليك ده ....يلا اهو احسن من مفيش لتقوم شروق بتشغيل اغنية رومانسية
آدم بضحك : اول مره تشغلى حاجه عدله
شروق بمرح: عشان تعرف الرضى بيعمل ايه .....وبرده عشان الهدية إلا مستنياها بفارغ الصبر دى
آدم بضحك : لا متقلقيش من الناحية دى انا متاكد انها هتعجبك ....ده انتى هتطيرى من الفرحه
لتقوم شروق بالغناء مع الاغنية والتى كانت لتامر حسنى لتردف : واكتر حاجه بتموتنى وتودينى كده وتجيبنى لما ايديا بتيجى عليكى وعنيكى فى عنيا ....واجمل حاجه واحلى ما فيكى شفايفك همسك كل ما فيكى .....عليكى ماشيه الله يخليكى... براحه عليا ...ياااا على الايام لما الايام تضحك للواحد مره وحده وااااه يا سلام يا سلام
ليقوم آدم بايقاف السيارة فجاءة امام مبنى كبير
شروق بذعر : فى إيه ....اوع تكون هتقلبنا.....اكيد هنموت
آدم بخبث : اتفضلى المفاجآة
شروق باستغراب : هيه فين المفأجاة دى
ليشير آدم إلى المبنى الكبير ويقول : هيه دى المفأجاة
شروق بصوت عالى : ننننننعم هى دى المفأجاة......انت اشتريتها ولا ايه
آدم بضحك لااااا ...انتى فاهمه غلط
شروق باستغراب : نعم فاهمه غلط .....اومال .....لا بقى فهمنى انت
تتوقعوه ايه هيه المفاجاة يا شباب ؟؟؟؟
YOU ARE READING
شروق الآدم ( دولا مجانين )
Romanceشروق : اصل مقولتلكش الاوضه زى ما تقول كان بيسكن فيها معيز وبقر ومعفنه فقولت انضفها آدم لنفسه : بيسكن فيها معيز والله المعيز مبقتش بتسكن فيها غير دلوقتى آدم : وانك تكبى عليا مايه وانا نايم ده من ضمن التنضيف. شروق : يقطعنى يا حبيبى مشفتكش لهو انته ك...
