-
7:01 صباحاً
منسدحه على بطنها و اصابعها تلعب بشعر الاكبر الي رايحه بسابع نومه و وجهها مقابل لها
بس بما ان نوم الاكبر خفيف ف هي دقايق و صحت
رمشت لثواني تستوعب و هي تشوف وجه سحاب الملائكي المبتسم
سحاب : صباح الخير
بيان ابتسمت رغم استغرابها : صباح النور؟
سحاب : كيفك ؟
بيان ضحكت : الحمدلله ، وانت ؟
سحاب عضت شفتها : اوكي سؤالي مو وقته كان بس الحمدلله بعد
بيان : انتي تمام ؟
سحاب : ايي وش فيني ؟
بيان : امس و الي قبله كن-
سحاب : هششش ادري .. كنت شوي مضغوطه من الاختبارات ف علشان كذا نفست
بيان شكت شوي : و الحين ؟
سحاب : تمام التمام
بيان فرحت : وش ذا الصباح الحلو طيب ؟
سحاب قربت و باست شفايف بيان بوسه سطحيه و رجعت مكانها
سحاب و سحبت يدها من شعر بيان : بما ان اليوم الجمعه ف اسفه لاني صحيتك بس امس لما رجعت الغرفه ما لقيتك و بعدها بالليل دخلت لقيتك نايمه ما لحقت اكلمك
بيان و قلبها ما تخطى البوسه ابتسمت بجانبيه : طيب بما انها الجمعه شرايك نطلع مع بعض و نقضيه ملاصقين بعض ؟
سحاب : نقدر ؟
بيان : انتي تبين ؟
سحاب هزت راسها بحماس : اكييد
بيان : لك الي تبيه
سحاب : بس اول خلنا نكمل النومه مو معقول من الصبح صاحين
بيان ضحكت و هي تفتح يدينها لسحاب الي دخلت في حضنها : سحبتيها من لساني
سحاب عدلت نفسها بحضن الاكبر و هي تستشعر دفئها
-
8:29 صباحاً
فهد دخل و هو يحك راسه و عيونه فيهم النوم للمكان الي يعج بالاصوات الكثيره
فهد : يالله صباح خير شصاير هنا ؟
منصور الي جالس على الكنب : جدي بالطريق و بعد شوي يوصل
YOU ARE READING
بَعيد عنك .
Romance"لما كابتن تميم يضطر يقابل عائلة زميلة هنا يصير الي مو متوقع" - BXB GXG 'عاميه' - started : February 17, 2023 ended : March 4 , 2023