《سنن مهجورة 》
عن أبى الدرداء رضى الله عنه أنه سمع رسول الله صلى الله عليه وسلم يقول :
" من دعا لأخيه بظهر الغيب ، قال الملك الموكل به : آمين ، ولك بالمثل "
"""""""""""""""""""""""""""""""""""""
ادم بضحك وسخرية : لااااا ...انتى فاهمه غلط
شروق باستغراب : فاهمه غلط ....اومال ايه الصح ...لا بقى فهمنى انت
ادم بسخريه : واشتريها ليه اصلا ......احنا جايين الجامعه يبقى ايه المفاجأة فى كده
شروق باستغراب : ايه بقى ....وبردوه مش فاهمه فين المفاجأة
ادم بضحك : انا عارف انك بتحبى الجامعه والمذاكره جدا فقولت اعملهالك مفاجأة وجبتك ليها .....وكمان عندك امتحان النهارده ياروحى .....يلا روحى امتحنى وابقى تعالى على البيت ....ومتاخريش عشان مش بقدر اقعد من غيرك .....بحس وانا من غيرك هيجرالى حاجه او هيجيلى شلل نصفى .....
شروق بغضب لانها اعتقدت انه قام بتحضير لها مفاجاة : اه ياحيوان يعنى ده كله بتضحك عليا ....
ادم بغضب : بطلى قلة ادب....عشان لسانك الطويل ده قريب هقطعهولك .....يلا روحى امتحنى وعايزك تقفلى وتطلعى الاوله
شروق بسخرية : ياحسره منين يااخويا....
آدم بضحك : من عند بتاع الملامين يا اختى
لتنظر شروق فى الساعه التى بمعصمها ثم تنظر باتجاه آدم وتردف : بس ده بدأ بقاله عشر دقايق يعنى مش هلحق
ادم : دول عشر دقايق مش هيفرقوه كتير
شروق : بس انا مش مذاكره حاجه هروح امتحنى بأمى ولا ايه
ادم بعند : مهو انتى هتروحى تمتحنى يعنى هتروحى تمتحنى ....ومن هنا ورايح تنتبهى لمذاكرتك .....يلا انزلى عشان هاامشى
شروق بترجى : بليييز ....خليك جدع ...بالله عليك
آدم بجدية : انزلى
لتنزل شروق من السيارة وهى تقوم برزع باب السيارة لتردف بغيظ : هوووووف ادينى نزلت ....حسبى الله على الظالم والمفترى ....جاتك قرف فى شكلك يلا فى داهية
بعدما انطلق آدم توقفت شروق لتحدث نفسها بذهول : لا مهو مش هتبقى مش فاهمه حاجه ورايحه تمتحنى ...متعمليش زى إلا رايح يضرب راسه بالفأس.....انا هضيع شوية وقت وهروح دخلونى دخلونى مدخلونيش يبقى احسن عشان انا اصلا مش عارفه حاجه وامرى لله
ذهبت شروق لكافتريا الجامعه لتجلس قرابة النصف ساعة
عم حسن : يابنتى مش انتى عندك امتحان ايه الا جايبك هنا .....انت قاعده كده بقالك كتير
شروق بلامبالة: ياعم حسن كبر دماغك.... هتعدى هتعدى متقلقش
عم حسن : يابنتى قومى لو العميد عدى دلوقتى هتضرى نفسك وهتضرينى معاكى
شروق بجدية : خلاص ياعم حسن عشان خاطرك بس همشى .....طيب قولى بقى الساعه كام .....
عم حسن بجدية : الساعة عشرة دلوقتى يابنتى
شروق بمرح : لا كده حلوه اوى.......انا كده مطروده مطروده ......اروح بقى عشان أرضى ضميرى واكون عملت إلا عليا....ده مهما كان بردوه ضميرى...وانا ضميرى حيا .....مانا مهما كان بردوه مش اى حد
عم حسن وهو يضرب يدى على اخرى : ربنا يهديكى يابنتى
ثم اتجهت شروق للمدرج الذى يعقد به الامتحانات
"""""""""""""""""""""""""
تدخل شروق للجنه بعد منتصف الوقت بابتسامه مصطنعه : صباح الخير يا دكتور ......اخبارك عامل ايه ...
الدكتور وهو يخلع نظارته الطبية: نعم
شروق بمرح : صباح الخير يا دكتور
الدكتور بحدة : وهيبجى الخير منين طالما اصطبحت بوشك ....ايه إلا جايبك يا انسه ....انتى مش عارفه انك شايله الماده
شروق بصوت منخفض : ايه الاحراج ده...مانا كنت قعدت فى بيتى بكرامتى احسن .....بدل الاهانه ديه ...منك لله يا آدم الكلب ..... ثم لتكمل بجدية : اكيد حضرتك مش واخد بالك ....انا طالبه هنا
الدكتور بجدية : لا واخد بالى ....بس الظاهر ان انتى إلا مش واخده بالك من الساعه ...انتى يا انسه جاية دلوقتى تعملى ايه
شروق وهى تمثل الجدية : امتحن يا دكتور.....اومال هيكون جايه اعمل ايه فى وقت بدرى زى ده ابيع لبن مثلا
الدكتور بسخريه : جاية بعد نص الوقت وعايزه تمتحنى
شروق بمرح : يادكتور ده انا شطوره وذكية هخلص الامتحان فى دقيقة .....انا مش هحتاج غير منتس
الدكتور بضيق : لا انا شايف ان حضرتك تروحى ترتاحى النهارده ونشوف وشك بكره ان شاء الله ما الامتحان مش هيطير خدى راحتك خالص
شروق بمرح : والله كلك ذوق ...فعلا عندك حق يعنى الامتحان هيطير.....انا قولت للواد آدم كده بردوه..... يلا سلام عليكم
الدكتور بعصبية : امشى اطلعى بره
شروق بلامبالة : اه مانت عايز تطلعنى معاك على المعاش....لوما الكلب آدم مكنتش هتشوف وشى ...اصلا البنت ملهاش غير بيت جوزها مانا مش هعمله اكل بالأبحاث والدراسات العليا ......خلاص ماشيه وسيبهالك مخضره اشبع بيها
"""""""""""""""""""""""""""""""""""
بعد طردها كانت تسير كعادتها لتخرج من الجامعه لتجد أحد الشباب اعترض طريقها
مهند بسماجه: على فين ياحلوه
شروق: ميخصكش وابعد من قدامى ...عشان معملش معاك الصح
مهند بخبث: ليه بس يا شوشو كده ده انا بحبك ياجميل
شروق بغضب : حبك برص ولا اقولك ...حب اما يلهفك ...
مهند : مالك كده شايطه ... ده انا حبب اتعرف عليكى
شروق : وانا مش حابه اتعرف ...حصلنا القرف يلا طرقنا .......ورينى عرض اكتافك
ومن ثم ذهبت وتركته ولكن فى أثناء طريقها امام الجامعه وجدت احد الشباب يقوم بمعاكستها.......
الشاب : ايه يا مزه هاتى رقمك زيرو كام
شروق بغضب : زيروه امك ياحبيبى تحب اعرفك عليها
لتجد الشاب يقترب منها ليردف : ليه بس الغلط يامزه
شروق بغضب : انا هوريك المزه دى هتعمل فيك ايه
الشاب بسماجه : جيبى اخرررك ياجميل
شروق بجدية : لا دانت شكلك ناوى ترقد فى المستشفى النهارده
الشاب بلامبالة : وماله نجرب
شروق بغضب : تجرب ياحبيبى متجربش ليه ......اهو مره من نفسك .....ثم قامت بخلع حذائه وقامت بضر ب الشاب ......وخلال بعض الوقت كانت دماغ الشاب تنزف
الشاب بغضب : اه يا بنت الكلب والله مانا سايبك
شروق بغضب : كلب اما ياكل رمتك يا معفن يا زباله ...طيب تعالى بقى ...انت إلا جبته لنفسك.......ثم قامت بجذبه من شعره وقامت بضربه وعضه
الشاب بغضب : اااه يا بنت العضاضه
شروق بغضب هى الأخرى : بردوه. ....بردوه بتغلط .....بتكررى نفس الغلط يا بطه
الشاب بغضب لأحد اصدقائة : اطلبلى الشرطه بسرعه واقف بتتفرج على ايه ....مستنى اما دمى يتصفه ....انا هخليكى تسجنى والله لهوريكى
قام احد اصدقاء الشاب بالاتصال على الشرطه وفى خلال بعض الوقت حضر بوكس الشرطه
الشاب بغضب : شوف يا باشا البت المسعورة دى عملت فيا ايه..... وقام الشاب بالاتصال على أحد معارفه لكى يقبضوا عليها
شروق بمرح : انا معملتش حاجه ....انا بريئة ...انا مظلومه انا اتلعب فيا ...قصدى بيا
الظابط بجدية : طيب اطلعى معانا وبعدين نشوف موضوع بريئة ده ....
قامت شروق بالصعود لسيارة الشرطة لتردف بغناء : ....مستقبلى باظ..مستقبلى باظ ...لووووولى ....شروق وهى توجه نظرها للضابط ما تغنى معايا على خيبتى التقيله.......اه يا حسره عليكى يا شروق ده لو آدم عرف هيعلقك بالشقلوب
العسكرى بجدية : ما تخرسى بقى صدعتينا
شروق بمرح : لو مش عاجبك طلقنى ....لينظر لها الضابط بضيق
شروق وهى تضع يدها على رأسها وتندب حظها ثم وجهت انظارها باتجاه الظابط لتردف : تفتكر آدم الكلب هيسلخنى زى الدبيحه بتاعة العيد ......كانت شروق تتخيل نفسها تذبح وتسلخ على يد آدم لتصيح بصراخ : ..لااااااا... ياااااااختااااى.......يااااختاااى........انا فى عرضك ياحكومه.....الشرطه فى خدمة الشعب ..... احمونى ... طيب اهرب فين.....اروح منك فين يا آدم يا ابن سعديه العمشه
لتسال الظابط مره أخرى وهى على وشك البكاء : طيب لو عرف ان انا دخلت السجن وكمان ما امتحنتش ممكن يرمينى من الدور العاشر لتصرخ : يالهههوتى يا صغيره على الموت يا شروق .....ياحبيبتى .....ما انا كنت قاعده متستته فى بيتى...ايه إلا رماكى على الهم ...رضينا بالهم والهم مرضاش بينا
الظابط بغضب : اخرسى بقى كان يوم اسود يوم ما قبضوا عليكى
شروق بمرح : فى ايه يا جدع انت مش بحكيلك مآساتى .....اسمع بس وانت ساكت محدش قالك اتكلم .....كن مستمع جيدا
YOU ARE READING
شروق الآدم ( دولا مجانين )
Romanceشروق : اصل مقولتلكش الاوضه زى ما تقول كان بيسكن فيها معيز وبقر ومعفنه فقولت انضفها آدم لنفسه : بيسكن فيها معيز والله المعيز مبقتش بتسكن فيها غير دلوقتى آدم : وانك تكبى عليا مايه وانا نايم ده من ضمن التنضيف. شروق : يقطعنى يا حبيبى مشفتكش لهو انته ك...
