خبر صحفي (قيد التعديل)

الخامس عشر

البارت 15 💜✨

صَلٌوا على من أحبّنا وأحببناه دون أن يرانا أو نراه 💜✨

*******************

"ايه اللى بيحصل هنا ده"

التفت كلا منهما ناحية صاحب الصوت والذي لم يكن سوى يونس فاقترب منهما ليسأل مجددا

"ها ممكن حد يفهمني ايه اللى بيحصل ده؟، انتو هنا في شغل مش في حضانه"

جاءت زينة لتتحدث ليرفع هو يده
"ششش ولا كلمة اللى حصل ده ميتكررش تاني علشان رد فعلى هيكون اوحش المرة الجاية"

ثم تركهما واتجه للأعلى حيث مكتبه لتنظر زينة نحو كرم قليلا ليردف
"اضحكي"

انفلتت ضحكات زينة لتضع يدها على ثغرها حتي تخفض من صوت ضحكاتها ليشاركها كرم بإبتسامة ثم محاها سريعا وهو ينظر خلفها

"باشمهندس يونس"

توقفت زينة سريعًا لتنظر خلفها ولكن لم تجده فعادت بنظرها الى كرم الذي كان يضحك بصخب عليها لتشيعه بنظرات غاضبه فتقدمت منه لتركله بقدمها ليتأوه هو لكنه قال بضحكة

"ايه انتِ مش لسه سامعاه بيقول الحاجات دى متتعملش في الشغل تانى"

وجهت له نظرة نارية ليتراجع سريعًا
"خلاص هسكت"

"ناس تخاف متختشيش"

"هختشي المرة الجاية حاضر"

ثم اتجه اليها ليضع يده في يدها
"يلا يا بنتي نطلع على شغلنا قبل ما هولاكو على رأيك يرجع لينا تاني"

"ايوة يلا نتلم احسن"

اردفت بها وهى تتجه معه للأعلى
"الا قولى صحيح هى نانسي فوق ولا ايه"

"اه دى زمانها بتتجهز دلوقتي"

عقدت زينة حاجبيها بعدم فهم
"بتتجهز!! بتتجهز لـ ايه؟! "

"ايه ده هو انا مقولتلكيش"

انتبهت زينة له اكثر لتقول
"لا قولى انتِ مقولتليش"

"اصل نانسي اديلها من ساعة ما رجعت وهي مستنية المدير الجديد يشرف وكل شوية يحرام متلحقش تشوفه"

توسعت عين زينة قائلة
"يا راجل"

اومأ كرم لتضيف هى
"ده احنا هنشوف ايام عنب"