ماطلبت عذرك أنا نفسي عزيزة

Part : 42

عند العيال الباقين واقفين عند المحطه |
سياف وقف سيارته على جنب ونزل يشتري له علبه دخان بدال حقته اللي خلصت ، و ناصر نزل للبقالة بعد حتى يشتري له مفرحات واشياء يتسلى فيها بالطريق ، اما فيصل واقف على جنب منتظر ناصر وسعود يعبي بنزين ، نزل بسرعه فيصل من سيارته من اتذكر حاجه وركب بسرعه بسيارة سعود وقال : في بالك حي نستاجر فيه شقق  بالرياض ؟
سعود بتفكير  : لا والله ما اعرف مره بالرياض الا حي عمي مشعل ابو متعب اذكر عندهم شقق هنآك للعزابيه ومفروشه بعد
فيصل بتفكير : بس اتوقع سياف يقبل ؟
سكت سعود لثواني وقال :خل نوصل اول للرياض بعدها ندور لنا كوفي نجلس فيه ونفكر بالسالفه
فيصل : خلاص تمام ( نزل فيصل من سياره سعود من شاف سياف وناصر اللي طالعين من البقاله  سياف رجع لسيارته وناصر رجع لسياره فيصل) حرك سياف سيارته وحركو الباقي وراه طلع له سيقاره وولعه وبدا يدخن  قرا اللوحة المكتوبه على الطريق " الرياض " أبتسم بسخرية من حظه اللي دايم يجمعه فيها مهما حاول يتنساها او يبعد عنها وخذ سحبه طويله من السيقاره وزفر النفس من فمه بهدوء ، سياره حمدان وعبير كانت وراهم وورا سياره حمدان سياره اخته اعتام  يمشون كلهم مع بعضهم حتى لا يضيعون ،،

" تسريع الوقت شويه "

وصلو العيال للمدينه المنوره وخذو  لهم فندق ،
طلع رائد الورقه من مخباه اللي عطاه هو الجد عبدالله كان مكتوب فيه رقم العم عماد : عسى بس مايكون غير رقمه
خالد بتوتر : عسى
حمد : اتصل للرقم خل نتاكد
كتب رائد الرقم وفعلا جاري الاتصال فزو كلهم بفرحه وثواني وجاهم صوت العم عماد وهو يقول : هلا ؟
رائد تنحنح وقال : سلام عليكم ياعم
العم عماد: وعليكم السلام ياوليدي اقدر اساعدك بحاجه
رائد :  ياعم انا رائد اخو سياف وسعود  الليله واصل المدينه المنوره انا وعمي خالد
العم عماد: يااهلاا بوليديي  وانا اقول وش فيها المدينه منوره اهلا وسهلا وشلونك ووشلون جدك
رائد : لحمدلله ياعم كلنا بخير نشكر الله وجدي يسلم عليك بالحيل الليله جينا انا وثلاثه من اخوياي وعمي خالد للمدينه و..
العم عماد قاطع كلام رائد وقال : الله يسلامه يارب ياولدي انا وجدك عشره عمر فطوركم وعشاكم اليوم عندي تفهمون ؟
رائد : ياعم واصله العزيمه بس...
قاطع كلام رائد العم عماد وهو يقول : لا بس ولا يحزنون عشاكم عندي وعلي بالطلاق انه عشاكم عندي انت وعمك واللي يعز عليكم بعد
رائد بحراج : خلاص تم ياعم بكرا صباح نكون عندك آن شاء الله
العم عماد : ان شاء الله ( قفل رائد الخط وناظر له خالد بعصبيه : لا والله فاضي وراقي تتعشى وتفطر انت ؟
رائد : شسوي حلف بالطلاق الرجال !
ضحك عبدالمحسن وقال : خلاص عادي ياعيال وش فيكم نلحق ترا ونساله عالطبيعه يكون افضل نضمن انه مايكذب علينا
حمد : صدق شلون مافكرنا فيها ذي
عمر : اجل خلاص خلونا لحينه ننام انا تكسرت بعد الخط ،
العيال كلهم قامو ينامون بعد يوم تعب طويل ،

بالرياض | بالكوفي
جالسين العيال يشربون قهوة وقاطع الصمت الطويل عليهم فيصل وقال : ها ياعيال الفندق وحجزناه بس الشقق وين بنحجزها نبيها مفروشه وتنفع لنا لاننا عزابيه مالنا بعائلات
سعود : مافي حي ببالي الا حي عمي مشعل ابو متعب اذكر عندهم عماراه للعزابيه ويجرون شقق مفروشه فيها
حمدان: خلاص اجل حلو نروح نشوفها بكرا
احتدت نظرات سياف لسعود وانتبه سعود لنظرات سياف والرفض الواضح بوجهه سياف وابتسم له بخفه ، ارتخت ملامح سياف المحتده من ابتسم سعود مهما يكون ضايق ومهما يتنرفز إبتسامه وحده من سعود تنسيه كل حاجه : زين خلاص نشوف السالفه بعدين يلا انا استاذنكم برجع الفندق احس بتعب
فز سعود بخوف : اجي معك ؟
ابتسم سياف بخفه وقرب من سعود وهمس له : تطمن باغي انام بس
سعود تنهد براحه وقال : زين بلحقك بعدين
سياف زين ( سحب سياف مفتايح سيارته وتحرك من الكوفي وبقو حمدان وفيصل وناصر وسعود جالسين عالطاوله )
بنفس المكان | دخلت عذاري وغرام الكوفي وخذو لهم طاوله تنحت غرام وهي تناظر الطاوله اللي جالس عليها سعود وثلاث من اخوياه وعلامات الاستغراب واضحه عليها
عذاري  بستغراب : غرام ؟ وش فيكِ ؟
غرام : ها لا ولا حاجه (جلست غرام  وناظرت عذاري للمكان اللي كانت تناظر له غرام وابتسمت :  ذاك ماله ولد عمك ؟ بس وين اخوه الثاني  ما اشوفه معه
غرام : مدري ( تجاهلت عذاري الموضوع ونادت النادل حتى ياخذ طلباتهم) وماهي شويات حتى طلعو سعود والباقي من الكوفي وبقو غرام وعذاري بس ،،