-
بعد 29 يوم
الدمام - الشرقيه
7:00 مساءاً
عبدالعزيز بصوت عالي : خلصونا انت و هو ترا ما بنتظركم !!
تميم من الغرفه بنفس المستوى : خلصنا يالثور اصبر
عبدالعزيز : لو صلاة الجمعه شبتسوون ؟ كلها ثلاث ركع تتصلى بسرعه !!
دخل فهد للصاله : تكلم السديسي
عبدالعزيز : شف من الي يتكلم ؟ انت حتى لو صليت صلاتك تحتار ايش تكفر و ايش تترك؟
فهد جلس على الطاوله قدامه و بدأ ياكل : على الاقل ما استشرف نفسكم قدام اهلي
تليد دخل هو و تميم الصاله ف يدهم صحنين كبار الي في يد تليد كان مرقوق لحم و الي عند تميم كان ورق عنب
تليد : مو مشكلتنا اذا اهلك غاسلين يدهم منك
حطوا الصحنين على الطاوله و جلسوا تميم جنب عزوز و تليد جنب فهد
فهد و هو ياخذ حبة ورق عنب : على الاقل صادق ما امثل قدامهم
عبدالعزيز : علتبن تراك ما قايل كل شي عندك .. اهلك يعرفون انك صايع بس ما يعرفون صايع مع اي جنس بالضبط
ابتسم فهد رافع كتوفه : يقولك قول الحقيقه حتى لو مو كامله المهم تقولها
تليد : لا تحاول تقول عِبر مره ثانيه
فهد طنشه و كمل ياكل بس رفع راسه و ناظر بتميم الي كان ياكل بهدوء واضح عليه منشغل بتفكيره
فهد بهدوء : تميم ليش ما تاكل؟
تميم رفع راسه و ابتسم بخفه : الا اكل
عبدالعزيز : صاير شي؟ واضح صاير اصلاً
تميم تنهد : ما في شي بس .. يعني تعرفون العيد و اشتقت لأخواني ...
عبدالعزيز ربت على ظهره : ما عليه يخوي اهم شي راحتك الحين و اخوانك تقدر تتصل فيهم و تعايدهم و تتكلم معاهم للصبح لا تزعل نفسك بس
تميم ابتسم له : مشكور
عبدالعزيز ابتسم له بعد : يلا كمل اكلك ترا المفجوع ذا -اشر على فهد- ما بيبقي شي لنا
ضحك تميم و فهد رفع حواجبه : ماكل من حلال ابوك انا ؟ كلتبن بس
استمروا يتجادولون و هم ياكلون بس بعد عين فهد كانت تراقب تميم و هو كان يحاول يبين ان ما فيه شي بس يفشل بهالشي عند فهد
YOU ARE READING
بَعيد عنك .
Romance"لما كابتن تميم يضطر يقابل عائلة زميلة هنا يصير الي مو متوقع" - BXB GXG 'عاميه' - started : February 17, 2023 ended : March 4 , 2023