နေပိုင်ထွဋ်က ယမင်းနဲ့တိုးတိုးတိုးတိုးပြောနေကြသောသန့်ဇင်ကိုမေးငေါ့ပြရင်းဇေကြီးကိုထပ်ဖဲ့လေသည်။
"အေးပြောထားစမ်း မကြာခင်မင်းအတွင်းရေးမှူးမလေးကနေ ငါ့အိမ်ရှင်မလေးဖြစ်တော့မှာကွ!"
ဇေကြီးစကားကိုကြားတော့ ယမင်းနဲ့ကြည်နူးနေသောသန့်ဇင်ကပါခေါင်းထောင်လာသည်။ သူငယ်ချင်း၃ယောက်စလုံးက တစ်ယောက်တည်းကျန်တော့တဲ့ဇေကြီးရည်းစားရရှိရေးကို စိတ်ဝင်စားနေကြသည်။
"ဟေ့ကောင်နေထွဋ် မင်းကအဲ့တာမသိဘူးလား မင်းပြောတော့ မင်းအတွင်းရေးမှူးက ဇေကြီးနဲ့မတန်ပါဘူးဆို "
သန့်ဇင်က ဝင်နှောက်လိုက်တော့ နေပိုင်ထွဋ်သည် ဘေးမှာခင်သက်ရှိနေတာမို့ မြွေကိုက်ပြီဆိုတာကြိုတွေးလိုက်မိသည်။ ထို့ကြောင့်ခါတိုင်းလိုပက်ခနဲပြန်မပြောနိုင်ဘဲ သူ့ကိုနဂါးမျက်စောင်းနဲ့မော့ကြည့်လာတဲ့ခင်သက်ကိုအရင်ပြုံးစိစိနှင့်ငုံ့ကြည့်လာပါသည်။
"အေး ဟုတ်တယ်... ငါဟိုးတစ်ခါလိုက်ကတည်းက မင်းပြောတာလေ ကြည်ပြာချိုက ငါနဲ့မတန်ပါဘူးတဲ့ မင်းအတွင်းရေးမှူးက ဗိုင်းကောင်းကျောက်ဖိမိန်းမကောင်းလေးတဲ့"
"အေးလေ ငါပြောချင်တာက ကြည်ပြာချိုက တကယ်သူ့ဟာသူနေတဲ့အေးဆေးသမားကွ မင်းကငပွေငရှုပ်"
"ဒါပေမဲ့ မင်းအတွင်းရေးမှူးမလေးမိုက်တယ်ဆိုပြီးငါတို့ကိုအရင်ပြတာဘယ်သူလဲ!"
ဇေကြီးကတော့ ခင်သက်ရှိနေတာကိုမသိတော့တဲ့အတိုင်း နေပိုင်ထွဋ်ကို ဂျင်းအကြီးစားတွေထည့်နေပြီဖြစ်သည်။
သူနဲ့မတန်ဘူးလို့ပြောခဲ့တဲ့အပေါ် သိပ်အစာကြေပုံအပေါ်ဘဲ ဟိုးအရင်တုန်းကအစတွေပါဆွဲထုတ်နေတာဖြစ်သည်။
"အေးဟုတ်တယ်နော် ကြည်ပြာချို့ပုံအရင်လာပြတာ မင်းပဲကွ"
သန့်ဇင်ကပါဘေးကနေထောက်ခံပေးနေလေသည်။
"ဟုတ်တယ် မင်း သူဘယ်နေ့ စကပ်ဘာအရောင်ဝတ်တာကအစအကုန်အလွတ်ရတာ"
"ဟုတ်ပါ့ ငါတို့ကိုပြတဲ့နေ့တုန်းက စကပ်အပြာလေးနဲ့ပုံပဲ မင်းကိုယ်တိုင်ရိုက်လာတာလား"
YOU ARE READING
ပြန်လိုချင်တယ် (Completed) OC
Romance"မင်း အဲ့သလောက် တိုနှံ့နှံ့လေးတွေဝတ်ပြီး ပွတ်သီးပွတ်သပ်လုပ်ပြရတာကြိုက်နေလား" "ကြိုက်တယ် ကျွန်မဟာကျွန်မကြိုက်လို့ ဝတ်တယ်ဘာဖြစ်လဲ!" "အေး...အဲ့တာဆိုရင် ချွတ်စမ်း...မင်းယောက်ျားငါ ဒီမှာထိုင်ကြည့်မယ် ချွတ်...ခုချွတ်!" Mautre on Uni/Zawgyi "မင္း အဲ့သေလာက...
Part (49) Uni/Zawgyi
Start from the beginning
