شباب بليز متنسوش التصويت
أثناء جلوس شروق وادم مع الجدى وملك من أجل الافطار .....ليمد آدم يده من أجل التقاط الطعام....ليجدوا شروق تردف بصوت مرتفع : ....حبيبى ليه تتعب ايديك وانا موجوده ...
آدم بسخرية : متشكرين عن خداماتك يا ست شروق ....ليكمل بسخرية ..لسه متكسحتش ....اما اتكسح حاضر......
شروق بصوت منخفض قد وصل لمسامع آدم : ان شاء الله قريب ....لتكمل وهى تتصنع البكاء : شوف ياجدى حفيدك بيقتلنى بالحيا مش عايزنى احطله الأكل ...ياحبيبى يا قرة عينى...اكيد فى حد حاسدك أن شاء الله قريب هرقيك....لتكمل بسخريه : ...فين ايامك ياسى السيد آدم
كان الجدى يضحك وهو يرى حفيده متغاظ ليردف بجدية : فى ايه يا ابنى سيب مراتك تحطلك الأكل ....محصلش حاجه
آدم بغيظ وغضب : ماشى ياجدى....اما نشوف اخرتها معاكى ايه
شروق بضحك : انت تؤمر ياحته من قلبى هحطلك حالا ... بعد وضعها الأكل لآدم....رن هاتفها ولم تكن غير صديقتها.....لتقوم باعطاء المعلقة الى ادم بسرعه وهى تردف بجدية : اغرفلى واغرفلك
اردف ادم بذهول وهو ممسك المعلقة : وسى السيد
اردفت شروق بمرح وهى تجيب على الهاتف : اخبارك واخبار جوزك ايه يابت ياندى
ندى بجدية : والله يابت حساه بيخونى.....انا خايفه يسيبنى.... انصحينى اعمل ايه ...
شروق بجدية : جيتى لاكتر حد تثقى فيه ينصحك....شروق قاتلة الازواج
آدم لنفسه : ان الوليه دى مطلقتش قريب مش هيكون اسمى آدم
لتكمل شروق بتسأل : بقولك هو كهربك قبل كده يابت ....
ندى بذهول : نعم يا اختى.....اكيد لا ويكهربنى ليه أن شاء الله...
شروق بغيظ منها : فيها ايه يا اختى لما جوزك يجيب سلك الكهرباء العريان ويكهربك ....كان آدم والجدى وملك ينظرون لها بذهول بسبب حديثها المجنون....
لتكمل شروق بجدية : مش دافع الكهرباء بفلوسه مش تحمدى ربنا بيديكى طاقه
عوزاكى تقوليلوه تعالى اطفى السجاير فى قفايا..... عمرك قولتى انا رقبتى سداده .....دايما حسسيه كده ان كل اعضائك ليها لازمة قفاكى ودانك فروة راسك بحيث انه دايما يكون محتاجلك حتى وهو بيشرب السجاره ....عمرك شلتيه اوبح وهو داخل من الشقه ....
ندى باستغراب : لا بس ليه
شروق بجدية : عشان اليوم إلا متشيلهوش فيه يحس انه مشلول من غيرك.....طيب انتى عمرك وافقتى انه يضربك بالحزام
ندى برفض : لا
شروق : شوفتى ....شوفتى انا عندى حق...انا دايما نظرى مبيخبش...بالرغم من ان الجلد اكتشفوا ان ليه فوايد كبيرة بيعمل كولاجين طبيعى وبينشط الدوره الدموية ..... طيب قوليلى بتعملى ايه لما بيشترى الفرخه
ندى بجدية : بقسمها بالنص ...مهو ده الطبيعي
شروق بغضب : تعرفى ياندى والله والله ماشفت فى بجاحتك يا اختى .....عشان يبقى جايب الفرخه بفلوسه وتحرقى قلبه عليها......لا ويا بجاحتك بتقسمى معاه بالنص .......يا ام قلب حجر بدل ماتسبيله الفرخه كلها يأكلها على أربع ايام لوحده وتقومى تشوفيلك لقمه بجبنه......
ندى بسخريه : ليه يا اختى اكل لقمه بجبنه عنه ما طفح ....ماياكل هو اللقمه إلا بجبنه....هيجراله ايه
لتكمل شروق بثقة وبسخريه : لعلمك كل الناس عارفه ان نصايحى قايمه على نظريه اتى إيتى أتوا منتوا ايا شورتك ايا يخبتك يا اختى ....مش هتفلحى بعديها
ندى بتسأل : طيب ولو كل النصايح دى مجبتش فايده....اعمل ايه وقتها
شروق بجدية : لا يا اختى بقى ....وقتها رزقى ورزقك على الله... انتى بقى وقتها مقدمكيش غير حل واحد
ندى بلهفة : انجدينى يا اختى ايه هو ...خلينا فى السريع احسن
شروق بجدية وشر : قطعيه وحطيه فى أكياس بلاستيك معفنه .....اهم حاجه معفنه ....مش هتبقى جريمة قتل وخسارة فلوس .....وبعديها خزنية فى الفريزر ان جه عندك امه أو ابوه يسالوكى عليه طيبهولهم وخليهم ياكلوه وروحى بلغى عنهم ان هم طيبوا ابنهم واكلوه ....
ندى بحزن وخوف : مش كده ممكن يموت
شروق بجدية : لا يا اختى نصه هيموت والنص التانى هيعيش ...لتكمل بصراخ وسخريه .....ايه يا ام قلب رهيف ....إلا يموت ييجى غيره.....
ندى باقتناع : ماشى يامعلمتى يلا سلام.....كان الجميع مصدومين مما حدث وسمعوا ...كانوا جالسين فاتحين افواههم من الصدمه
الجدى بجدية : احنا قاعدين مع سفاحه ومش داريين......اتصل على ابوك يتصرف فى السفاحه دى ....خليه ييجى ياخدها ...بدل شويه وهنلاقى نفسنا متخزنين فى اكياس بلاستيك فى الفريزر
ملك وهيه هتفطس على نفسها من الضحك : تعرفى ياجدى اليوم إلا هيختفى آدم فيه هنروح ندور عليه فى الفريزر ....يمكن نلاقيه متكيس وراقد جواه ...
شروق باستنكار : بس يابت.... ده آدم ده حبيبى وتاجى راسى اعمل فيه كده ...ده كده حاجه خفيفه عليه محضراله حاجه اتقل ....اتقل تاخد حاجه احسن
آدم بجدية : كمان.... لا انا كده مطمن على مستقبلى....انا عندى مستقبل مبهر موردش على حد ....
بعد انتهائهم من افطارهم انطلق آدم الى عمله .......
""""""""""""""""""""""""""""""""""""""""""""""""""""
أثناء ما كان يقود آدم سيارته اتى إليه اتصال هاتفي ولم تكن غير ليلى.....ليرد مجيبا : ...عامله ايه ياروحى
ليلى بخبث : ....كويسه ...انت اخبارك ايه يا حبيبى ....شكلك نسيتنى ولا ايه ....مين الا واكل عقلك
آدم بحب : حد يقدر ينسى روحه بردوه .... وحشتينى اوى .....هو فى حد غيرك بياكل عقلى
ليلى : ....كل بعقل حلاوه ....لتكمل بتمثيل الحزن : لو بتحبنى كنت سالت عليا الايام إلا فاتت
آدم بحب : والله ياروحى الشغل كتير اليومين دول ....
ليلى بجدية : خلاص يا حبيبى...سماح المره دى ....بس لازم تيجى تقضى معايا اليوم ونخرج ونفرفش كده
آدم بحب : حاضر يا روحى ...هحاول اخلص بدرى واجى اخدك
"""""""""""""""""""""""""""""""""""""""""""""
نروح لمكان جديد ......
فى احدى قرى الارياف تجلس ... تلك الفتاة شاردة فيما حدث لها الفترة الاخيرة
Flash back
صفية وهى تمسك يد ابنتها بحب لتردف بجدية : بصى يا ولاء لازم ترعى نفسك بنفسك يابنتى ..... ابوكى ده ندل وهمه الوحيد الفلوس وانا مش ضامنه عمرى يا بنتى .....مش عارفه ممكن يعمل فيكى ايه عشان الفلوس
ولاء ببكاء وهى تحتضن والدتها لتردف بحزن : ليه بتقولى كده يا ماما عايزه تسيبنى لوحدى ليه .....وهتسيبينى لمين....مش هقدر أواجه العالم الوحشة ده من غيرك....انتى إلا مصبرانى على كل ده
صفية وهى تربت على شعر ابنتها لتردف بحب : انا يا بنتى لو عليا مش عايزه اسيبك طول العمر بس الأعمار بيد الله يابنتى...ومحدش ضامن عمره ...وبقولك كده عشان الزمن مبيسبش حد فى حاله لازم تبقى قويه يا ولاء وتواجهى اى مشكله ممكن تحصلك فى حياتك....مش عايزاكى تستسلمى أبدا...عايزاكى دايما بنتى القوية....لو ابوكى جه فى يوم اجبرك على حاجه وملقتيش مهرب منها اهربى انتى يا بنتى
end
ولاء وهى تمسك صور والدتها لتقبلها بحب ومن ثم اردفت بحزن لتقول : يارب استرها معايا ....ليه سيبتينى لوحدى يا ماما ..... بابا مش سايبنى فى حالى ....وانا خلاص مبقتش قادره اواجه اكتر من كده .....لتدمع عينها بحزن على حالها وعلى عدم حب والدها لها ....
صلاح بنداء : انتى يابت ....يا مقصورة الرقبة
لتسمع استدعاء والداها له لتخرج بسرعه : ...نعم يابابا
صلاح بأمر : اعمليلى حاجه اطفحها ولا انتى قاعده على فقايا تاكلى وتشربى وخلاص... امتا تجوزى بقى واخلص من همك
ولاء بحزن لكلام والدها : حاضر يا بابا ....هجهزلك اكل بسرعه
صلاح بعدم مراعاة لشعور ابنته ليردف بجدية : خلى فى علمك اول حد هيتقدملك هجوزهولك خلينى اخلص من قرفك...
قامت ولاء باعدادا الطعام إلى والدها .....ثم انطلقت إلى جامعتها ....
ذهب صلاح وقام بالجلوس على القهوة .....ليجد بعد قليل من الوقت المعلم حمدى يجلس معه .....
قام المعلم حمدى بجذب الكرسى على طاولة صلاح ليجلس امامه ويقول : ازيك يا صلاح اخبارك يا راجل ...عاش من شافك
صلاح بجدية : الله يسلمك يا معلم
حمدى بجدية : كنت طالب ايد البت بنتك ولاء ليا....
صلاح بمساومه على ابنته وجشع : وايه الا يخلينى اوافق
حمدى وهو يعلم نقطة ضعفه ليردف : وافق انت بس واقنع بنتك وانت هتنول الشهد
صلاح بفرحه : موافق بس مش هاخد مهر اقل من ١٠٠ الف
حمدى بخبث : موافق.....ليردف بصوت منخفض .... الفرسه دى تستاهل
""""""""""""""""""""""""""""""""""""""""""
فى الجامعه عند ولاء .....كانت تسير لتصتدم بشخص ما
ولاء بخجل واعتذار : آسفة معلش مخدتش بالى
اسماء برفق : ولا يهمك يا قمر
ولاء بشكر : شكر ياا
اسماء بمقاطعه : انا اسماء وانتى
ولاء بهدوء : انا ولاء اتشرفت بمعرفتك يا جميل
اسماء بابتسامه : هو انتى فى كلية ايه بقى
ولاء بابتسامه مماثله : انا اداب انجليزى وانتى
اسماء بضحك : معاكى فى نفس الهم يا اختى..... انتى فرقة كام ...انا اولى
ولاء بضحك : انا بردوه اولى
اسماء بفرحه : دعواتك يا حج اخيرا لقيت حد معايا ...ثم تابعت بإحراج ...ينفع نكون اصدقاء....لو هيضايقك بلاش ...
ولاء بضحك : تضايقينى ايه بس يابنتى ....انااا يشرفنى جدا تبقى صحبتى ...وبعدين انتى شكلك محترم يا سوسو
اسماء بفخر : الحمدلله ...وانتى كمان شكلك محترم عشان كده طلبت منك تبقى صاحبتى يا لولو ...
ايه رايك اعزمك على حاجه بمناسبة صداقتنا...ونتعرف على بعض اكتر .... بعدها ذهبت الفتاتان من أجل الطعام وليتعارفوا على بعض أكثر.....بعد انتهائهم من الطعام
اسماء بجديه : طيب يلا بينا يا لولو نشوف جدول المحاضرات ....
ولاء : يلا
""""""""""""""""""""""""""""""""""""""""""""""""""""
بعد انتهاء ولاء من محاضراتها انطلقت إلى منزلها ....لتجد والدها بانتظارها ليردف بغضب : اهلا بست الحسن والجمال إلا دايره على حل شعرها .....
ولاء بحزن : يا بابا والله كان عندى محاضرات
صلاح مقاطعا إياها ليردف بجدية: بلا محاضرات بلا زفت يعنى الا اتعلموا خدوا ايه .....روحى جهزلنى لقمه نطفحها وتعالى عايزك ....بعد انتهاء صلاح من تناوله الغداء أردف بجدية : متقدملك عريس وانا موافق عليه.....والعريس ده يبقى المعلم حمدى
ولاء بصراخ : نعم انت بتقول ايه ....عريس ايه ده يابابا بس ...ده ولاده ادى ومتجوز تلاته
صلاح بجشع : الراجل جيبه مليان ويقدر يفتح بيت تانى وتالت كمان .....وايه يعنى تبقى الرابعه يا وش النحس انتى ....هو انتى تطولى ....حد يرفس النعمه برجليه .... هيستتك وتعيشى ملكه وهنول من وراكى الشهد
ولاء بعند ورفض : لا مش هتجوزه يا بابا .....قام صلاح برفع يده ليقوم بصفعها.....ثم اردف بغضب ....هتتجوزيه ورجلك فوق رقبتك واعملى حسابك كتب كتابك على حمدى يوم الخميس ....
قامت ولاء بالدخول إلى غرفتها .....لتلقى بنفسها على السرير لتبكى بانهيار .....بعد قليل من الوقت قد هدات بعض الشئ لتقوم بالاتصال على صديقتها ....
ولاء : الحقينى يا شروق مصيبه
شروق بفزع : مصيبه ايه يا اختى كفالله الشر ...هو انا مورايش غير مصايبكم النهارده ولا ايه يا اختى
ولاء ببكاء : بابا عايز يجوزنى للراجل الخرفان حمدى.... انجدينى مش عارفه اعمل ايه فى المصيبه إلا انا فيها
شروق بجدية : ....مقدمكيش حل غير انك تهربى ....اهربى يا اختى ...وانفدى بجلدك
YOU ARE READING
شروق الآدم ( دولا مجانين )
Romanceشروق : اصل مقولتلكش الاوضه زى ما تقول كان بيسكن فيها معيز وبقر ومعفنه فقولت انضفها آدم لنفسه : بيسكن فيها معيز والله المعيز مبقتش بتسكن فيها غير دلوقتى آدم : وانك تكبى عليا مايه وانا نايم ده من ضمن التنضيف. شروق : يقطعنى يا حبيبى مشفتكش لهو انته ك...
