-FLASH BACK-قبل ثلاث سنوات
نط عليه و حضنه بقوه اول ما دخل الغرفه و هو بيطير من الفرحه : سويتها سعود سويتها !!
كان فرحان لدرجة رجوله مو قادره تثبت بالارض و الثاني ما بادله الحضن على عكس الي توقعه هو
فصل فهد الحضن مستغرب هالشي و طالع بوجه سعود القريب منه : حبيبي شفيك؟
سعود تأمل بوجه فهد شوي و بعدها وجه نظره بعيد بدون اي رد
فهد استغرب اكثر و بعد عنه بس ناظر بالورقه الي كان حامله من اول ما دخل الغرفه و رفعها مبتسم بكبر : شوف سعودي قبلوني بأكاديمية اوكسفورد البريطانيه .. بصير طيااررر و اخيراً !!!
سعود تنهد بس ما حرك انظاره من مكانه
فهد تكتف بعد ما فشل للمره الثانيه يحمسه : لا عاد احتاج تفسير عن نفسيتك ذي؟
سعود ناظر فيه : فهد لازم نتكلم
فهد ابتسم : اكيد بس عن ايش؟
سعود : عن موضوع دراسة الطيران ...
عقد فهد حواجبه بس ما تكلم
سعود : تعرف اني ما حبيت سالفة التخصص ذا من اول؟
فهد ملامحه ارتخت : بس انت كنت تعرف اني قدمت بس له ..!!
سعود : الصراحه ما كنت متوقع بيقبلونك ف ما تكلمت
فهد نزل عيونه و نطق بهدوء : بس انت تعرف من اول ان ذا حلمي من زمان ...
سعود قرب منه و حاوط كتوف فهد بيدينه يشد عليهم : اعرف يقلبي بس انا ما اقدر على بُعدك ثواني و لمسافه قريبه كيف لو بعدت عني الالف الكيلوميترات و لأشهر؟ و بعدها لو تخرجت انت و صرت طيار تتوقع اني بتحمل ؟؟
فهد ناظره و عيونه تشرح : بس وقتها بقدر اجي و اروح يعني بيصير مثل الدوام المكتبي
سعود شد على كتوفه : ما اقدر فهد افهم هالشغله ما تصلح لك !!
فهد بترجي : بس ذا طموحي
سعود سحب يدينه راجع خطوتين لورا : ولو .. لازم تضحي عشان حبنا و علاقتنا !! يعني تتخيل بتستمر علاقتنا لو انت كل يوم مسافر من مكان لمكان تاركني هنا انتظرك تحن عليي بشوفتك؟؟
تنفس سعود مكمل : و لو حبينا نتكلم يا انتظر لين ترجع او اكلمك بالجوال؟ هذا ان حصلتك اساساً !!
YOU ARE READING
بَعيد عنك .
Romance"لما كابتن تميم يضطر يقابل عائلة زميلة هنا يصير الي مو متوقع" - BXB GXG 'عاميه' - started : February 17, 2023 ended : March 4 , 2023